02:41 PM   IRAQ
WEDNESDAY, 24 OCTOBER 2018
 به په‌له |◀   پێوەندیی نێوان تورکیا و هەرێمی کوردستان یەک ساڵ پاش ڕیفراندۆم
توركیا: له‌گه‌ڵ ئێراندا له‌ په‌یوه‌ندیداین بۆ هێرشكردنه‌ سه‌ر قه‌ندیل

به‌شی تورکیا- توركیا ڕایده‌گه‌یێنێت له‌گه‌ڵ ئێراندا له‌ په‌یوه‌ندیدایه‌ بۆ تاوتوێ كردنی ئه‌گه‌ری له‌شكركێشییێک بۆ سه‌ر گه‌ریلاكانی پارتی كرێكارانی كوردستان (په‌كه‌كه‌) له‌ قه‌ندیل.

به‌پێی هه‌واڵی کوردپرێس، مه‌ولوود چاوش ئۆغڵو ڕای‌گه‌یاندوووه‌ كه‌ "له‌گه‌ڵ ئێراندا له‌ په‌یوه‌ندیداین، چوونكه‌ په‌كه‌كه‌ هه‌ڕه‌شه‌یه‌ بۆ سه‌ر ئه‌وانیش. قه‌ندیل زۆر نزیكه‌ له‌ سنووری ئێرانه‌وه‌..ئێمه‌ هاوكاری خۆمان له‌گه‌ڵ ئێران باشتر ده‌كه‌ین".

حه‌یده‌ر عه‌بادی، سه‌رۆک وه‌زیرانی عێراق، له‌میانی پێشكه‌ش كردنی وتاری هه‌فتانه‌ی خۆیدا ڕای‌گه‌یاند: عێراق‌ و توركیا هیچ ڕێككه‌وتنێكیان له‌ باره‌ی ئه‌نجامدانی ئۆپه‌راسیۆنی سه‌ربازی توركیا له‌ناو خاكی عێراقدا نییه‌.

عەبادی، لێدوانەکانی تورکیاشی لەبارەی هێرشکردنە سەر پارتی کرێکارانی کوردستان پەکەکە لە قەندیل بە بانگەشەی هەڵبژاردن وەسف کرد.

لێدوانەکانی عەبادی لە کاتێکدایە وەزیری بەرگریی تورکیا لە نوێترین لێدوانیدا ڕای‌گەیاندوووە ڕەزامەندى هەریەک لە عێراق و ئێران-یان وەرگرتوووە بۆ هێرش کردنە سەر پەکەکە لە چیاکانى قەندیل.

سه‌رچاوه‌:‌ ئاژانسی هه‌واڵی HaberTurk

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه