17:35 PM   IRAQ
TUESDAY, 20 FEBRUARY 2018
 به په‌له |◀   هاوسەرۆکی کانتۆنی عەفرین: تا ئێستا لەگەڵ دەوڵەتی سووریا ڕێکنەکەوتووین
فه‌رمانده‌ی گشتیی یه‌په‌گه‌: ڕێگر نین له‌ هاتنی سوپای سووریا بۆ عه‌فرین

به‌شی سووریا- فه‌رمانده‌ی گشتیی یه‌كینه‌كانی پاراستنی گه‌ل (YPG) ڕای‌ده‌گه‌یێنێت: ئێمه هیچ كێشه‌یێكمان نییه‌ له‌ چوونی سوپای سووریا بۆ کانتۆنی عه‌فرین بۆ به‌شدار بوون له‌ ڕووبه‌ڕووبوونه‌وه‌ی هێرشی توركیا بۆ سه‌ر ئه‌و ناوچه‌یه‌ و به‌رگری کردن له‌ عه‌فرین ئه‌رکی سوپای سووریایه‌.

به‌پێی هه‌واڵی کوردپرێس، سیپان حه‌مۆ فه‌رمانده‌ی گشتیی یه‌كینه‌كانی پاراستنی گه‌ل (YPG) به‌ ئاژانسی فرانس پرێسی ڕاگه‌یاندوووه‌: "كێشه‌مان نییه‌ له‌ هاتنی هێزه‌كانی سوپای سووریا بۆ به‌رگری كردن له‌ عه‌فرین و سنووره‌كانی عه‌فرین له‌ به‌رامبه‌ر داگیركاریی توركیا".

ناوبراو وتیشی: "حکوومه‌تی سووریا هه‌میشه‌ ڕای‌ده‌گه‌یێنێت كه‌ عه‌فرین به‌شێكه‌ له‌ سووریا و ئێمه‌ش ده‌ڵێن ئه‌گه‌ر عه‌فرین به‌شێكه‌ له‌ سووریا ده‌بێ حکوومه‌تی سووریا به ‌ئه‌ركی خۆی هه‌ڵبسێت."

فه‌رمانده‌ی گشتیی یه‌كینه‌كانی پاراستنی گه‌ل جه‌ختیشی کرده‌وه‌ که‌ یه‌په‌گه‌ ناوچه‌كانی ژێر ده‌سه‌ڵاتی خۆی به‌ به‌شێک له‌ خاكی سوریا ده‌زانێت.

سیپان حه‌مۆ ده‌شڵێت: "تا ئه‌م ساته‌ هیچ هه‌نگاوێكی کرداریمان له‌ لایه‌ن ده‌وڵه‌تی سووریاوه‌ به‌رامبه‌ر به ‌له‌شكركێشی توركیا بۆ سه‌ر عه‌فرین نه‌بینیوه‌. ئه‌وه‌ی هه‌یه‌ ته‌نها هه‌ماهه‌نگییێكی سنوورداره‌ له‌ نێوان یه‌په‌گه‌ و حکوومه‌تی سووریا بۆ ئاسانکاری کردن له‌ چوونی هاوكاری مرۆیی بۆ کانتۆنی عه‌فرین."

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه