19:50 PM   IRAQ
SATURDAY, 21 SEPTEMBER 2019
 به په‌له |◀   شەڕی دژبە کورد ئەولەویاتی یەکەمی تورکیا نیە
SATURDAY, 1 JUNE 2019 - 14:14
ئۆتۆمبێلێک ده‌فڕێت و به‌ هایدرۆجین كار ده‌كات

به‌شی زانست و ته‌کنه‌لۆجیا- كۆمپانیای ماساچوسێتس ستارته‌پ ئالاكای دیزاینی ئۆتۆمبێلێكی كردووه‌ كه‌ توانای فڕینی هه‌یه‌ و به‌ خانه‌ی سووته‌مه‌نی هایدرۆجین كار ده‌كات.

کوردپرێس:

کۆمپانیای ماساچوسێتس ستارته‌پ ئالاکان له‌باره‌ی دیزاینی ئۆتۆمبێله‌که‌وه‌ ڕای‌گه‌یاندووه‌: ئه‌و ئۆتۆمبێله‌ یه‌كه‌مین ئامێری ئاسمانییه‌ كه‌ به‌ خانه‌ی سووته‌مه‌نی هایدرۆجین كار ده‌كات و 10 هێنده‌ی باتری لیسیه‌م به‌هێزه‌ و كاربۆن ده‌رناكاته‌ هه‌وا.

ئۆتۆمبێله‌كه‌ جێگای پێنج سه‌رنشینی هه‌یه‌ و ده‌توانێت له‌ ماوه‌ی چوار كاتژمێردا 640 كیلۆمه‌تر ببڕێت.

ماوه‌ی چوار ساڵ كۆمپانیاكه‌ كاری له‌سه‌ر دیزاین كردنی ئه‌و ئۆتۆمبێله‌ كردووه‌ و هیواداره‌ پێش كۆتایی هاتنی ساڵی 2020 مۆڵه‌تی به‌ڕێوه‌به‌رایه‌تی فیدراڵی ئاسمانی به‌ده‌ست بهێنێت.

چوار بزوێنه‌ر (ڕۆتۆر) هاوكاری فڕین و نیشتنه‌وه‌ی ئۆتۆمبێله‌كه‌ ده‌كه‌ن و به‌هۆی ئه‌و چوار بزوێنه‌ره‌وه‌ ئۆتۆمبێله‌كه‌ هاوشێوه‌ی فرۆكه‌یێكی گه‌وره‌ی بێفرۆكه‌وان كار ده‌كات.

هاوكات سیسته‌مێكی چوارچێوی ئاسمانی له‌ ئۆتۆمبێله‌كه‌دا دیزاین كراوه‌ كه‌ ڕێگری ده‌كات له‌ كه‌وتنه‌خواره‌وه‌ی له‌ ئه‌گه‌ری شكستهێنانی بزوێنه‌ره‌كان.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه