23:57 PM   IRAQ
SATURDAY, 18 AUGUST 2018
 به په‌له |◀   فڕۆکەکانی تورکیا بە توندی بۆردومانی بناری قەندیل دەکەن
ئاسایشی‌ گەرمیان سزای گەنجە چەكدارەكانی دەربەندیخانی راگەیاند

به‌شی عێراق و هه‌رێمی کوردستان- ئاسایشی گەرمیان سزای ئەو گەنجانەی راگەیاند كە پێشتر لە گرتەیێكی ڤیدیۆیی رایان‌گەیاند: لە دژی حكوومەتی هەرێمی كوردستان چەكیان هەڵگرتوووە.

به‌پێی هه‌واڵی کوردپرێس، بەڕێوەبەرایەتیی ئاسایشی‌ گەرمیان لە راگەیەنراوێک ئەمڕۆ پێنجشەممە بڵاوی كردەوە كە دوای ئەوەی پەڕاوی لێكۆڵینەوە كرایەوە و هەموو بەڵگەكان خرانە بەردەستی دادوەری لێكۆڵینەوە لەگەڵ دانپێدانانی هەر حەوت گەنجەكە سەرەنجام تۆمەتەكەیان بەسەردا ساغ بۆتەوە.

ئاسایشی گەرمیان بڵاویشی كردەوە كە دادوەری لێكۆڵینەوەی تاوانەكانی كەركووک/ گەرمیان بەپێی ماددەی (156) یاسای سزادان بۆ هەریەكەیان ماوەی پێنج ساڵ و یەک مانگ سزای زیندانی كردنی سەپاندوون.

هەروەها ئاشكراشی كردوووە كە یەكێک لە تۆمەتبارەكان بە ناوی ئاریان عەلی، بەهۆی نەبوونی بەڵگەوە بڕیاری بێتاوانی بۆ دەركرا و ئازاد كراوە، ئەوانی دیكەش بۆ بەسەربردنی ماوەی سزاكەیان، رەوانەی بەڕێوەبەرایەتی چاكسازی گەورانی سلێمانی كراون.

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه