21:18 PM   IRAQ
MONDAY, 15 JULY 2019
 به په‌له |◀   هۆی ناکۆکییه‌کانی نێوان ئه‌نقه‌ره‌ و واشنتۆن پشتیوانیی ئه‌مریکایه‌ له‌ کورد
TUESDAY, 23 APRIL 2019 - 09:38
ڕێبەی باڵای شۆڕش: پێچەوانەی خواستی دوژمنان پێوەندییەکانی نێوان ئێران و پاکستان دەبێت پتەو بکرێتەوە

بەشی ئێران- ڕێبەری باڵی شۆڕشی ئیسلامیی ئێران لە دیدار لەگەڵ سەرۆک وەزیرانی پاکستان و شاندی یاوەری ڕایگەیاند: پێوەندیی نێوان گەلانی ئێران و پاکستان پێوەندییێکی قووڵە و جەختی کردەوە پێچەوانەی خواستی دوژمنان پێوەندییەکانی نێوان ئێران و پاکستان دەبێت پتەو بکرێتەوە.

بەپێی هەواڵی کوردپرێس، شانەی ڕاگەیاندنی نووسینگەی ئایەتۆڵڵا خامنەئی ڕێبەری باڵای شۆڕشی ئیسلامیی ئێران بڵاوی کردەوە: لە دیدارەکەدا ئاماژە بە بنەما مێژوویەکانی پێوەندیی هەردوو وڵات دراوە و ڕێبەری ڕایگەیاندووە: ئەو پەڕی شکۆی نیمچە کیشوەری هیند لەسەردەمی دەسەڵاتدارێتیی موسوڵمانەکاندا بووە و گەورەترین زەبری چەوسێنەرانی بەریتانی بەم ناوچەیە لەناوبردنی شارستانییەتی ئیسلامیی بووە.

ڕێبەری شۆڕشی ئیسلامی لەدرێژەدا ڕێزی لە کەسایەتییە گەورەکانی پاکستان گرت و باسیان لە ئیقبال لاهووری و محەمەد عەلی جناح کرد و وتیان: پێوەندیی باش لە بەرژەوەندیی هەردوو وڵاتدایە، بەڵام پێوەندییەکان دوژمنی جیدییان هەیە کە دەبێت دژی خواستی ئەوان هەنگاو هەڵبگرین هاوکارییەکان و پێوەندییەکان پەرە پێبدەین.

لای خۆیشیەوە سەرۆک وەزیرانی پاکستان ئاماژەی دا بە پێوەندییە مێژووییەکانی ئێران و وڵاتەکەی و ڕایگەیاند: هەندێک نایانهەوێت تاران و ئیسلام ئاباد بە یەکتر نزیک ببنەوە بەڵام ئێمە بەسەر کێشەکاندا زاڵ دەبین و هەوڵ دەدەین پێوەندییەکانی هەردوو وڵات بەهێزتر بکەینەوە.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه