18:26 PM   IRAQ
SUNDAY, 18 NOVEMBER 2018
 به په‌له |◀   سەرۆک کۆماری عێراق گه‌یشته‌ سعوودیه‌
ئارام قادر بە سەرۆكی هاوپەیمانی نیشتیمانی هەڵبژێردرا

بەشی عێراق و هەرێمی کوردستان- هاوپەیمانی بۆ دیموكراسی و دادپەروەری یەكەمین كۆبوونەوەی نائاسایی لە شاری هەولێر ئەنجامدا و تێیدا ناوی هاوپەیمانێتییەكە گۆڕدرا بۆ "هاوپەیمانی نیشتیمانی".

بەپێی هەواڵی کوردپرێس، ئەمڕۆ هەینی بە بەشداریی 350 ئەندام كۆبوونەوەی نائاسایی هاوپەیمانی بۆ دیموكراسی و دادپەروەری بەڕێوەچووە و ئارام قادر بە سەرۆكی هاوپەیمانی نیشتیمانی هەڵبژێردرا.

كۆبوونەوەكە دوای ئەوە هات كە بەرهەم ساڵح، سەرۆكی پێشووی هاوپەیمانێتییەكە گەڕایەوە نێو ریزەكانی یەكێتیی نیشتیمانیی كوردستان.

ئارام قادر، دوای هەڵبژاردنی وەک سەرۆكی هاوپەیمانی نیشتیمانی لە كۆنگرەیێكی رۆژنامەوانیدا رایگەیاند: "هاوپەیمانی لە بارودۆخێكی زۆر دژواردایە و دەمانەوێت قۆناغی رابردوو جێبهێڵین".

ناوبراو راشیگەیاند: لە ئەمڕۆوە بانگەشەی هەڵبژاردن بۆ خولی داهاتوو دەستپێدەکەین، بۆ ئەوەی بتوانین خزمەتی هاووڵاتییان بکەین.

هاوپەیمانی نیشتیمانی لە پەرلەمانی عێراق خاوەنی دوو كورسییە، بەڵام لە هەڵبژاردنی 30ی ئەیلولی پەرلەمانی كوردستان هیچ كورسییێكی بەدەست نەهێنا.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه