67053 ئاشتی لەگەڵ دەوڵەتی ئەسەد/ تاها ئاکیۆل بەشی تورکیا- بریا هەر ئەو دەمە نەرمیمان دەنواند. هەر لەو شەش مانگ یان یەک ساڵەی یەکەمدا بمانگوتایە یەکەمایەتی ئێمە بەرنگار بوونەوە لەگەڵ تیرۆرە نەک دەوڵەتی سووریا تاوەکوو ناچار نەبین بۆ گەیشتن بەم شوێنەی ئێستامان دوای ڕووسیا کەوین. <div dir="rtl">بە پێی هەواڵی کوردپرێس بە وتەی هەواڵدەریی دۆغان، ژمارەی کوژراوانی سوپای تورکیا لە سووریا تا ئێستا گەیشتۆتە ٣٧ کەس. ١٦ کەسیان ئەو شەهیدانەن کە ماوەیەک پێشتر لە باب گیانیان لەدەست دا. ئۆپەراسیۆنی قەڵغانی فورات بە چەند هۆکاری دڵنیاکەرەوە ڕێکەوتی ٢٤ی ئاگێست دەستی پێکرد. لە ماوەی سێ مانگدا تەنیا ٢١ شەهیمان دا. بەڵام لە پێکدادانەکانی باب کە ئێستا سنووری دەسەڵاتی داعشە ١٦شەهیدمان داوە!</div><div dir="rtl">هەر لە سەرەتاشەوە ئاشکرا بوو کە داعش بەرخۆدانێکی بەهێزی لە بابدا دەبێت.</div><div dir="rtl">فیکری ئیشیک، وەزیری بەرگریی تورکیا دەڵێت: &quot;دوو هەزار کیلۆمەتری چوارگۆشمان لە تیرۆریستان پاک کردۆتەوە&quot; و جەختیش دەکات کە باب بۆ ئاسایشی توکیا ئێجگار گرینگە.</div><div dir="rtl"><b>سەرۆک کۆماری سووریا خۆشحاڵە</b></div><div dir="rtl">وەزیری بەرگری دوور لەشێوەی حەماسی قسە دەکات و هەر بۆیەش وتەکانی تا ڕادەیەکی زۆر جێی متمانەن. چوونکە پسپۆڕی سەربازی نیم سەبارەت بە ئۆپەرسیۆنی باب روانگەیەکی ڕەخنەگرانەم نییە.</div><div dir="rtl">بەڵام دەتوانین پرسەکە بۆ لای سیاسەتی دەرەوە ڕاکێشین و پێویستیشە. ناتوانین بڵێین حکوومەت لە سووریا و ڕۆژهەڵاتی ناوەڕاست بە گشتی سیاسەتێکی گونجاویان گرتۆتە بەر.</div><div dir="rtl">لەجیاتی بەکارهێنانی زمانێکی دیپلۆماتیک کە بۆ سیاسەتی دەرەوە پێویستە، بەهۆی سیاسی و ئایدیۆلۆژیکەوە، لە زمانێکی حەماسەیی کەڵکیان وەرگرتووە و ئەوەش بۆتە لەمپەرێک لەبەردەم سیاسەتێکی گونجاو و عاقڵانە.</div><div dir="rtl">تۆ بڕوا، بە &quot;ڕاگەیێندراوەکەی مۆسکۆ&quot; ویستمان نێوان بەرهەڵسکارەکانی ئەسەد ڕێککەتنێک درووست بکەین، وا نییە؟</div><div dir="rtl">دوێنێ کاربەدەستانی دیمەشق خۆشحاڵیی خۆیان دەربڕی و وتیان &quot;هیوادارین دەسپێکێکی تازە بێت.&quot; وا نییە؟</div><div dir="rtl">بەڵێ سووریا خۆشحاڵ دەبێت ئەگەر چارەسەرییەک بێتە ئاراوە. بەڵام...</div><div dir="rtl"><b>سیاسەتی وەلانانی ئەسەد</b></div><div dir="rtl">ئەنقەرە تا مانگێک پێشتر وتبووی بۆ &quot;کۆتایی هێنان بە حکوومەتی بەشار ئەسەد و تیرۆری دەوڵەتی چووەتە سووریاوە!&quot;</div><div dir="rtl">پاش دوو ڕۆژ و بەهۆی دەستێوەردانەکانی پووتینەوە تا ڕادەیەک نەرمتر بووین و ئەمەش پرێستیژی پووتینی بەرز کردەوە. لە ئاکامیشدا لەگەڵ ئێران و ڕووسیا ڕاگەیێندراوەکەی مۆسکۆمان واژۆکرد.</div><div dir="rtl">زۆر ئاشکرا بوو کە دەگەینە ئەم خاڵە.</div><div dir="rtl">پسپۆڕی بەشی ڕۆژهەڵاتی ناوەڕاستی واشێنتۆن پۆست لە وتارەکەی ١٢ی مارچدا بەناوی &quot;بەستێنەکان لە بەرژەەندیی ئەسەددا دەبن&quot; نوسیبووی بەهۆی پشتیوانییەکانی ئێران و ڕووسیا ئەسەد دیسانەوە دەسەڵاتدار دەبێت و دەگەڕێتەوە سەر مێزی دانووستانەکان. کارناسەکانی ئێمەش هەر وایان دەگوت.</div><div dir="rtl">بەتایبەت ئەوەیکە دەوڵەتی سووریا پێنچ سال پێش سیاسەتی &quot;ئەسەد دەبێ بڕوات&quot;ی خستە یەکەمایەتییەوە و بوویە هۆکاری ئەوەی دەوڵەتی سووریا لە <span dir="ltr">PYD</span> پشتیوانی بکات و ببێتە یەکێک لە یەکەم پشتیوانەکانی پەیەدە.</div><div dir="rtl">لە ئەنجامدا گەیشتینە ئەو شوێنەی کە تورکیا بە واژۆی ڕاگەیێندراوی مۆسکۆ دەبێ سیاسەتی &quot;ئەسەد دەبێ بڕوات&quot; وەلا نێت.</div><div dir="rtl"><b>بریا...</b></div><div dir="rtl">بریا هەر ئەو دەمە ئەم نەرمییەمان دەنواند. هەر لەو شەش مانگ یان یەک ساڵەی یەکەمدا بمانگوتایە یەکەمایەتی ئێمە بەرنگار بوونەوە لەگەڵ تیرۆرە نەک دەوڵەتی سووریا تاوەکوو ناچار نەبین بۆ گەیشتن بەم شوێنەی ئێستامان پشت ڕووسیا کەوین.</div><div dir="rtl">لە ئاکامدا نۆمان کورتولمووش دانی بەوەدا نا کە سیاسەتەکانمان هەمبەر سووریا&nbsp;هەڵە بوون و خەساری زۆریشی بۆمان بووە.</div><div dir="rtl">خۆ دیمان کە پووتین کاتی قەیرانی ڕووداوی کەوتنەخوارەوەی فڕۆکە ڕووسییەکە چۆن هەڵسوکەوتی کرد.</div><div dir="rtl">ئایا پێویست بوو ئەم هەموو تەنگژەیەمان لەگەڵ ڕۆژئاوا هەبێت؟ کێشەکان ببەینە پشتی درگا داخراوەکان و ئیماژی وڵاتێکی تێهەڵچوو لەگەڵ ڕۆژئاوا بگرینە خۆمان. ئایا باشتر نەبوو زۆر پێشتر بەری ئەم شتە بگرین؟</div><div dir="rtl">ئەو ئاڵۆزبوونە توندە لەگەڵ میسر لە بەرژەوەندیی کێدا کۆتایی پێهات؟</div><div dir="rtl"><b>وانەکان</b></div><div dir="rtl">هەموو ئەمانە کە وا هەست دەکرێت لە تاقیگەیەکدا ڕوویان داوە دەنێمە لاوە و دەچمە سەر دوو خاڵ.</div><div dir="rtl">گرینگایەتیی بیرۆکەی ڕەخنە و ئازادیی دەربڕینی بیروڕا: بریا لە کاتی خۆیدا لەجیاتی ئەوەی ڕەخنەگرانی سیاسەتەکانمان هەمبەر بە سووریا بە ئەسەدخواز و بەعسخواز تۆمەتبار بکەین، گوێمان شل کردایە بۆ ڕەخنەکانیان.</div><div dir="rtl">لەجیاتی ئایدۆلۆژیا، واقیعبینی: لە سەرەتای تەنگژەکانی ڕۆژهەڵاتی ناوەڕاست، لەجیاتی پشت بەستن بە ڕۆمانتزمێکی مێژوویی تایبەت بە کۆتایی سەدەیەک، بریا بیرمان لەوە کردبایەوە کە پێکهاتەی کۆمەڵایەتیی ڕۆژهەڵاتی ناوەڕاست بەستێنێکی ئامادەیە بۆ گەشەی کێشە و گرفتی گەورە و خوێنین و شوێن سیاسەتێکی واقیعبینانە دەکەوتین.</div><div dir="rtl">&nbsp;</div>