چۆن پاڵێوراوه‌ پۆپۆلیسته‌کان بناسین/ جه‌عفه‌ر ئه‌حمه‌دی
به‌شی یادداشت- جه‌عفه‌ر ئه‌حمه‌دی کارناسی باڵای توێژینه‌وه‌ی فه‌رهه‌نگی و مامۆستای زانستگا له‌ ورمێ شێوازی بانگه‌شه‌ی پاڵێوراوانی شۆرای شار لێکده‌داته‌وه‌ و پێوه‌ری جۆربه‌جۆر بۆ ده‌نگدان له‌ هه‌ڵبژاردنه‌کانی شۆرادا له‌ ڕێگای ئه‌م یادداشته‌وه‌ دێنێته‌ ئاراوه‌.
کوردپرێس:
ئێستاکه‌ گه‌رمه‌ی بانگه‌شه‌ی هه‌ڵبژاردنه‌ و بانگه‌شه‌ به‌ شێوازی عه‌وام‌په‌سه‌ند و پۆپۆلیستی له‌ سه‌رووی پێوه‌ری عه‌قڵانییه‌وه‌یه‌ چیتر وتنی ئه‌وه‌ی پێوه‌ری هه‌ڵبژاردنی شۆرای شایسته‌ کامانه‌ن که‌ڵکی نابێت چوونکه‌ گۆ و مه‌یدان به‌ ده‌ست پۆپۆلیسته‌کانه‌وه‌یه‌. له‌ دۆخێکی وه‌هادا چیتر ڕۆشنبیره‌کان هیوایان به‌ شه‌فاف‌سازی نییه‌ و که‌سایه‌تییه‌ شایسته‌کانیش توانای مه‌یداندارییان نامێنێت. له‌ تۆڕه‌ کۆمه‌ڵایه‌تییه‌کانیشدا هه‌له‌که‌ بۆ زاڵبوونی پۆپۆلیسته‌کان ڕه‌خساوه‌ و له‌ ئاکامدا ده‌بێته‌هۆی سه‌رکه‌وتنی عه‌وامگه‌راکان. ئه‌وه‌ش به‌و مانایه‌یه‌ دۆخه‌که‌ی ئێستا وه‌ک خۆی ده‌مێنێته‌وه‌. له‌ دۆخێکی له‌و چه‌شنه‌دا هاوردنه‌وه‌ی ئه‌و پێوه‌ر و خاڵانه‌ی نوخبه‌کان بۆ هه‌ڵبژاردنی تاکی شایسته‌ له‌ شۆرادا زه‌ل ئاودانه‌. به‌ مه‌به‌ستی ڕووبه‌ڕووبوونه‌وه‌ له‌گه‌ڵ بیرۆکه‌ی پۆپۆلیستیدا پێویسته‌ ئاگادارییه‌کان به‌ زمانی خودی پۆپۆلیسته‌کانه‌وه‌ ده‌رببڕدرێن. وێده‌چێت قبووڵ‌کردنی ئه‌م عه‌وامگه‌راییه‌ زۆر دژوار بێت. له‌لایێکی دیکه‌شه‌وه‌ ڕێژه‌ی پاڵێوراوه‌ پۆپۆلیسته‌کان زیاتر بوونه‌ و مومکینه‌ هاووڵاتییانیش ده‌رفه‌تی ئه‌وه‌یان نه‌بێت ئه‌و پاڵێوراوانه‌ بناسێن.
له‌م یادداشته‌دا چه‌ند خاڵ که‌ ده‌لاله‌تن له‌سه‌ر نیشانه‌کانی پاڵێوراوه‌ پۆپۆلیسته‌کان ئاماژه‌یان پێده‌کرێت:
1- ئه‌و پاڵێوراوانه‌ی له‌ دروشمه‌کانیاندا ده‌سته‌واژه‌ی "خه‌ڵک" به‌کار ده‌هێنن.
2- ئه‌و پاڵێوراوانه‌ی به‌ڵێنی ده‌ستپێکی سه‌رده‌می نوێ و دۆخێکی باشتر بۆ شاره‌که‌ ده‌ده‌ن.
3- ئه‌وانه‌ی له‌لایه‌ن نوێنه‌ر، شاره‌وان یان دیکه‌ی داموده‌زگا جێبه‌جێکاره‌کانه‌وه‌ پشتیوانی ده‌کرێن.
4- ئه‌وانه‌ی کاره‌که‌یان له‌ کاری شۆرا بۆ شاره‌که‌ به‌ که‌ڵکتر و گرینگتره‌.
5- ئه‌وانه‌ی عاده‌تیان کردووه‌ له‌پێناو پاراستنی مافی گه‌لدا پاره‌ وه‌ربگرن.
6- ئه‌وانه‌ی له‌ خوله‌ پێشووه‌کاندا ئه‌ندامی شۆرای شار بوون و نه‌یانتوانیوه‌ دۆخی شاره‌که‌ باشتر بکه‌ن.
7- ئه‌وانه‌ی له‌ وێنه‌ بانگه‌شه‌ییه‌کاندا سه‌یری ئاسۆ ده‌که‌ن.
8- ئه‌وانه‌ی پۆسته‌ر و وێنه‌ی بانگه‌شه‌یی خۆیان له‌و شوێنانه‌دا هه‌ڵده‌واسن که‌ سیمای شاره‌که‌ ناشیرین ده‌که‌ن.
9- ئه‌وانه‌ی ته‌نها بۆ خزمه‌ت‌کردن به‌ خه‌ڵک هاتوون چوونکه‌ خزمه‌ت کردن به‌ هاووڵاتییان ته‌نها له‌ شۆرای شاردا نییه‌.
10- ئه‌وانه‌ی ڕه‌خنه‌یان له‌سه‌ر دۆخه‌که‌ی ئێستا ته‌نها شۆرای شاری پێشوو ده‌گرێته‌وه‌.
11- ئه‌وانه‌ی هونه‌رمه‌ندن، وه‌رزشکارن یان ناوێکی له‌ شاره‌که‌دا هه‌یه‌.
12- ئه‌وانه‌ی کاتێک له‌ که‌ناڵ یان گرووپه‌ تێلێگرامییه‌که‌یان ده‌چیته‌ ده‌ره‌وه‌ دیسان بۆ چه‌ندین جار ئه‌دت ده‌که‌نه‌وه‌.
13- ئه‌وانه‌ی له‌ پێش ناوه‌کانیانه‌وه‌ نازناوی دوکتۆر، ئه‌ندازیار یان حاجی نووسراوه‌.
14- ئه‌وانه‌ی به‌رده‌وام جلی فه‌رمی له‌به‌ر ده‌که‌ن به‌ڵام له‌ پۆسته‌ره‌که‌یاندا جلی ناوچه‌که‌ی خۆیان ده‌که‌نه‌به‌ر.
15- ئه‌وانه‌ی دوو ساڵی ڕابردوو هیچ وتار یان یادداشتێکیان له‌سه‌ر شاره‌که‌ نه‌نووسیوه‌.
16- ئه‌وانه‌ی تا ئێستا ئه‌ندامی هیچ ئه‌نجومه‌ن یان ڕێکخراوێکی ناده‌وڵه‌تی (NGO) نه‌بوونه‌.
17- ئه‌وانه‌ی له‌ پێشینه‌که‌ی خۆیاندا زیاتر له‌ 10 خاڵیان ئاماژه‌ پێکردووه‌.
18- ئه‌وانه‌ی له‌ ئیدعاکانیاندا زیاتر له‌سه‌ر په‌یکه‌ره‌ی فیزیکی شاره‌که‌ ته‌رکیز ده‌که‌ن و هیچ له‌باره‌ی ئینسانه‌کانه‌وه‌ ناڵێن.
19- ئه‌وانه‌ی سیتاده‌کانیان بوونه‌ته‌ ناوه‌ندی ئاهه‌نگ‌گێڕان و شۆی سه‌ر شه‌قام و ده‌نگی مۆزیکه‌کانیان زیاتره‌ له‌ ده‌نگی پاڵێوراوه‌که‌یان.
20- ئه‌وانه‌ی پێیانوایه‌ خودا شاری خه‌ڵق کردووه‌.
 
وه‌رگێڕان له‌ فارسییه‌وه‌: سروور خدری
 
کۆدی هه‌واڵنێر: 60103

کۆدی بابه‌ت: 73164  |  به‌روار: ۱۳۹۶/۲/۲۶  |  کاتژمێر: 13 : 51

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
لە بڕیارەکانی تورکیا سەبارەت بە ئیدلیب پشتیوانی دەکەین
مۆڵەتی ئەوە بە دەوڵەتی سووریا نادەین هێرش بکاتە سەر هەسەدە
دۆزرانەوەی تەرمێک لە گوندی بۆیکتانی سەقز
Îran: Rapora Wezareta Derve ya Amerîkayê derheqê azadiyên mezhebî li îranê derew e
پاش شکستی داعش هێزی پێشمه‌رگه‌ ڕێک ده‌خرێته‌وه‌
بە ھیچ شێوەیێک گفتوگۆ لە سەر دوا خستنی ریفراندۆم ناکرێت
ئەمریکا و بارزانی و ڕیفراندۆم/ مەریوان وریا قانیع
Bekir Bozdag: Almanya berevaniya PKK`ê dike
هونه‌رمه‌ندانی کرماشانی له‌ مێهره‌جانی نه‌ته‌وه‌یی شانۆی ئه‌رسباران درۆشانه‌وه‌
ھەر کەسێک لە ناو یەکێتی دژایەتیی ڕیفراندۆم بکات، ڕاستەوخۆ سزا دەدرێ تا ئاستی دەرکردنی لە ناو ڕیزەکانی یەکێتیی نیشتمانیی کوردستان
بەریتانیا داوا دەکات ڕیفراندۆمی هەرێم بۆ دوای هەڵبژاردنی عێراق دوا بخرێت
Amerîkayê gotinên berdevkê YPG`ê red kir/Piştî têkçûna DAIŞ`ê em li Sûriyê namînin
سەدرییەکان بۆ وەفدە کوردییەکە: جیابوونەوەی هەر پارچەیێکی عێراق ڕەتدەکەینەوە
پاش شکستی داعش ئەمریکا پشتگیری لە کوردەکان دەوەستێنێت
Li Bokanê Şewat / 300 milyon Tûmen xesaret
ئیمکانات