08:47 PM   IRAQ
TUESDAY, 25 JUNE 2019
 به په‌له |◀   زه‌ریف: ئاشکرایه‌ تیمی "ب" تینووی شه‌ڕه‌
WEDNESDAY, 20 MARCH 2019 - 11:08
سەرۆکی پارتی نەتەوە پەرستی تورکیا بۆ کوردانی وڵاتەکەی: دوور بکەونەوە لە HDP و PKK

بەشی تورکیا- دەوڵەت باغچەلی سەرۆکی پارتی نەتەوە پەرەستی تورکیا کە بەشداریی لە بەرنامەی ڕاستەوخۆی تەلەفیزیۆنیدا کرد کوردەکانی تورکیای کردە بەردەنگ و وتی: بۆ ئەوەی کە هەڵەی مێژوویی خۆتان دووپات نەکەنەوە و شۆناسی خۆتان نەدەنە دەستی حەیانەتکاران لە HDP و PKK دوور بکەونەوە.

بەپێی هەواڵی کوردپرێس، دەوڵەت باغچەلی سەرۆکی پارتی نەتەوە پەرەستی تورکیا بە کوردەکانی وت: وەکوو بەشێک لە هاوپەیمانیی کۆمار بە برا کوردەکانم دەڵێم دەنگەکانتان بە هەر پارتێک ئەدەن بیدەن بەڵام بەپارتێکی نەدەن کە سەربە پەکەکە-یە، مۆڵەت نەدەن پەکەکە خەساری زیاتر لە تورکیا بدات.

ناوبراو لە درێژەدا وتی: لە حزبەکەی ئێمەدا ژمارەیێک زۆر لە کوردەکان هەن. هەڵەیە کە بڵێین دەنگی هەموو کوردەکان بە هەدەپە دەدرێت. لە بانگەشەکانیاندا دەڵێن هەدەپە شەش ملیۆن دەنگی هێناوە، هەوڵ ئەدەن ئەو شەش ملیۆن کەسە وەکوو لایەنگری پەکەکە بێرنە ئەژمار.

سەرچاوە: NTV

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه