‌کوردپرێس‌ :: Kurdpress News Aganecy


کۆدی بابه‌ت: 67257  |  بڕوار: ۱۳۹۵/۱۰/۱۹  |  کاتژمێر: 9 : 18

لەلایەن حکوومه‌تی تورکیاوە،

6 مامۆستای زمانی کوردی له‌ زانکۆی ئارتۆکلۆی ماردین ده‌رکران

به‌شی تورکیا- حکوومه‌تی تورکیا 6 مامۆستای زمانی کوردی له‌ زانکۆی ئارتۆکلۆی ماردین ده‌رکردووه‌.

به‌پێی هه‌واڵی کوردپرێس به‌ گێڕانه‌وه‌ له‌ ڕووداو، حکوومه‌تی تورکیا له‌ بڕیارێکی نوێیدا 6 مامۆستای زمانی کوردی زانکۆی ئارتۆکلۆی ماردینی ده‌رکردووه‌.
ئه‌م 6 مامۆستای زانکۆیه‌ که‌ ئه‌ندامی ده‌سته‌ی زانستی ئه‌نیستیتۆی زمانه‌ زیندووه‌کانی تورکیا، گرووپی زمانی کوردی و گرووپی فه‌رهه‌نگ ناسی زانکۆی ئارتۆکلۆن به‌ پشت به‌ستن له‌سه‌ر بارودۆخی نائاسایی له‌ تورکیا و ته‌نیا به‌ حوکمی حکوومه‌تی تورکیا له‌ زانکۆدا ده‌رکراون.
ناوی مامۆستایانی ده‌رکراو بریتییه‌ له‌: فه‌رهاد ییڵماز، مه‌سعوود کسکین، میکائیل بولبول، ڕه‌مه‌زان چچن، ڕه‌مه‌زان په‌رتۆ و سه‌لیم ته‌مۆ ئه‌رگۆل.
سه‌لیم ته‌مۆ ئه‌رگۆل له‌ په‌یجی تایبه‌تی خۆی له‌ توویته‌ردا ڕایگه‌یاندووه‌: به‌ پشت به‌ستن له‌سه‌ر بارودۆخی نائاسایی و ئه‌و یاسا و ڕێسایانه‌ که‌ حکوومه‌تی تورکیا به‌ بێ پێویست په‌سه‌ندی ده‌کات له‌ زانکۆدا ده‌رکراوین. باشتر له‌ که‌سانی تر نین. "خۆڕاگری، ژیانه‌".

کۆتایی هه‌واڵ / ‌کوردپرێس‌ :: Kurdpress News Aganecy

لینکی بابه‌ت: http://www.kurdpress.com/NSite/FullStory/?Id=67257