18:26 PM   IRAQ
SUNDAY, 18 NOVEMBER 2018
 به په‌له |◀   سەرۆک کۆماری عێراق گه‌یشته‌ سعوودیه‌
لە شەڕ و پێکدادانی نێوان پەکەکە و سوپای تورکیا 12سەربازی تورکیا کوژران

بەشی عێراق و هەرێمی کوردستان- ناوه‌ندی ڕاگه‌یاندنی هێزه‌كانی پاراستنی گه‌ل (باڵی سەربازیی پەکەکە‌) رایگەیاند: لە ناوچەکانی بارزان و سیدەکانی هەرێمی کوردستان لە چالاکییێکدا 12 سەربازی سوپای تورکیایان کوشتووە و پێنجی دیکەشیان بریندار کردووە.

بەپێی هەواڵی کوردپرێس، هەپەگە لە راگەیەندراوێکدا ئاماژەی بەوەکرد، ڕۆژی ٧ی تشرینی دووه‌می ٢٠١٨، له‌ ناوچه‌ی بارزای هەرێمی كوردستان چالاکییەکیان دژی سوپای توركیا ئەنجامداوە و له‌ ئه‌نجامدا  پێنج سه‌نگه‌ریان ڕووخاندووە و ١٠ سه‌ربازیش كوژراون.

لە راگەیەندراوەکەدا ئەوەش هاتووە، هێزه‌كانیان له‌ دژی سەربازانی تورکیا له‌سه‌ر گردی لێلیكانی ناوچه‌ی سیده‌كانی هەرێمی كوردستان چالاكییه‌كیان ئه‌نجام دا و له‌ ئه‌نجامدا چوار سه‌نگه‌ر ڕووخێنران، هەروەها دوو سه‌رباز كوژران و پێنجی دیكه‌ش بریندار بوون.

لە بەیاننامەکەدا ئاماژە بە زیانەکانی پەکەکە نەکراوە و سوپای تورکیاش تا ئێستا هیچ بەیاننامەیێکی لەسەر ئەم چالاکییە بڵاو نەکردووەتەوە.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه