17:20 PM   IRAQ
THURSDAY, 21 JUNE 2018
 به په‌له |◀   عه‌بادی داوای ده‌ستگیر کردنی ئه‌وانه‌ ده‌کات که‌ له‌ ھه‌ڵبژاردندا ساخته‌کارییان کردوووه‌
به‌يان سامى: داوا ده‌كه‌ين لێكۆڵينه‌وه‌ له‌ تاوانه‌كانى داعش بكرێت

 به‌شی عێراق و هه‌رێمی کوردستان- به‌يان سامى عه‌بدولڕه‌حمان، نوێنه‌رى حكوومه‌تى هه‌رێمى كوردستان له‌ واشنتن، راي‌گه‌ياند: پێويسته‌ كۆمه‌ڵگه‌ى نێوده‌وڵه‌تى لێكۆڵينه‌وه‌ له‌ تاوانه‌كانى داعش بكات و دواى سه‌د ساڵ له‌ بڕانه‌وه‌ى جه‌نگى يه‌كه‌مى جيهانى رێگه‌ له‌ به‌كارهێنانه‌وه‌ى چه‌كى كۆمه‌ڵكوژ بگرێت.

به‌پێی هه‌واڵی کوردپرێس، ئه‌مڕۆ به‌ بۆنه‌ى سييه‌مين ساڵيادى كيمياباران كردنى شارى هه‌ڵه‌بجه‌ و شاڵاوه‌كانى جينۆسايدى كوردستان به‌ سپۆنسه‌رى ميديايى كوردستان24 له‌ واشنتن كۆنفرانسێكى تايبه‌ت له‌ باره‌ى جينۆسايدى كورد و هه‌ڵه‌بجه‌ رێكخرا.

له‌و كۆنفرانسه‌دا چه‌ندين به‌رپرس، توێژه‌ر، كۆنگرێسمان و نووسه‌رى ئه‌مريكى به‌شداربوون، له‌ ئاستى وه‌زاره‌تى ده‌ره‌وه‌ى ئه‌مريكاشدا (ئه‌ندرو پيک)، جێگرى ياريده‌ده‌رى وه‌زيرى ده‌ره‌وه‌ى ئه‌مريكا بۆ كاروبارى عێراق و ئێران به‌شداریی كرد.

له‌ وته‌يێكيدا، نوێنه‌رى حكوومه‌تى هه‌رێم راشی‌گه‌ياند: هه‌رێمى كوردستان يه‌كه‌م كيانى سياسى بوووه‌، تاوانه‌كانى داعشى وه‌ک كۆمه‌ڵكوژى ناساندوون و داواى لێكۆڵينه‌وه‌ى له‌ ئاستى كۆمه‌ڵگه‌ى نێوده‌وڵه‌تى كردوووه‌.

كۆنفرانسه‌كه‌ له‌ هۆڵى (نيوزيه‌م) كه‌ سه‌نته‌ر و مۆزه‌خانه‌يێكى گرنگى رۆژنامه‌وانييه‌ له‌ واشنتن به‌ڕێوه ‌ده‌چێت و كوردستان 24 راسته‌وخۆ رووماڵى ده‌كات.

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه