14:23 PM   IRAQ
THURSDAY, 27 JUNE 2019
 به په‌له |◀   ئەردۆغان: سەردانی ئۆجەلان بە ئاگاداریی میت-ەوە ئەنجام دەدرێت
MONDAY, 22 APRIL 2019 - 12:55
فیلمی ده‌رهێنه‌ری ئیلامی به‌شداری له‌ فێستیڤاڵی جیهانیی به‌ریتانیا ده‌کات

به‌شی فه‌رهه‌نگ و هونه‌ر- درامای "یه‌ک شاخه‌ گوڵ" له‌ ده‌رهێنانی تاڵب ڕه‌ماوه‌ندی له‌ به‌شی کێبه‌رکێی فێستیڤاڵی جیهانیی فیلمی Life-Off 2019ی وڵاتی به‌ریتانیا به‌شداری ده‌کات.

تاڵب ڕه‌ماوه‌ندی به‌ هه‌واڵنێری کوردپرێسی ڕاگه‌یاند: فێستیڤاڵی جیهانیی فیلمی Life-Off 2019 جگه‌ له‌ شاری له‌نده‌نی سه‌ر به‌ به‌ریتانیا له‌ 12 شاری سه‌ر به‌ وڵاتانی جۆراوجۆری جیهان وه‌ک سیدنی، مه‌نچێسته‌ر، ملبۆرن، ئامستردام، به‌رلین، تۆرنتۆ، تۆکیۆ، پاریس و نیۆیۆرک به‌ڕێوه‌ ده‌چێت.

ناوبراو ئاماژه‌ی به‌ درامای یه‌ک شاخه‌ گوڵ کرد و گوتی: ئه‌م فیلمه‌ ساڵی 1391 دروست کراوه‌ و هه‌ندێک که‌س وه‌ک میدیا ئازادی، عه‌نبه‌رته‌ڵا مه‌داحی و موسه‌یب ڕۆسته‌می له‌ فیلمه‌که‌دا ده‌ور ده‌بینن و له‌لایه‌ن کۆمپانیای "مورچه‌"وه‌ بڵاو ده‌کرێته‌وه‌.

ڕه‌ماوه‌ندی سه‌باره‌ت به‌ ناوه‌ڕۆکی فیلمه‌که‌ زیادی کرد: منداڵێکی کچی ته‌مه‌ن 8 ساڵ هه‌وڵ ده‌دات له‌ ساڵڕۆژی به‌رزڕاگرتنی یادی مامۆستادا خه‌ڵاتێک به‌ مامۆستاکه‌ی ببه‌خشێت. منداڵه‌که‌ ده‌یهه‌وێت شاخه‌ گولی سه‌ر فرێمی وێنه‌ی باوکی کۆچکردووی بۆ مامۆستاکه‌ی ببات که‌ ته‌نها یادگاری باوکی بۆ دایکییه‌تی و له‌ ئه‌نجامدا دایکی دژایه‌تی له‌گه‌ڵ بڕیاره‌که‌ی ده‌کات به‌ڵام یارمه‌تیی کچه‌که‌ی ده‌دات که‌ ڕێگایێکی دیکه‌ بۆ ئه‌و بابه‌ته‌ بدۆزێته‌وه‌.

شایانی باسه‌؛ له‌ دیزاینی پۆسته‌ری فه‌رمیی فێستیڤاڵی جیهانیی فیلمی Life-Off 2019دا به‌شێک له‌ فیلمی یه‌ک شاخه‌ گوڵ نمایش دراوه‌ که‌ پیشانده‌ری گرنگیی فیلمه‌که‌ بۆ فێستیڤاڵه‌که‌یه‌.

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه