13:35 PM   IRAQ
WEDNESDAY, 18 SEPTEMBER 2019
 به په‌له |◀   ڕێبەری باڵای شۆڕش: لە هیچ ئاستێکدا لەگەڵ ئەمەریکا دانوستان ناکرێت
TUESDAY, 9 APRIL 2019 - 19:50
لافاوەکەی ئیلام ئەڵغام و تەقەمەنیی سەردەمی شەر دەخاتە دەرەوە

بەشی ئیلام- لافاوەکەی ئەم دواییە لە پارێزگای کوردنشینی ئیلام چەند ئەڵغام و گوللە ئارپیجی و تەقەمەنیی دیکەی ژێر گڵ دەخاتە دەرەوەی کە لانی کەم 30 ساڵ لەوە پێش لە سەردەمی شەڕی نێوان ئێران و ڕژیمی بەعسدا بەکار هێنرابوون.

بەپێی هەواڵی کوردپرێس بەهۆی ئەو لافاوەوە کە چەند ڕۆژی ڕابردوو لە پارێزگای ئیلام ڕووی دا چەندین تەقەمەنی و ئەڵغامی سەردەمی شەڕی نێوان ئێران و ڕژیمی بەعس لە ڕووباری "کونجان چەم"ی شاری مێهران و ڕووباری "چوار"ی شاری مەلەکشایی دەرکەوتوون و تیمی ئەندازیاریی پووچەڵکردنەوەی ئەڵغام و تەقەمەنی دەستیان بە پووچەڵ کردنەوەی ئەو تەقەمەنییانە کرد.

جۆری ئەو تەقەمەنییانەی بە هۆی لافاوەکەوە دەرکەوتوون بریتین لە: گوللەی ئارپیچی و ئەڵغامی دژە تانک و تەقەمەنیی "M9" بووە.

پاش دەرکەوتنی ئەو چەند تەقەمەنییە، داوا لە هاووڵاتییانی ئیلامی کراوە ئەگەر تەقەمەنیی لەو شێوەیەیان لە پاشماوەکانی لافاودا بینی دەستی لێنەدەن و دەستبەجێ هێزە سەربازییەکان و لایەنە پێوەندیدارەکان ئاگادار بکەنەوە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه