نیگەرانیی کوردەکانی سووریا لە وتەکانی دۆناڵد ترەمپ سەبارەت بە پەکەکە
بەشی جیهان- ڕاوێژکاری سەربازیی هێزە هاوبەشەکانی کورد – عەرەبی سووریا ئاماژەی کردە بەیاننامەی دۆناڵد ترەمپ لە دیدارەکەی ئەم دواییەی لەگەڵ سەرۆک‌کۆماری تورکیا و وتی: سەرۆک‌کۆماری ئەمریکا لەجیاتی ئەوەی بۆ گەڕانەوەی ڕەوتی ئاشتی لە تورکیا هەوڵ بدات، دژ بە پەکەکە یارمەتیی تورکیا دەدات.
بەپێی هەواڵی کوردپرێس، دۆناڵد ترەمپ سەرۆک‌کۆماری ئەمریکا لە دیدار لەگەڵ ڕەجەب تەییب ئەردۆغان سەرۆک‌کۆماری تورکیا ڕایگەیاند بۆ بەرەنگاربوونەوە لەگەڵ گرووپە تیرۆریستییەکان و لەوان داعش و پەکەکە، پشتیوانی ئەنقەرە دەبێت.
هەڵوێستەکەی ترەمپ بۆتە هۆی نیگەرانیی هەندێک لە کاربەدەستانی کورد. ناسر حاجی مەنسوور کاربەدەستێکی سەربازیی کوردەکانی سووریا و ڕاوێژکاری هێزەکانی سووریای دیموکراتیک لەمبارەوە بە ئارا نیوز دەڵێت: وتەکانی ترەمپ دۆخەکە دژوارتر دەکات. کوردەکان چاوەڕوانی ئەوە بوون ئەمریکا هەڵوێستێکی سەختگیرانەتری هەبێت هەمبەر هێرشەکانی تورکیا بۆسەر ناوچە کوردنشینەکانی سووریا.
ناوبراو دەشڵێت: تورکیا پێداگرە لەسەر ئەوەی هێزە کوردەکانی سووریا بە داعش بشوبهێنێت. ئەمریکاش لە پێناو ڕازی کردنی تورکیا دەیەوێ دژ بە کوردەکانی ئەو وڵاتە پشتیوانیی لێبکات و ئەمەش ڕەوایی و شەرعیەت دەداتە هێرشەکانی تورکیا بۆسەر کوردەکان. ئەمریکا دەبێ ڕۆڵی نێوانجیی لە نێوان تورکیا و کوردەکانی ئەو وڵاتەی هەبێت.
 
کۆدی هەواڵنێر: 60105

کۆدی بابه‌ت: 73287  |  به‌روار: ۱۳۹۶/۲/۲۸  |  کاتژمێر: 18 : 45

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
ئیمکانات