19:40 PM   IRAQ
SATURDAY, 21 SEPTEMBER 2019
 به په‌له |◀   شەڕی دژبە کورد ئەولەویاتی یەکەمی تورکیا نیە
SUNDAY, 26 MAY 2019 - 11:33
یه‌که‌مین باڵه‌خانه‌ له‌ شێوه‌ی گیتاردا دروست ده‌کرێت

به‌شی زانست و ته‌کنه‌لۆجیا- له‌ وه‌رزی پاییزی ئه‌مساڵدا بۆ یه‌که‌م جار له‌ جیهاندا هۆتێلێک له‌ شێوه‌ی گیتاردا له‌ باشووری ویلایه‌تی فلۆریدای وڵاتی ئه‌مریکا ده‌کرێته‌وه‌.

کوردپرێس:

ماڵپه‌ڕی سی ئێن ئێن له‌ بابه‌تێکدا ئاماژه‌ی به‌ کۆمپانیای هارد ڕۆک کردووه‌ که‌ له‌ پرۆژه‌یێکدا زیاتر له‌ دوو ملیار دۆلاریان ته‌رخان کردووه‌ بۆ دروست کردنی دوو هۆتێل و چه‌ندین کاسینۆ و ناوچه‌ی گه‌شتیاری له‌ شاری تامپا و هۆڵیوودی ئه‌مریکا و یه‌کێک له‌و هۆتێلانه‌ش له‌ شێوه‌ی ئامێره‌ی میووزیکی گیتاردایه‌.

هه‌روه‌ها ئه‌م باڵه‌خانه‌یه‌ 400 پێ به‌رزه‌ و ناوی "Hard Rock Hotel"ه‌ و به‌ فه‌رمی ڕۆژی ٢٤ی مانگی تشرینی یه‌که‌م ته‌واو ده‌کرێت.

جیم ئالێن به‌ڕێوه‌به‌ری سه‌ره‌کیی کۆمپانیاکه‌ له‌باره‌ی هۆتێله‌که‌وه‌ وتی: "ئه‌م ئامێره‌ میووزیکییه‌ به‌شێکی گه‌وره‌ی که‌سایه‌تی کۆمپانیاکه‌مانه‌".

گه‌وره‌ترین به‌شی ئه‌م هۆتێله‌ هۆڵێکی زه‌به‌لاحی کۆنسێرتی میووزیکییه‌ که‌ به‌ ته‌نها زیاتر له‌ 125 ملیۆن دۆلاری تێچووه‌ بۆ ئه‌وه‌ی دروست بکرێت و به‌پێی وته‌ی به‌رپرسانی هۆتێله‌که‌ باشترین سته‌یج ده‌بێت بۆ هونه‌رمه‌ندانی میووزیکی تا به‌ ڕاسته‌وخۆ کاره‌کانیان نمایش بکه‌ن.

ئه‌مه‌ش چه‌ند وێنه‌یێکی هۆتێله‌که‌یه‌:

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه