03:14 PM   IRAQ
TUESDAY, 25 JUNE 2019
 به په‌له |◀   کورد هۆی سه‌ره‌کیی ناکۆکییه‌کانی نێوان تورکیا و ئه‌مریکایه‌
SATURDAY, 12 JANUARY 2019 - 18:02
راوێژكاری پێشووی راگه‌یاندنی یه‌په‌گه‌:
ئه‌مه‌ریكا هه‌وڵ ده‌دات شكست به‌ گفتوگۆی یه‌په‌گه‌ و دیمه‌شق بهێنێت

بەشی سووریا- ڕێزان حه‌دۆ، كه‌سایه‌تیی سیاسی و راوێژكاری پێشووی راگه‌یاندنی یه‌كینه‌كانی پاراستنی گه‌ل (یه‌په‌گه‌) له‌ عه‌فرین، رایگه‌یاند، ئه‌مه‌ریكا هه‌وڵ ده‌دات شكست به‌ گفتوگۆ و دانوستانی نێوان فه‌رمانده‌كانی یه‌په‌گه‌ و حكوومه‌تی سووریا بهێنێت.

کوردپرێس:

ڕێزان حه‌دۆ بۆ ئاژانسی هه‌واڵی "نۆڤۆستی" رووسی رایگه‌یاند، جه‌یمس جێفری، نێرده‌ی تایبه‌تی ئه‌مه‌ریكا بۆ كاروباری سووریا، چه‌ند په‌یامێكی ئاراسته‌ی یه‌په‌گه‌ كردووه‌ كه‌ په‌له‌ له‌ گفتوگۆكان نه‌كات له‌گه‌ڵ دیمه‌شق.

به‌ گوێره‌ی گوته‌كانی حه‌دۆ، له‌و په‌یامانه‌دا جێفری ئاماژه‌ی به‌وه‌ كردووه‌، هه‌ندێك گۆڕانكاری رووده‌ده‌ن له‌ به‌رژه‌وه‌ندی كورد ده‌بێت، به‌تایبه‌تیش دوای كۆبوونه‌وه‌ی رێكخراوی هاوپه‌یمانی باكووری ئه‌تڵه‌سی، كه‌ به‌ ناتۆ ناسراوه‌، له‌ شوبات/ فێبرایه‌ری داهاتوو.

جێفری پرسی داخستنی بواری ئاسمانی باكووری سووریای بۆ كۆبوونه‌وه‌ی داهاتووی ناتۆ، پێشنیاز كردووه‌، وه‌ك حه‌دۆ بۆ ئاژانسه‌كه‌ ئاشكرای كردووه‌.

ئه‌و سیاسه‌توانه‌ی یه‌په‌گه‌ روونیشی كرده‌وه‌، ئه‌و لێدوانانه‌ی ئه‌مه‌ریكا جێگه‌ی نیگه‌رانین و داوا ده‌كات به‌ وریاییه‌وه‌ مامه‌ڵه‌ له‌گه‌ڵ ره‌وشه‌كه‌ بكرێت.

حه‌دۆ هۆشداری له‌ هه‌ر دواخستنێك بۆ بڕیاری ئه‌نجوومه‌نی سووریای دیموكرات (مه‌ده‌سه‌) ده‌دات، كه‌ باڵی سیاسی هاوپه‌یمانی هێزه‌كانی سووریای دیموكرات (هه‌سه‌ده‌یه‌) و ده‌ڵێت: "به‌داخه‌وه‌ هێشتا هه‌ندێك سه‌ركرده‌ی په‌یه‌ده‌ چاوه‌ڕوانی گۆڕانكاری بڕیاری ئه‌مه‌ریكا ده‌كه‌ن".

حه‌دۆ ئاماژه‌ی به‌وه‌ش كردووه‌، كوردانی سووریا به‌شداری هه‌ڵوێستی ریاز درار، هاوسه‌رۆكی ئه‌نجوومه‌نی سووریا دیموكرات ناكه‌ن، كه‌ مانگێك به‌ر له‌ ئێستا بۆ رۆژنامه‌ی "شه‌رقولئه‌وسه‌ت" رایگه‌یاندبوو، حكوومه‌تی سووریا له‌ ئادار/ مارسی 2011ـه‌وه‌ شه‌رعیه‌تی له‌ده‌ست داوه‌.

دوای بڕیاری له‌ ناكاوی دۆناڵد تره‌مپ، سه‌رۆكی ئه‌مه‌ریكا بۆ كشانه‌وه‌ی سه‌ربازانیان له‌ سووریا، ئه‌نجوومه‌نی سووریای دیموكرات (مه‌سه‌ده‌) گفتوگۆكانی له‌گه‌ڵ دیمه‌شق ده‌ستپێكردووه‌ بۆ ئه‌وه‌ی سوپای سووریا بگه‌ڕێته‌وه‌ ناوچه‌ سنوورییه‌كان، به‌تایبه‌تیش توركیا هه‌ڕه‌شه‌ی ئه‌نجامدانی ئۆپه‌راسیۆنی كردووه‌ له‌و ناوچانه‌، كه‌ له‌ ژێر كۆنتڕۆڵی هه‌سه‌ده‌ن.

 

سه‌رچاوه‌: رووسیه‌لیه‌وم

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه