11:52 PM   IRAQ
TUESDAY, 23 APRIL 2019
 به په‌له |◀   ڕێبەی باڵای شۆڕش: پێچەوانەی خواستی دوژمنان پێوەندییەکانی نێوان ئێران و پاکستان دەبێت پتەو بکرێتەوە
MONDAY, 15 APRIL 2019 - 17:53
لە کرماشان دەست بە سەر 246 کیلۆ مادەی هۆشبەردا گیرا

بەشی کرماشان- فەرماندەی پۆلیسی کرماشان ڕایگەیاند: لە سێ هەڵمەتی جیاجیادا فەرمانبەرانی پۆلیسی کرماشان توانییان دەست بە سەر 246 کیلۆ مادەی هۆشبەردا بگرن و سێ قاچاخچییش لەو هەڵمەتانەی پۆلیسدا دەستبەسەر کراون.

بەپێی هەواڵی کوردپرێس فەریق مەنووچەهر ئەمانوڵڵایی فەرماندەی پۆلیسی پارێزگای کرماشان لە لێدوانێکدا ڕایگەیاند: فەرمانبەرانی پۆلیس توانییان لە سێ هەڵمەتی جیاجیادا 246 کیلۆ مادەی هۆشبەر کەف بکەن و 3 تاوانباریش لەو هەڵمەتانەدا دەستبەسەر کراون.

ناوبراو ئاشکراشی کرد: لە هەڵمەتی یەکەمدا پۆلیسی کرماشان 30 کیلۆ مادەی هۆشبەریان لە لۆرییێکی بارهەڵگردا کەشف کرد و لە هەڵمەتێکی دیکەشدا 60 کیلۆیان کەشف کرد و لە هەڵمەتی سێهەمیشدا دەستیان بە سەر 156 کیلۆ مادەی هۆشبەری دیکەدا گرت کە شۆفیری ئوتومبیلەکان حەشاریان دابوو.

فەرماندەی پۆلیسی کرماشان ئەوەشی زیاد کرد لە سەرەتای ئەمساڵی هەتاوییەوە کۆی 403 کیلۆ مادەی هۆشبەریان لە کرماشان کەشف کردووە و دەستیان بە سەردا گرتووە.

ئەمانوڵڵاهی گوتیشی تاوانبارانی دەستبەسەر کراو پاش تۆمارکرانی دۆسیە ڕادەستی دادگا کراون بۆ ئەوەی حوکمیان لە سەر بدرێت.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه