19:32 PM   IRAQ
SUNDAY, 18 NOVEMBER 2018
 به په‌له |◀   سەرۆک کۆماری عێراق گه‌یشته‌ سعوودیه‌
هەڵوێستی ئەردۆغان لەبارەی سزاکانی سەر ئێران

بەشی تورکیا- سەرۆک کۆماری تورکیا هەڵوێستی خۆی لەبارەی سزاکانی سەر کۆماری ئیسلامیی ئێران، ئاشکرا کرد.

بەپێی هەواڵی کوردپرێس، ئەمڕۆ سێشەممە رەجەب تەییب ئەردۆغان، سەرۆک کۆماری تورکیا لە وتارێکدا رایگەیاندووە: "سزاکانی ئەمریکا بەسەر ئێراندا بەپێی یاسا نێودەوڵەتییەکان نایاسایین و ئێمە نامانەوێ لە جیهانێکی داگیرکاریی ئەمریکادا بژین".

رەجەب تەییب ئەردۆغان لە وتارەکەیدا کە لەبەردەم ئەندامانی فراکسیۆنی پارتی داد و گەشەپێدان لە پەرلەمانی تورکیا پێشکەشی کرد، جەختی لەوە کردەوە، کە تورکیا پابەندی سزا ئەمریکییەکان بەسەر ئێران نابێ.

هەرچەندە مایک پۆمپیۆی وەزیری دەرەوەی ئەمریکا لەکاتی راگەیاندنی سزاکان بەسەر ئێران، تورکیای لە سزادان لە ئەگەری مامەڵەکردن لەگەڵ ئێران دەرهێنا، بەڵام سەرۆک کۆماری تورکیا پێی وایە ئەو سزایانە هەڵەن و هاوسەنگیی جیهان تێک دەدەن.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه