19:34 PM   IRAQ
THURSDAY, 16 AUGUST 2018
 به په‌له |◀   ئەنقەرە و بەغدا و هەولێر سێ وێستگەی گرینگی گەمارۆکانی ئەمریکا دژ بە ئێران
ئه‌نجومه‌نی باڵای نه‌وت و گازی ھه‌رێم بانگھێشتی په‌رله‌مان ده‌کرێت

به‌شی عێراق و هه‌رێمی کوردستان- ئه‌نجومه‌نی باڵای نه‌وت و گازی ھه‌رێم بانگھێشتی په‌رله‌مانی کوردستان ده‌کرێت و داوای ڕوون‌کردنه‌وه‌یان لێده‌کرێت سه‌باره‌ت به‌ ڕاپۆرته‌که‌ی دیلۆیت و که‌موکوڕییه‌کانی بواری نه‌وت و مووچه‌ی فه‌رمانبه‌ران.

به‌پێی هه‌واڵی کوردپرێس، له‌ کۆبوونه‌وه‌ی ئه‌مڕۆی په‌رله‌مانی کوردستاندا عه‌لی حه‌مه‌ساڵح ئه‌ندامی په‌رله‌مانی کوردستان ئاشکرای کرد ئه‌وان داوای بانگھێشت کردنی ئه‌نجومه‌نی ھه‌رێمی نه‌وت و گازیان کردوووه‌.

ئه‌و په‌رله‌مانتاره‌ که‌ ھاوکات جێگری سه‌رۆکی لیژنه‌ی داراییی په‌رله‌مانیشه زیاتر ده‌ڵێت: "چه‌ندین که‌موکوڕی له‌ داھاته‌کان و ھه‌روه‌ھا له ڕاپۆرته‌که‌ی دیلۆیتیش هه‌یه‌. ئێستاش دۆخی ئابووریی خه‌ڵک زۆر خراپه‌ و پێویستمان به ‌ڕوونکردنه‌وه‌ ھه‌یه‌".

له ‌وه‌ڵامی ئه‌و داواکاری و پێشنیازه‌دا، جه‌عفه‌ر ئیمینیکی جێگری سه‌رۆکی په‌رله‌مان ڕای‌گه‌یاند: "به ‌حزوری داوا له‌ سه‌رۆک و جێگری سه‌رۆکی حکوومه‌ت کراوه‌ له ‌ئه‌نجومه‌نی ھه‌رێمی نه‌وت و گاز ئاماده‌ بن و بێنه‌ په‌رله‌مان و ڕوون کردنه‌وه‌ی پێویست بده‌نه‌ په‌رله‌مان".

ئه‌وه‌شی ڕوون کرده‌وه‌: "سه‌رۆک و جێگری سه‌رۆکی حکوومه‌ت ئاماده‌ییی خۆیان ده‌ربڕیوه‌ و ھه‌ندێک ئاماده‌کاری ماوه ‌و له ‌ئاینده‌یێکی نزیکدا ئه‌و کۆبوونه‌وه‌یه‌ ئه‌نجام ده‌درێت بۆ ئه‌وه‌ی له ‌ڕێگه‌ی په‌رله‌مانی کوردستانه‌وه‌ زانیاریی پێویستیان له‌وباره‌یه‌وه‌ ھه‌بێت".

سه‌رچاوه‌: تۆڕی هه‌واڵی سلێمانی (SNN)

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه