11:45 PM   IRAQ
FRIDAY, 20 SEPTEMBER 2019
 به په‌له |◀   زەریف بەرەو نیۆرک بەڕێکەوت
TUESDAY, 14 MAY 2019 - 17:37
ڕووسیا بەشداریی پڕۆژەیێکی بەرهەمهێنانی خورما لە کرماشان دەکات

بەشی کرماشان- بریکاری پارێزگاری کرماشان لە لێدوانێکدا ڕایگەیاند بڕیارە گەورەترین پڕۆژەی چاندنی دار خورما و بەرهەمهێنانی خورما لە کرماشان بە سەرمایەدانەریی لایەنی ڕووسی لە هەردوو شاری قەسرشیرین و گێڵانغەربی پارێزگای کرماشان بکرێتەوە.

بەپێی هەواڵی کوردپرێس ئیدارەی پارێزگای کرماشان لە هەواڵێکدا ڕایگەیاند پڕۆژەیێکیان ئامادە کردووە کە لەو پڕۆژەیەدا گەورەترین دارستانی خورمای ڕۆژئاوای ئێران لە دوو شاری قەسرشیرین و گێڵانغەرب دەکرێتەوە و سەرمایەدانەرانی ڕووس لە پڕۆژەکەدا هاوکار دەبن.

لە دانیشتنێکی ئەنجومەنی ئیداریی پارێزگای کرماشاندا هیدایەت حاتەمی بریکاری پارێزگاری کرماشان لەو بارەیەوە ڕایگەیاند ئەنجومەنی پارێزگا هەوڵ دەدات سەرمایەدانەرانی بیانی بۆ کرماشان ڕابکێشێت و دەرفەتی باشتر و هەلی کاری زیاتر لە پارێزگاکەدا بڕەخسێنێت و کردنەوەی دارستانی خورمای قەسرشیرین و گێڵانغەربیش یەک لەو پڕۆژانە دەبێت کە بە سەرمایەی بیانی کاری لە سەر دەکرێت.

ناوبراو ئەوەشی زیاد کرد پڕۆژەی گەرمەسێری شوێندانەر دەبێت بۆ دەوڵەمەندکردنی کەرتی جووتیاری و بەرهەمهێنانی بەروبوومی زیاتر ئەوەش خاڵێکی ئەرێنییە بۆ پێشخستنی دۆخی نالەباری ئابووریی ئێستاکەی ئێران.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه