22:57 PM   IRAQ
MONDAY, 22 OCTOBER 2018
 به په‌له |◀   رۆژی سێشه‌ممه‌ ورده‌كاریی پرسی كوژرانی جه‌مال خاشوقچی ڕادەگەیێنین
بەرپەرچدانەوەی هێرشێکی تیرۆریستی شەهید کرانی 4 هێزی سنوورپارێزی ئێرانیی لێکەوتەوە

به‌شی ئێران/ کوردی- جێگری کۆمه‌ڵایه‌تیی فه‌رمانده‌ییی سنووره‌ڤانیی سیستان و به‌لووچستان ده‌ڵێت: سه‌رله‌به‌یانیی ئه‌مڕۆ هێزه‌کانی سنوورپارێزی ئه‌م پارێزگا له‌گه‌ڵ گرووپێکی تیرۆریستی شه‌ڕیان کرد که‌ له‌ ده‌رئه‌نجامدا 4 هێزی سنوورپارێزی میرجاوه‌ شه‌هید و 3 هێزی دیکه‌ش بریندار بوون.

به‌پێی هه‌واڵی کوردپرێس، ڕائید ئه‌بولحه‌سه‌ن زیایی ڕای‌گه‌یاند: کاتژمێر 1 تا 3ی سه‌رله‌به‌یانیی ئه‌مڕۆ هێزی سنوورپارێز له‌ سنووری میرجاوه‌ له‌گه‌ڵ گرووپێکی تیرۆریستی شه‌ڕیان کرد و به‌ره‌نگاری ئه‌و گرووپه‌ تیرۆریستییه‌ بوونه‌وه‌.

ناوبراو وتیشی: له‌و پێکدادانه‌دا ئه‌فسه‌ر وه‌حید حسێن‌زاده‌، سه‌رباز ئه‌بولفه‌زڵ غوڵام‌پوور، زه‌که‌ریا نوتی زهی و مه‌حموود ڕه‌جه‌ب‌نیا شه‌هید کران و 3 هێزی دیکه‌ش بریندار بوون و دوو ئه‌ندامی گرووپه‌ تیرۆریستییه‌که‌ کوژران.

ڕائید ئه‌بولحه‌سه‌ن زیایی ده‌شڵێت: هێشتاکه‌ هێزی سنوورپارێز به‌ هه‌موو پێداویستییه‌وه‌ له‌ سنووره‌که ئاماده‌‌ن و ئیزنی ده‌ستدرێژی به‌ گرووپه‌ تیرۆریستییه‌کان ناده‌ن.

شایانی باسه‌؛ میرجاوه‌ له‌ 75 کیلۆمه‌تریی ڕۆژهه‌ڵاتی زاهدانه‌ و یه‌کێک له‌ دراوسێکانی وڵاتی پاکستان دێته‌ ئه‌ژمار.

سه‌رچاوه‌: کەناڵی هەواڵی تەلەڤزیۆنی ئێران

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه