12:28 PM   IRAQ
FRIDAY, 20 SEPTEMBER 2019
 به په‌له |◀   زەریف بەرەو نیۆرک بەڕێکەوت
TUESDAY, 16 JULY 2019 - 17:34
هونەرمەندێکی گەورەی مەقام­زان و ژەنیاری تەموورە کۆچی دواییی کرد

بەشی فەرهەنگ و هونەر- مامۆستا تاهیر یاروەیسی مەقام­زان و ژەنیاری و دروستکەر ئامێری تەموورە کۆچی دواییی کرد.

بەپێی هەواڵی کوردپرێس ڕۆژی سێشەمە 25ی پووشپەڕ بەرانبەر بە 16ی تەمووزی 2019 مامۆستا تاهیر یاروەیسی تەموورەناس و مەقام­زان و ژەنیاری ئامێری تەموورە لە نەخۆشخانەی بێستوونی کرماشان کۆچی دواییی کرد.

مامۆستا یاروەیسی هەر لە تەمەنی 10 ساڵییەوە دەستی کرد بە ژەنینی تەموورە و لە هەمان تەمەنی منداڵییەوە لای مامۆستا چەنگیز فەرمانی مەقامەکانی تەموورە فێر دەبوو.

هەروەهاش یەسد وەلێ حسێنی و مامۆستا بیرخان (لالۆ بیرخان) دوو گەورەپیاوی ناوچەی زەردەی داڵەهۆ مامۆستای خوالێخۆشبوو یاروەیسی بوون بۆ فێرکردنی تەموورە.

مامۆستا تاهیر یاروەیسی ساڵی 1319 لە شاری گاوارەی سەر بە داڵەهۆی کرماشان لە دایک بووە و ئەمڕۆ لە تەمەنی 89 ساڵیدا بۆ هەمیشە چاوی بەڕووی دونیادا نووقاند.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه