13:29 PM   IRAQ
WEDNESDAY, 18 SEPTEMBER 2019
 به په‌له |◀   ڕێبەری باڵای شۆڕش: لە هیچ ئاستێکدا لەگەڵ ئەمەریکا دانوستان ناکرێت
THURSDAY, 13 DECEMBER 2018 - 13:58
ئاڵوگۆڕی بازرگانی لە خاڵی سنووریی ئیلامەوە دەستی پێکردەوە

بەشی ئیلام- جێگری پارێزگاری ئیلام بۆ کاروباری ئابووری ڕایگەیاند، جادە بازرگانیی دەروازەی سنووری مێهران کرایەوە و لەگەڵ لایەنی عێراقی ڕێککەوتووین کە زووبەزوو بازاڕچەی چەنگوولە- شەهابی بکرێتەوە.

کوردپرێس:

ئەیووب دەروێشی بریکاری پارێزگاری ئیلام بۆ کاروباری بازرگانی لە لێدوانێکدا ڕایگەیاند: لە هەر دوو دیوی سنوورەوە ئاڵوگۆڕی بەڕێوەبەرایەتی کراوە و پارێزگاری نوێی واسیتی عێراقیش مکووڕە لە خێراکردنی پڕۆسەی ئاڵوگۆڕی بازرگانی و دەوڵەمەندکردنی عیلاقاتی نێوان هەر دوولا.

ناوبراو داوایشی کرد خشتەیێکی زەمەنی لە لایەن عێراقییەکانەوە ئامادە بکرێت بۆ خێراکردنەوەی کاروبراری بازاڕچەی چەنگوولە- شەهابی.

دەروێشی گوتیشی: خاڵی هاوبەشی زۆر لە نێوان لایەنی عێراقی و ئێرانیدا هەن کە دەبنە هۆکار بۆ بەرزکردنەوەی ئاستی پێوەندییەکانی نێوان دوو لایەن و داوایشی کرد سەرمایەدانەران و بازرگانە عێراقییەکان پڕۆژەکانیان بهێننە ئێران و ڕایگەیاند: بە هەموو شێوازێک پێشوازی لە سەرمایەدانەری عێراقی و بازرگانانی ناوچەکە دەکەن بۆ ئەوەی سەرمایەکانیان بهێننە ناوچەی ئیلام لە وڵاتی ئێران.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه