14:09 PM   IRAQ
WEDNESDAY, 18 SEPTEMBER 2019
 به په‌له |◀   ڕێبەری باڵای شۆڕش: لە هیچ ئاستێکدا لەگەڵ ئەمەریکا دانوستان ناکرێت
MONDAY, 18 MARCH 2019 - 17:51
لە پارێزگای ئیلام 550 شوێنەوار و کەلوپەلی مێژوویی دۆزراوەتەوە

بەشی ئیلام- پارێزگاری گشتیی میراتی فەرهەنگی لە پارێزگای ئیلام وتوویەتی لە ماوەی 11 مانگی ڕابردوودا 550 شوێنەواری کۆنینەی سەردەمی شارستانییەتی ئیلام لەو پارێزگا کوردنشینەدا دۆزراوەتەوە.

بەپێی هەواڵی کوردپرێس حسێن محەمەدی فەرماندەی گشتیی یەکەی پاراستنی میراتی فەرهەنگیی پارێزگای ئیلام لەو باریەوە ڕایگەیاند لە ماوەی 11 مانگی ڕابردوودا زیاتر لە 4 هەزار کەیسی هەڵمەتی دۆزینەوەی شوێنەوار و کەلوپەلە مێژووییەکان دراوە و ئەنجامی ئەو هەڵمەتانەش دۆزینەوەی 550 شوێنەوار و کەلوپەلی کۆنینە بووە کە مێژووی هەندێکیان دەگەڕێتەوە بۆ ژیاری ئیلام کە پێش زایین لە ناوەڕاستی ئێران سەری هەڵدابوو.

فەرماندەی گشتیی یەکەی پاراستنی میراتی فەرهەنگیی پارێزگای ئیلام گوتیشی: بەپێی پەیڕەوی ناوخۆی وڵاتی ئێران هەموو جۆرە هەڵکەندنی عەرز بۆ دۆزینەوەی کەلوپەلی کۆنینە تاوانە و دەزگا ئەمنییەکان بە توندی ڕووبەڕووی سەرپێچیکاران دەبنەوە و بەو پێیەش لە ماوەی 11 مانگی ڕابردوودا 36 کەس بە تۆمەتی تاڵان کردنی شوێنەوار و کەلوپەلی کۆنینە و مێژوویی دەستبەسەر کراون و پاش تۆمارکرانی دۆسیە بۆ تۆمەتباران ڕادەستی دەسەڵاتی داد کراون.

ناوبراو ئاشکراشی کرد: هەر لە ماوەی 11 مانگی ڕابردوودا 4 بینای مێژوویی لە پارێزگای ئیلام دەستیان تێخراوە و زیانیان بەرکەوتووە.

محەمەدی لە کۆتاییدا ئەوەشی ڕاگەیاند: "بوونی ئەو شنوێنەوارە مێژووییانە بەڵگەن بۆ شانازی کردن بە شارستانییەت و ژیاری ناوچەکە کە مێژووەکەی دەکەڕێتەوە بۆ سەدەکانی پێش زایین و پێویستە ئیرادەی باشتر بنوێنین بۆ پاراستنی ئەو بەڵگە مێژووییە بەنرخانە."

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه