70987 سکرتێری گشتیی ڕێکخراوی نەتەوە یەکگرتووەکان گەیشتە هەولێر بەشی عێراق و هەرێمی کوردستان- سکرتێری گشتیی ڕێکخراوی نەتەوە یەکگرتووەکان پاش دیدار و گفتوگۆ لەگەڵ کاربەدەستانی باڵای عێراقی لە بەغدا، گەیشتە هەولێری ناوەندی هەرێمی کوردستان. <div dir="rtl" style="text-align: justify">بەپێی هەواڵی کوردپرێس بە گێرانەوە لە کەناڵی تەلەفزیۆنیی ڕووداو، ئانتۆنیۆ گۆترێس سکرتێری گشتیی نەتەوە یەکگرتووەکان ئێوارەی ئەوڕۆ پێنجشەممە ١٠ی خاکەلێوە لە ڕێگای فڕۆکەخانەی هەولێرەوە چووە ناو هەرێمی کوردستانی عێراق.</div><div dir="rtl" style="text-align: justify">گۆترێس لە فڕۆکخانە لەلایەن مەسعوود بارزانی سەرۆکی هەرێمی کوردستان و فەلاح مستەفا بەرپرسی پێوەندییەکانی دەرەوە و کەریم سەنجاری وەزیری ناوخۆی هەرێم پێشوازی لێوەکرا.</div><div dir="rtl" style="text-align: justify">سکرتێری گشتیی نەتەوە یەکگرتووەکان لەگەڵ بارزانی سەرۆکی هەرێمی کوردستان دیدار دەکات و بڕیار وایە لەسەر گۆڕانکارییە سیاسی و سەربازییەکانی عێراق بەتایبەت شەڕی مووسڵ و پرسە پێوەندیدارەکان بە هەرێمی کوردستانەوە ڕاوێژکاری و گفتوگۆ بکرێت.</div><div dir="rtl" style="text-align: justify">میدیاکانی نزیک بە پارتی دیموکراتی کوردستان وەکوو ڕووداو و باسنیوز ڕایانگەیاندووە ڕەنگە پرسی ڕێفراندۆم و دیاری کردنی چارەنووس لە تەوەرەکانی گفتوگۆی نێوان بارزانی و گۆترێس بێت.</div><div dir="rtl" style="text-align: justify">سکرتێری گشتیی نەتەوە یەکگرتووەکان لە بەغدا سەبارەت بە ڕزگار کردنەوەی مووسڵ و پاراستنی هاووڵاتیانی مەدەنی لەو شارە لەگەڵ کاربەدەستانی عێراقی گفتوگۆی کرد.</div><div dir="rtl" style="text-align: justify">&nbsp;</div><div dir="rtl" style="text-align: justify"><span style="color: #666666"><span style="font-size: 10px">کۆدی هەواڵنێر: 60108</span></span></div>