04:23 PM   IRAQ
MONDAY, 21 MAY 2018
 به په‌له |◀   هاوپه‌یمانییه‌کانی نه‌سر، فه‌تح و ده‌وڵه‌تی یاسا ده‌وڵه‌تی ئاینده‌ی عێراق پێک ده‌هێنن
داوای 25 ساڵ زیندان بۆ نوێنه‌رێکی HDP ده‌کرێت

به‌شی تورکیا- دادستێنی تورکیا له‌ داوانامه‌یێکدا به‌ تۆمه‌تی ئه‌ندامێتی له‌ ڕێکخراوی تیرۆریستی داوای 25 ساڵ زیندانی بۆ مێڕاڵ دانش به‌شتاش کرد.

به‌پێی هه‌واڵی کوردپرێس، ڕۆژی ڕابردوو دادستێنی تورکیا به‌ تۆمه‌ته‌کانی هاوپه‌یوه‌ند به‌ تیرۆریزم داوای 25 ساڵ زیندانی بۆ مێڕاڵ دانش به‌شتاش نوێنه‌ری پارتی دیموکراتیکی گه‌لان (HDP) له‌ ئادانا کرد.

به‌شتاش تۆمه‌تبار کراوه‌ به‌ "ئه‌ندامێتی له‌ ڕێکخراوی تیرۆریستی"، "هاندانی خه‌ڵک بۆ ئه‌نجامدانی تاوان" و "هاندانی خه‌ڵک بۆ به‌شداری له‌ گردبوونه‌وه‌ و خۆپیشاندانه‌ نایاسایییه‌کان".

به‌شتاش ڕۆژی 30ی جانیڤێریی 2017 به‌ ده‌ستووری دادستێنی دیاربه‌کر ده‌ستگیر کرا و له‌ 21ی ئه‌یپڕیڵی 2017 به‌ دانانی به‌ڵگه‌ی یاسایی تا کاتی دادگه‌یی کردن ئازاد کرا.

به‌پێی داوانامه‌که‌ به‌شتاش له‌ مانگی ئاکته‌وبری 2014، کاتێک که‌ چه‌کدارانی داعش شاری کۆبانێ له‌ کوردستانی سووریایان گه‌مارۆ دابوو، داوای له‌ گه‌لی تورکیا کرد بێنه‌ سه‌ر شه‌قام. سه‌ره‌ڕای ئه‌وه‌ش ناوبراو له‌ نێوان ئه‌و خۆپیشانده‌رانه‌دا بوو که‌ له‌ سێپتێمبێری 2015 له‌ بارودۆخێکدا که‌ ملیتاریزه‌ ڕاگه‌یێندرابوو، ناڕه‌زایه‌تییان ده‌ربڕی به‌ دۆخی شاری سوور له‌ دیاربه‌کر.

سه‌رچاوه‌: حوڕڕییه‌ت

 

کۆدی هه‌واڵنێر: 60104

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه