71261 ڕێبوار تاڵەبانی سەرۆکی ئەنجومەنی پارێزگای کەرکووک لەلێدوانێکی تایبەت بۆ کوردپرێس: هەڵکردنی ئاڵای کوردستان و پەسند کردنی ڕێفراندۆم لە کەرکووک لە پێناو جێبەجێ کردنی دەستووری عێراقە بەشی عێراق و هەرێمی کوردستان- سەرۆکی ئەنجومەنی پارێزگای کەرکووک دەریبڕی، هەڵکردنی ئاڵای کوردستان لەو پارێزگایە بەهۆی دۆخی عێراق و لەبەرچاو گرتنی لایەنە عێراقییەکان و چاوەڕێیی لە بەغدا بۆ جێبەجێ کردنی مادەی ١٤٠ی دەستووری 10 ساڵ پشت گوێ خراوە <div dir="rtl" style="text-align: justify">ڕێبوار تاڵەبانی لە پێوەندیێکی تەلەفۆنی لەگەڵ کوردپرێسدا، سەبارەت بە هۆکار و مەبەستی ئەنجومەنی پارێزگای کەرکووک بۆ بڕیاری هەڵکردنی ئاڵای هەرێمی کوردستان لەو پارێزگایە وتی: پرسی هەڵکردنی ئاڵای هەرێمی کوردستان لە پارێزگای کەرکووک لە ئەنجومەنی ئەو پارێزگایە بە پێی داخوازیی فەرمی و یاسایی دوکتور نەجمەدین کەریم پارێزگاری کەرکووک و بە مەبەستی جێبەجێ کردنی مادەی ١٤٠ی یاسای بنەڕەتی عێراق هاتە ئاراوە و پەسند کرا. ئامانجی دانانی ئەم مادەیە لە دەستووری عێراق دیاری کردنی چارەنووسی ناوچە جێناکۆکییەکان لەم وڵاتەدایە.</div><div dir="rtl" style="text-align: justify">ڕێبوار تاڵەبانی جەختی کردەوە، هەڵکردنی ئاڵای کوردستان لە کەرکووک، داپەڕێکی یاساییە.</div><div dir="rtl" style="text-align: justify">سەرۆکی ئەنجومەنی پارێزگای کەرکووک سەبارەت بە هۆکاری داخوازییەکەی نەجمەدین کەریم پارێزگاری کەرکووک لەم دۆخەی ئێستادا وتی: دەبوایە 10 ساڵ پێش ئێستا ئەو داپەڕە ئەنجام بدرایە. لایەنی عێراقی لە جێبەجێ کردنی مادەی 140 یاسای بنەڕەتی و چارەسەر کردنی پرسی ناوچە کێشە لەسەرەکان کەمتەرخەمیی نواندووە و دەبوایە 10 پێش ئێستا ئاڵای کوردستانمان لە کەرکووک هەڵکردایە، بەڵام هەلومەرجی تایبەتی عێراق و هەڵوێستی دیکەی لایەنە عیراقییەکان لەبەرچاو گیرا و ئەو داپەڕە وەدوا کەوت.</div><div dir="rtl" style="text-align: justify">نەجمەدین کەریم سەبارەت بە کاردانەوەی ئەنجومەنی نوێنەرانی عێراق و بە یاسایی نەزانینی بڕیارەکەی ئەنجومەنی پارێزگای کەرکووک سەبارەت بە هەڵکردنی ئاڵای کوردستان لەو پارێزگایە وتی: ئەنجومەنی نوێنەرانی عێراق بڕیاری خۆی سەبارەت بە هەڵکردنی ئاڵای کوردستان لە کەرکووکی پووچەڵ کردەوە.</div><div dir="rtl" style="text-align: justify">سەرۆکی ئەنجومەنی پارێزگای کەرکووک هەروەها سەبارەت بە ئەو لایەنانەی لە نێوخۆی پارێزگای کەرکووکدا لەگەڵ ئەو بڕیارە دژایەتییان کردووە، بەتایبەت تورکمان و عەرەبەکان و هەروەها شێوەی مامەڵەی ئەنجومەنی پارێزگا لەگەڵ ئەو بەرهەڵستکارانە وتی: تێکڕای تورکەمانەکان و عەرەبەکانی کەرکووک هەڵکردنی ئاڵای کوردستان لەو پارێزگایەیان قبووڵ کردووە و دەنگی ئەرێیان پێداوە و بەدڵنیاییەوە لەگەڵ بەرهەڵستکاران کە بریتین لە چەند ڕەوتی تورکەمانی و عەرەب، لەوبارەوە گفتوگۆ دەکەین.</div><div dir="rtl" style="text-align: justify">ناوبراو سەبارەت بە بڕینی مووچەی فەرمانبەرانی کەرکووک لە لایەن دەوڵەتی ناوەندیی عێراق وەک کاردانەوەیێک بە هەڵکردنی ئاڵای کوردستان لەو پارێزگایە وتی: حەیدەر عەبادی سەرۆک وەزیرانی عێراق ڕایگەیاند کە ئاوەها داپەڕێک ڕوو نادات. کردەوەیێکی لەو چەشنە یاسایی نییە و کاردانەوەی جیهانیی بەشوێنەوە دەبێت.</div><div dir="rtl" style="text-align: justify">ڕێبوار تاڵەبانی سەبارەت بە دژایەتی کردنی وڵاتانی ناوچەکە لەگەڵ هەڵکردنی ئاڵای کوردستان لە کەرکووک و بەتایبەت هەڕەشەی تورکیا لەوبارەوە وتی: ئەم کاردانەوانە نموونەی ڕاستەقینەی دەستێوەردان لە کاروباری ناوخۆ و پێشێل کردنی سەروەریی عێراقە. پرسی کەرکووک پرسێکی عێراقییە و عێراقییەکان بۆخۆیان چارەسەری دەکەن و دەوڵەتی ناوەندیی عێراقیش دەبێ وەڵامی ئەو وتانە و دەستێوەردانانە بداتەوە.</div><div dir="rtl" style="text-align: justify">ڕێبوار تاڵەبانی سەبارەت بە پەسند کردنی ڕێفراندۆمی دیاری کردنی چارەنووس لە کەرکووک لە لایەنی ئەنجومەنی ئەو پارێزگایە زیادی کرد: بڕیاری گشت&zwnj;پرسی بۆ دیاری کردنی چارەنووسی ئەو پارێزگایەیە. تا ئێستا دەوڵەتی ناوەندیی عێراق، مادەکانی دەستوور بۆ بەڕێوەبردنی ڕێفڕاندۆم لە کەرکووک و دیکەی ناوچە کێشە لەسەرەکانی جێبەجێ نەکردووە و ئەو کارە وەدوا دەخاتەوە. خەڵکی کەرکووک مافی ئەوەیان هەیە لە سەرۆک وەزیران و بەغدا داوا بکەن ئەو ماددانە جێبەجێ بکرێت. لە مادەی 140 بە شێوەیێکی ڕوون و دیاریکراو جەخت کراوە چارەنووسی ئەو ناوچانە لە ڕێگەی یاسایی و بەڕێوەبردنی گشت&zwnj;پرسی دیاری بکرێت.</div><div dir="rtl" style="text-align: justify">ناوبراو سەبارەت بە وەڵامی سەرۆکی سیاسیی هەرێمی کوردستان بە داخوازی ئەنجومەنی پارێزگای کەرکووک بۆ بەشداریی نوێنەرێک لەو پارێزگایە لە شاندی دانوستانی هەرێمی کوردستان لەگەڵ بەغدا سەبارەت بە دیاریکردنی چارەنووس وتی: هێشتا لەوبارەوە هیچ وەڵامێک لە لایەن هەولێرەوە نەگەیشتۆتە دەستمان،</div><div dir="rtl" style="text-align: justify">لە وەڵامی ئەو پرسیارە کە ئەگەر ڕێفڕاندۆم لە کەرکووک بەریوە بچێت و دەرنجامەکەی لکاندنی ئەو پارێزگایە بە هەرێمی کوردستان بێت، ئایا سەرەڕای ئەو دژایەتییانەی لە عێراق و ناوچەکەدا هەیە، ئەو داپەڕە جێبەجێ دەکرێت، دەریبڕی: ئەوە پرسێکی ناوخۆی عێراقە و دەبێ بە دەستی عێراقییەکان چارەسەر بکرێت و بڕیاری بۆ بدەن و نابێ کەس لە کاروباری ناوخۆی عێراقدا دەستێوەردان بکات. لە واقیعدا ئەوە خەڵکی کەرکووکن کە دەبێ چارەنووسی خۆیان دیاری بکەن.</div><div dir="rtl" style="text-align: justify">سەرۆکی ئەنجومەنی پارێزگای کەرکووک سەبارەت بە چارەنووسی داهاتە نەوتییەکانی کەرکووک لەو گۆڕانکارییانەدا وتی: تا ئێستا داهاتی نەوتیی کەرکووک بە پێی یاسا بۆ هەمووی هاووڵاتیانی عێراق بووە، بەڵام ئەگەر گۆڕانکاریێکی نوێ ڕوو بدات، بە دڵنیاییەوە دۆخەکە دەگۆڕدرێت و ڕێککەوتنی نوێ و یاسای نوێ حاکم دەبێت. &nbsp;</div><div dir="rtl" style="text-align: justify">&nbsp;</div><div dir="rtl" style="text-align: justify"><strong>لێدوان:</strong> حەسەن ساڵحی/ بەشی عێراق و هەرێمی کوردستان</div><div dir="rtl" style="text-align: justify">&nbsp;</div><div dir="rtl" style="text-align: justify"><span style="color: #808080"><span style="font-size: 12px">کۆدی هەواڵنێر: 60108</span></span></div>