11:51 PM   IRAQ
FRIDAY, 20 SEPTEMBER 2019
 به په‌له |◀   زەریف بەرەو نیۆرک بەڕێکەوت
MONDAY, 24 JUNE 2019 - 16:59
سووکایەتی کردن بە جلوبەرگی کوردی، پارێزگاری کرماشان دێنێتە سەر خەت

بەشی کرماشان- پارێزگاری کرماشان فەرمانی کرد مەسەلەی سووکایەتی کردن بە جلوبەرگی کوردی کە لە دایرەی "تامین اجتماعی" بە هاووڵاتییێک کراوە لەدواداچوونی بۆ بکرێت.

بەپێی هەواڵی کوردپرێس هووشەنگ بازوەند لەبارەی سووکایەتی کردن بە جلوبەرگی کوردی کە فەرمانبەرێکی دایرەی "تامین اجتماعی"ی شاری جوانڕۆ بەرانبەر بە هاووڵاتییێک کردوویەتی هاتە دەنگ و فەرمانی کرد بەشێوەی پێویست بەدواداچوون بۆ ئەو بابەتە بکرێت.

بازوەند گوتیشی ڕێز گرتن مافی هاووڵاتییان ئەرکی هەمووانە و بێ ڕێزی کردن قووبڵ ناکرێت بۆیە پێویستە بەدواداچوونی جدی بکرێت بۆ مەسەلەی سووکایەتی کردن بە جلوبەرگی کوردیی هاووڵاتییێک کە سەردانی دایرەی "تامین اجتماعی"ی کردووە.

هەر بە پێی فەرمانەکەی پارێزگاری کرماشان سەید عەلا حەیدەری وەکوو بەرپرسی بەدواداچوون بۆ ئەو کەیسە دیاری کرا.

شایانی باسە شەهاب حسێنی نوێنەری پاوە و جوانڕۆ لە پەرلەمانی ئێرانیش پێش دوو ڕۆژ ئەو بابەتەی لە پەرلەمان ورووژاند و هۆشداریی بە بەڕێوەبەری گشتیی "تامین اجتماعی"ی ئێران دا کە چۆن فەرمانبەرێکی دایرەکەیان ڕێگەی ئەوەی پێدراوە سووکایەتی بە جلوبەرگی کوردی بکات.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه