13:25 PM   IRAQ
THURSDAY, 27 JUNE 2019
 به په‌له |◀   ئەردۆغان: سەردانی ئۆجەلان بە ئاگاداریی میت-ەوە ئەنجام دەدرێت
SUNDAY, 14 APRIL 2019 - 20:03
نوێنەری ئیلام: زیانلێکەوتووانی لافاوەکەی 3ساڵی ڕابردوو ئێستاش قەرەبوو نەکراونەتەوە

بەشی ئیلام- نوێنەری خەڵکی ئیلام لە کۆبوونەوەی ئەمڕۆی پەرلەمانی ئێراندا ڕەخنەی لە دەوڵەت گرت و ڕایگەیاند: تا ئەم کاتەش جووتیارانی لێقۆمای ئیلام کە ساڵی 1395 بەهۆی لافاوەوە زیانیان بەرکەوت قەرەبوو نەکراونەتەوە.

بەپێی هەواڵی کوردپرێس شادمێهر کازمزادە ئەمڕۆ یەکشەمە 25ی خاکەلێوە بەرانبەر بە 14ی نیسان لە دانیشتنی فەرمیی پەرلەمانی ئێراندا ڕەخنەی لە خەمساردیی دەوڵەت بەرانبەر بە قەرەبووکردنەوەی زیانلێکەوتووانی لافاوەکەی 3 ساڵی ڕابردوودی ئیلام گرت و ڕایگەیاند: دەبێت زیانلێکەوتووانی لافوەکەی ساڵی 1395 قەرەبوو بکرێنەوە و وەزارەتی کشت و کاڵ لەو بارەیەوە بەرپرسیارە.

ناوبراو زیادیشی کرد: 300 وێستگەی گەیاندنی ئاو لە خوارووی سەیمەرە بە هۆی لافاوەکەی سێ ساڵی ڕابردوو زیانیان بەرکەوتووە و تا ئەم کاتەش قەرەبوو نەکراونەتەوە و وەزارەتی کشتوکاڵ بەڵێنەکەی جێبەجێ نەکردووە.

ئەوەش لە کاتێکدایە لە مانگی نیسان و کۆتاییی ئازاریشەوە چەندین لافاوی بەهێز لە ناوچە جیاجیاکانی ئێراندا ڕوویان داوە و ئەو لافاوانەش زیانی زۆری لە هاووڵاتییانی ئێران لە باکوور و باشوور و ڕۆژئاوا و ڕۆژهەڵاتیش داوە و لە ناوچە کوردنشینەکانی کرماشان و ئیلامیش خەساری لافاوەکە قورس بووە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه