01:44 PM   IRAQ
THURSDAY, 27 JUNE 2019
 به په‌له |◀   بەرهەم ساڵح: ئێستا ناوچەکە بەتایبەت عێراق پێویستی بە ئاشتییە
MONDAY, 13 MAY 2019 - 13:42
نوێنه‌ری ئیلام تایبه‌ت بۆ کوردپرێس:
پێویسته‌ سنووری چیلاتی دێلۆران بکرێته‌وه‌

به‌شی ئێران/ کوردی- شادمێهر کازم‌زاده‌ داوا له‌ وه‌زیری ناوخۆی ئێران ده‌کات که‌ به‌ڵێنه‌کانی سه‌باره‌ت به‌ کردنه‌وه‌ی سنووری چیلاتی دێلۆران جێبه‌جێ بکات.

نوێنه‌ری خه‌ڵکی دێلۆران، ئابدانان و ده‌ڕه‌شار له‌ په‌رله‌مانی ئێران له‌ دیمانه‌یێکی تایبه‌ت له‌گه‌ڵ کوردپرێسدا ئاماژه‌ به‌ به‌ڵێنی ده‌وڵه‌ت بۆ کردنه‌وه‌ی سنووری چیلاتی دێلۆران ده‌کات و ڕای‌ده‌گه‌یێنێت: ده‌وڵه‌ت چه‌ندین جار له بۆنه‌ جیاوازه‌کان وه‌ک‌ چله‌ی ماته‌مین و سه‌ردانی زیاره‌تکاران بۆ شوێنه‌ پیرۆزه‌کان ڕای‌گه‌یاندووه‌ که‌ سنووری چیلاتی دێلۆران ده‌کاته‌وه‌ به‌ڵام تاوه‌کوو ئێستا هیچ هه‌نگاوێکی بۆ کردنه‌وه‌ی ئه‌و سنووره‌ هه‌ڵنه‌گرتووه‌.

ناوبراو گوتیشی: ئێستا باشترین ده‌رفه‌ته‌ بۆ ئه‌وه‌ی ده‌وڵه‌ت ئاوڕێکی جیدی له‌م بابه‌ته‌ بداته‌وه‌ و به‌ڵێنه‌که‌ی جێبه‌جێ بکات. کردنه‌وه‌ی سنووری چیلات هیچ تێچوویێکی بۆ ده‌وڵه‌ت نییه‌ به‌عه‌کسه‌وه‌ له‌ به‌رژه‌وه‌ندیی خه‌ڵکی ناوچه‌که‌ و ئابووریی وڵاتدا ده‌بێت.

کازم‌زاده‌ ئاماژه‌ به‌ نزیکیی سنووری چیلات به‌ ناوه‌ندیی عێراق ده‌کات و ده‌ڵێت: دێلۆران نزیکترین سنووره‌ به‌ ناوه‌ندیی عێراق و ئه‌گه‌ر بکرێته‌وه‌ ده‌توانێت باری ترافیکی وڵات له‌ کاتی سه‌فه‌ر بۆ شوێنه‌ پیرۆزه‌کان که‌م بکاته‌وه‌.

ناوبراو جه‌ختی کرده‌وه‌: ئه‌گه‌ر سنووری چیلاتی دێلۆران بکرێته‌وه‌ کاتی خه‌ڵک به‌فیڕۆ ناچێت و هه‌زینه‌کانی وڵاتیش که‌م ده‌کرێته‌وه‌.

کازم‌زاده‌ ڕه‌خنه‌ له‌ ده‌وڵه‌ت ده‌گرێت و ده‌شڵێت: ده‌وڵه‌ت هه‌میشه‌ بیانوو ده‌هێنێته‌وه‌ که‌ لایه‌نی عێراقی کردنه‌وه‌ی سنووره‌که‌ ڕه‌ت ده‌کاته‌وه‌ به‌ڵام به‌م شێوازه‌ نییه‌.

له‌ کۆتاییدا ئه‌ندامی کۆمیسیۆنی ئاوه‌دانکردنه‌وه‌ ڕوونی کرده‌وه‌: چه‌ندین جار وه‌زیری ناوخۆی ئێران ڕه‌زامه‌ندیی خۆی له‌گه‌ڵ کردنه‌وه‌ی سنووری چیلاتی دێلۆران ده‌ربڕیوه‌ و هیوادارین ئه‌م بابه‌ته‌ جێبه‌جێ بکرێت و سنووره‌که‌ بکرێته‌وه‌.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه