11:46 PM   IRAQ
FRIDAY, 20 SEPTEMBER 2019
 به په‌له |◀   زەریف بەرەو نیۆرک بەڕێکەوت
SUNDAY, 30 JUNE 2019 - 18:25
50 هێکتار لە لەوەڕگەکانی کرماشان سووتا

بەشی کرماشان- فەرماندەی پۆلیسی شاری کرماشان ڕایگەیاند 50 هێکتار (200 دۆنم) لە لەوەڕگەکانی دوو گوندی کرماشان سووتان.

بەپێی هەواڵی کوردپرێس سەرهەنگ حسێن بەراری فەرماندەی پۆلیسی شاری کرماشان ڕایگەیاند: "پێوەندییێکی تەلەفونی بە فەرماندەی پۆلیسی 110ی کرماشانەوە کرا و هەواڵی ئاگرکەوتنەوە لە لەوەڕگەکانی دوو گوندی کەمەرئاو و جامەشۆران بە پۆلیس ڕاگەیێندرا بۆیە دەستبەجێ فەرمانبەرانی بنکەی پۆلیسی قەرەسوو نێردرانە شوێنی ڕووداوەکە."

سەرهەنگ بەراری گوتیشی بە هیمەتی تیمەکانی بەرگریی شارستانی و پۆلیس و خەڵکی مەدەنی پاش سێ کاتژمێر ئاگرەکە کۆنتڕۆڵ کرا.

ناوبراو زیادیشی کرد: تا ئێستا هۆی ئاگرکەوتنەوەکە دەرنەکەوتووە بەڵام تیمەکانی پۆلیس بەردەوامن لە بەدواداچوون بۆ ئەو بابەتە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه