03:20 PM   IRAQ
WEDNESDAY, 24 OCTOBER 2018
 به په‌له |◀   پێوەندیی نێوان تورکیا و هەرێمی کوردستان یەک ساڵ پاش ڕیفراندۆم
ئاڵدار خەلیل: هیوادارین ئەسەد جدی بێت لەسەر ئەنجامدانی دانوستان

به‌شی جیهان- ئاڵدار خەلیل هاوسەرۆكی دەستەی جێبەجێ كردنی تەڤگەری كۆمەڵگەی دیموكراتی ڕای‌گەیاند: تا ئێستا هیچ هەنگاوێک بۆ دانوستان نەنراوە بەڵام هیودارن ئەسەد جدی بێت لەسەر ئەنجامدانی گفتوگۆ.

به‌پێی هه‌واڵی کوردپرێس، ناوبراو ڕاگەیاندوووە: "تا ئێستا هیچ هەنگاوێک بە ئاڕاستەی دانوستان لە نێوان هێزە کوردییەکانی ڕۆژئاوا و ئەسەددا نەنراوە، بەڵام هەر ڕێککەوتنێک بکرێت ئەوا دەبێتە خاڵێکی وەرچەرخانی مێژوویی."

هەروەها وتیشی: "نازانین ئەسەد تا چ ڕادەیێک ئامادەکاری کردوووە و جدییە لەم بارەیەوە، بەڵام هیوادارین لێدوانەکانی کاردانەوەی ویستێکی جدی بن."

ئاماژەی بەوەش کرد: هەڕەشەی سەربازیی ئەسەد پەشیمانی لەدواوە دەبێت و پێویستە هەموو هەوڵەکان بۆ چۆنێتی بەرەوپێش بردنی بژاردەی ئاشتی بێت.

ڕاشی‌گەیاند: "ئێمە نامانەوێت پێش بابەتەکان بکەوین و پێشنیاز بکەین بۆ ئەوەی نەبنە مەرج، گرنگرین شت ڕازی بوونە بە پرنسیپەکانی دانوستان."

ئەمەش لە کاتێکدایە کە مانگی ڕابردوو بەشار ئەسەد سەرۆکی سوریا ڕای‌گەیاند: دەرگایان کراوەیە بۆ گفتوگۆ لەگەڵ هێزەکانی سووریای دیموکرات هەسەدە، بەڵام ئەگەر شکستی هێنا ئەوا هێزی سەربازی بۆ کۆنترۆڵ کردنەوەی ناوچەکانی باکووری سووریا بەکاردەهێنن.

گفتوگۆی ڕاستەوخۆی هێزە کوردییەکان و دیمەشق پێکهاتەی حەوت ساڵ پێکدادان لە سووریا دەگۆڕێت، ئەگەر سەرکەوتوو بێت و ڕێککەوتنی لێ بکەوێتەوە، ئەوا هێزە کوردییەکان و ڕژێمی سووریا زۆرترین خاکی سووریایان بەدەستەوە دەبێت.

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه