10:07 PM   IRAQ
FRIDAY, 23 AUGUST 2019
 به په‌له |◀   لێکۆڵینەوەی ورد بۆ تەقینەوەی کۆگاکانی چەک و تەقەمەنی لە عێراق دەکرێت
SATURDAY, 6 JULY 2019 - 11:41
پارێزگاری سلێمانی داوای پەرەپێدانی هاوکارییەکانی نێوان کوردستانی ئێران و هەرێمی کوردستان دەکات

بەشی کوردستان- پارێزگاری سلێمانی سەردانی چەندی پڕۆژەی پیشەیی و ئابووری و بەرهەمهێنانی شاری سنەی کردووە و لە لێدوانێکدا ئامادەییی هەرێمی کوردستانی ڕاگەیاندووە بۆ فراوانکردنی هاوکاریی دووقۆڵی بەتایبەتی لە باری ئابووری و بازرگانییەوە.

بەپێی هەواڵی کوردپرێس هەڤاڵ ئەبووبەکر پارێزگاری سلێمانی کە بە مەبەستی بەشداری کردن لە کۆنگرەی ناودارانی کورد سەردانی سنەی کردبوو چەندین پڕۆژەی ئابووری و پیشەیی و بەرهەمهێنانی لەو شارە بەسەرکردەوە و ئامادەییی هەرێمی کوردستانی ڕاگەیاند بۆ ئەوەی هاوکارییەکانیان لە بواری ئاڵوگۆڕی بازرگانی و لە کەرتی بەرهەمهێنانی و سەرمایەدانانی پیشەیی لە کوردستانی ئێران زیاتر بکەن.

هەڤاڵ ئەبووبەکر دووپاتی کردەوە کە پێویستە هەردوو ژووری بازرگانیی سلێمانی و سنە هاوکارییەکانیان فراوانتر بکەن و هەوڵ بدەن توانای ئابووریی هەردوو پارێزگای سلێمانی و سنە بەکار بهێنن بەشێوەیێک کە بەرژەوەندیی کوردستانی ئیرانیش و هەرێمی کوردستانیشی تێدا بێت.

شایانی باسە ڕۆژی هه‌ینی 14ی پووشپه‌ڕی 1398 به‌رانبه‌ر به‌ 5ی ته‌مووزی 2019 مه‌راسیمی دانانی به‌ردی بناغه‌ییی پڕۆژه‌ی کۆگه‌ی بازرگانی و بازاڕی گه‌وره‌ی سنه‌ سنته‌ر به‌ به‌شداریی پارێزگاری سلێمانی، پارێزگاری کوردستان، شاره‌وان و ژماره‌یێک له‌ به‌ڕێوه‌به‌ران و چالاکوانانی بواری ئابووری به‌ڕێوه‌ چوو کە سەرمایەدانەری ئەو پڕۆژەیە هاووڵاتییێکی خەڵکی سلێمانییە لە هەرێمی کوردستان.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه