02:55 PM   IRAQ
TUESDAY, 23 OCTOBER 2018
 به په‌له |◀   سەلاحەدین دەمیرتاش نامەیێک ئاڕاستەی سەرۆک كۆماری عێراق دەكات
یه‌كێتیی ئه‌ورووپا ٤٠٠ ملیۆن یۆرۆ به‌ عێراق ده‌دات

به‌شی جیهان- نوێنه‌ری باڵای ئاسایش و سیاسه‌تی ده‌ره‌وه‌ی یه‌كێتیی ئه‌ورووپا جه‌ختی کردووه‌ که‌ یه‌کێتیی ئه‌ورووپا به‌ بڕی ٤٠٠ ملیۆن یۆرۆ پشتیوانی له‌ هه‌وڵه‌كانی ئاوه‌دانكردنه‌وه‌ی عێراق ده‌کات.

به‌پێی هه‌واڵی کوردپرێس، نووسینگه‌ی ڕاگه‌یاندنی سه‌رۆكی ئه‌نجومه‌نی نوێنه‌ران له‌ به‌یاننامه‌یێکدا بڵاوی کردووه‌ فێدریکا مۆگرینی له‌ وتارێكی نووسراوه‌دا بۆ محه‌مه‌د حه‌لبووسی رایگه‌یاندوووه‌ که‌ یه‌كێتیی ئه‌ورووپا به‌رده‌وام ده‌بێت له‌ پشتیوانی كردنی عێراق و وه‌ک هاوبه‌شێكی ده‌مێنێته‌وه‌.

به‌پێی به‌یاننامه‌که‌، مۆگرینی ڕوونیشی کردوووه‌ته‌وه‌ که‌ پشتیوانی له‌ هه‌وڵه‌كان بۆ دووباره‌ ئاوه‌دانكردنه‌وه‌ ده‌كات به‌ بڕی ٤٠٠ ملیۆن یۆرۆ كه‌ له‌ میانی كۆنگره‌ی بنیاتنانه‌وه‌ی عێراق له‌ كوه‌یت به‌ڵێنی له‌سه‌ر دابوون.

فێدریکا مۆگرینی ده‌ڵێت: یه‌كێتیی ئه‌ورووپا به‌رده‌وام ده‌بێت له‌سه‌ر كاركردن له‌گه‌ڵ حكوومه‌تی داهاتوو و له ‌هه‌مان كاتدا ته‌ئكیدیشی كرده‌وه‌ هاوبه‌شه‌ نێوده‌وڵه‌تییه‌كانی عێراق به‌رده‌وام ده‌بن له‌ بینینی ڕۆڵی بنیاتنه‌ر بۆ به‌رده‌وامیدان به‌ پشتیوانی كردنی عێراق.

سه‌رچاوه‌: خه‌ندان

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه