وه‌ڵامی 9 ده‌زگای ئیداریی ئێران به‌ دیبه‌یتی دووهه‌م
به‌شی ڕاپۆرت/ هه‌ڵبژاردن- دیبه‌یتی دووهه‌می نێوان 6 پاڵێوراوی هه‌ڵبژاردنی سه‌رۆکایه‌تیی کۆمار له‌ میدیای فه‌رمیی ئێران بڵاو کرایه‌وه‌ و ئه‌و بابه‌تانه‌ی له‌لایه‌ن هه‌ندێ له‌ پاڵێوراوانه‌وه‌ هاته‌گۆڕێ کاردانه‌وه‌ی داموده‌زگا ئیداری و به‌ڕێوه‌به‌رایه‌تییه‌کانی ناوخۆی لێکه‌وتۆته‌وه‌.
به‌پێی هه‌واڵی کوردپرێس، 9 ده‌زگای ئیداریی وڵات پاش به‌ڕێوه‌چوونی دیبه‌یتی دووهه‌م له‌ میدیای فه‌رمیی ئێرانه‌وه‌ به‌ مه‌به‌ستی وه‌ڵامدانه‌وه‌ چه‌ند پرسێک دێننه‌ ئاراوه‌.
کورته‌یێک له‌ وه‌ڵامی ئه‌و 9 به‌ڕێوه‌به‌رایه‌تییه‌ به‌م شێوازه‌ی خواره‌وه‌یه‌:
زه‌نگه‌نه‌:
له‌ گرێبه‌ستی کرسێنتدا باجمان لێ نه‌سه‌ندراوه‌. به‌ هه‌موو هێزمانه‌وه‌ خه‌ریکین به‌ره‌ڤانی ده‌که‌ین.
پاڵێوراوێکی هه‌ڵبژاردنی سه‌رۆک کۆماری له‌ دیبه‌یته‌کانی پاش نیوه‌ڕۆی ڕۆژی هه‌ینیدا وتبووی: ئێمه‌ به‌هۆی گرێبه‌ستی کرسێنته‌وه‌ 14.5 ملیۆن دۆلار باجمان لێ سه‌ندراوه‌.
بیژه‌ن زه‌نگه‌نه‌ وه‌زیری نه‌وت له‌ ڕێگه‌ی تێلێگرامه‌وه‌ کاردانه‌وه‌ی به‌و لێدوانانه‌ پیشان داوه‌ و ده‌ڵێت:
ئێمه‌ له‌ گرێبه‌ستی کرسێنتدا هیچ باجێکمان لێ نه‌سه‌ندراوه‌ و به‌ هه‌موو توانا و هێز و بڕشتمانه‌وه‌ خه‌ریکی به‌ره‌ڤانی کردنین. هه‌ڵبه‌ت به‌هۆی قسووری ده‌وڵه‌تی پێشووه‌وه‌ ئێمه‌ مه‌حکووم کراوین به‌وه‌ی که‌ پێبه‌ندی گرێبه‌سته‌که‌ نه‌بووین.
ناوه‌ندی میدیایی و دیپلۆماسیی وه‌زاره‌تی ده‌ره‌وه‌:
ناوه‌ندی میدیایی و دیپلۆماسیی وه‌زاره‌تی ده‌ره‌وه‌ داوا له‌ پاڵێوراوان ده‌کات هه‌لقۆستنه‌وه‌ له‌ کێشمه‌کێشمی میدیایی ئێستاکه‌ نه‌که‌ن بۆ هێرش بردنه‌ سه‌ر وه‌زاره‌تی ده‌ره‌وه‌ و سیاسه‌تی ده‌ره‌وه‌ی وڵات.
"هه‌موو گه‌مارۆکان که‌ ده‌بوو به‌ گوێره‌ی به‌رجام له‌سه‌ر ئێران لاببردرایه‌ وه‌ستێندراون یان به‌ ته‌واوه‌تی لابراون. هه‌ندێک له‌ کێشه‌ و له‌مپه‌ره‌کان هێشتاکه‌ له‌ حه‌وزه‌ی بانکیدا ماون که‌ ئه‌وه‌ش به‌هۆی هه‌ندێک گه‌مارۆی ده‌ره‌وه‌ی گرێبه‌ستی به‌رجامه‌."
"سه‌رجه‌م ئه‌و داهاته‌ نه‌وتی و سه‌رچاوه‌ داراییانه‌ی وڵات که‌ به‌هۆی گه‌مارۆکانه‌وه‌ ده‌ستیان به‌ سه‌ردا گیرابوو ئازاد کران و خرانه‌وه‌ به‌رده‌ست بانکی ناوه‌ندی. سه‌ره‌ڕای ئه‌مه‌ش سه‌رجه‌م داهاته‌ نه‌وتییه‌کان به‌ ته‌واوه‌تی ده‌گاته‌وه‌ ناوخۆی وڵات و به‌ شێوازی پێویست که‌ڵکی لێوه‌رده‌گیردرێت."
به‌رنامه‌ی ناڤۆکیی ئێران به‌ تایبه‌ت پیتاندن به‌ گوێره‌ی به‌رنامه‌ی ڕێکخراوی وزه‌ی ناڤۆکی درێژه‌ی هه‌یه‌ تا ئه‌و ڕاده‌یه‌ی ڕیئاکتۆری ئاوی قورسی ئه‌راک له‌ ڕێگای گرێبه‌ستێکه‌وه‌ له‌ نێوان دوو وڵاتی ئێران و چین مۆدێڕن ده‌کرێته‌وه‌.
وه‌زاره‌تی ده‌ره‌وه‌ سه‌باره‌ت به‌ کۆنکرێتی مه‌خزه‌نه‌ کۆنه‌کانی ئه‌راک ده‌ڵێت: دووپاتی ده‌که‌مه‌وه‌ کۆنکرێت کردنی مه‌خزه‌نی کۆنی ئه‌راک ته‌نها گڕم و قاڵی میدیایی ئه‌مریکا بووه‌ که‌ به‌داخه‌وه‌ هه‌ندێک لایه‌نیش دووپاتی ده‌که‌نه‌وه‌.
وه‌زیری به‌رگری:
سه‌ردار حسێن دێهقان کاردانه‌وه‌ به‌ لێدوانی یه‌ک له‌ پاڵێوراوان سه‌باره‌ت به‌ به‌رنامه‌ی مووشه‌کی و به‌ره‌ڤانیی ئێران پیشان ده‌دات و ده‌ڵێت: تا کۆتایی ساڵی 95 له‌ ده‌وڵه‌تی یازده‌هه‌مدا له‌ به‌شی ته‌رخاندانی گوژمه‌ی به‌ره‌ڤانیدا تا ڕاده‌ی 2.5 قات له‌ چاو ده‌وڵه‌تی پێشوو سه‌رچاوه‌کان زیادیان کردووه‌ و ئه‌و ڕه‌قه‌مه‌ش ساڵی 96 ده‌گاته‌ 4 قاتی ڕێژه‌ی هاوشێوه‌ له‌ ده‌وڵه‌تی پێشوودا.
ناوبراو ئه‌وه‌شی زیاد کرد: به‌شکۆترین سه‌رده‌می گه‌شه‌ی به‌رنامه‌ی مووشه‌کی و به‌ره‌ڤانیی وڵات چ له‌ باری کوالێتییه‌وه‌ چ له‌ باری ئاماریشه‌وه‌ له‌ ده‌وڵه‌تی یازده‌هه‌مدا بووه‌.
وه‌زیری پێوه‌ندییه‌کان و ته‌کنۆلۆژیای زانستی:
مه‌حموود واعێزی کاردانه‌وه‌ی به‌ ئیدعای پاڵێوراوێکی هه‌ڵبژاردنه‌کان پیشان داوه‌ و ده‌ڵێت: تۆڕه‌ کۆمه‌ڵایه‌تییه‌کان زیاتر وه‌کوو ده‌رفه‌تێک ده‌بینرێن نه‌ک هه‌ڕه‌شه‌.
واعێزی له‌ وه‌ڵامی ئه‌و ئیدعایه‌دا ده‌ڵێت: هه‌ندێک لێدوان سه‌باره‌ت به‌ هه‌ڕه‌شه‌ی تۆڕه‌ کۆمه‌ڵایه‌تییه‌کان هاتۆته‌ئاراوه‌ هه‌ر به‌و بۆنه‌شه‌وه‌ پێویسته‌ بڵێم ئێستاکه‌ ئه‌و ده‌رفه‌تانه‌ی تۆڕه‌ کۆمه‌ڵایه‌تییه‌کان ده‌یڕه‌خسێنن زۆر زیاتره‌ له‌ هه‌ڕه‌شه‌ و مه‌ترسییه‌کانی. ئێستاکه‌ زیاترین کێشه‌ی گه‌نجان و لاوان بێکارییه‌. تۆڕه‌ کۆمه‌ڵایه‌تییه‌کان ساڵی ڕابردوو زیاتر له‌ 100 هه‌زار هه‌لی کاری ڕاسته‌وخۆیان بۆ چینی خوێنه‌واری وڵات ڕه‌خساندووه‌ و ئه‌وه‌ش بۆته‌هۆی پێکهێنانی سیسته‌می شه‌فافییه‌ت و هه‌روه‌هاش ڕه‌خساندنی که‌شی چالاکیی سیاسی و وه‌کوو ده‌رفه‌تێکی بێ وێنه‌ بۆ وڵاته‌که‌مان دێته‌ ئه‌ژمار.
ده‌وڵه‌ت هه‌مبه‌ر هه‌ڕه‌شه‌ و مه‌ترسییه‌ کۆمه‌ڵایه‌تییه‌کان ته‌گبیر و ڕاوێژی چاکی گرتۆته‌به‌ر و له‌لایه‌ن ئۆپراتۆره‌کانه‌وه‌ خزمه‌تگوزاریی تایبه‌تی پێکهێناوه‌ بۆ منداڵان، ڕێژه‌ی ده‌یتاسازیی خۆجێیی له‌ گۆڕه‌پانی تۆڕه‌ کۆمه‌ڵایه‌تییه‌کان و هه‌روه‌هاش به‌رته‌سکیی هۆشیارانه‌ له‌ ده‌یتا نائه‌خلاقییه‌کان و هه‌روه‌هاش داکۆکیی زۆر کراوه‌ بۆ سڕینه‌وه‌ی خه‌ساره‌کانی ئه‌و تۆڕه‌ کۆمه‌ڵایه‌تییانه‌.
نموونه‌یێکی هه‌ره‌گرینگی کاریگه‌ریی تۆڕه‌ کۆمه‌ڵایه‌تییه‌کان بریتییه‌ له‌ دابه‌زینی ڕێژه‌ی تێچووی زۆری بانگه‌شه‌ی شاری له‌ هه‌ڵبژاردنه‌کاندا.
ئه‌مڕۆکه‌ تۆڕه‌ کۆمه‌ڵایه‌تییه‌کان گه‌شه‌ ده‌سێنن و له‌ گۆڕه‌پانی ڕابواردنه‌وه‌ دێنه‌ بواری خزمه‌تگوزارییه‌وه‌ و ئه‌وه‌ش له‌پێناو پشتیوانی و خۆڕاگریی ده‌وڵه‌تی ته‌گبیر و ئومێده‌وه‌ ده‌سته‌به‌ر بووه‌. ئه‌گه‌رچی دژ به‌ ئه‌م ده‌وڵه‌ته‌ش هه‌ر له‌لایه‌ن ئه‌و تۆڕه‌ کۆمه‌ڵایه‌تییانه‌وه‌ هه‌جمه‌ی زۆر کراوه‌ته‌ سه‌ر ئه‌رکانی ده‌وڵه‌ت به‌ڵام لێبورده‌یی ده‌وڵه‌ت له‌م بواره‌دا بۆته‌ گرینگترین هۆکاری گه‌شه‌ و پێشکه‌وتنی پیشه‌ی IT له‌ وڵاتدا.
وه‌زاره‌تی زانست:
له‌ نێوان 25 وڵاتی پێشکه‌وتووی وه‌دیهێنانی زانست پله‌ی یه‌که‌می هه‌یه‌.
وه‌زاره‌تی زانست، توێژینه‌وه‌ و ته‌کنۆلۆژیا به‌ دوای ئاراسته‌کردنی پرسه‌کانی هاوپه‌یوه‌ند به‌م بواره‌ له‌ دیبه‌یتی ئێواره‌ی ڕۆژی هه‌ینی پاڵێوراوانی 12هه‌مین خولی سه‌رۆکایه‌تیی کۆمار ڕایگه‌یاند: ئێران له‌ نێوان 25 وڵاتی پێشکه‌وتووی به‌رهه‌مهێنانی زانست له‌ جیهاندا پله‌ی یه‌که‌می هه‌یه‌ و ڕێژه‌ی پڕۆژه‌ که‌لانه‌ نیشتمانییه‌کان 47 پڕۆژه‌ بوونه‌ که‌ له‌و ڕێژه‌یه‌ 35 پڕۆژه‌یان سازمانی پێدراوه‌ و 22ی دیکه‌یان له‌ قۆناغی کۆتاییدا پشتڕاست کراونه‌ته‌وه‌ و 13 پڕۆژه‌ش ئێستاکه‌ ده‌گه‌نه‌ قۆناغی کۆتایی و ته‌نها 12 پڕۆژه‌ به‌هۆی نه‌بوونی داواکاره‌وه‌ له‌ به‌شی پیشه‌ و دابین نه‌کردنی گوژمه‌ و له‌ ئاکامدا نه‌بوونی توانای وه‌ڵامدانه‌وه‌ به‌ پێداویستیی نیشتمانی ئێستاکه‌ جێبه‌جێ نه‌کراون. به‌ گوێره‌ی ڕاگه‌یێندراوی وه‌زاره‌تی زانست، ئه‌وله‌ویه‌تدانه‌ری بۆ پڕۆژه‌ توێژینه‌وه‌کان، په‌سه‌ندکردنی شرۆڤه‌ی تێر و ته‌سه‌لی ئه‌رکه‌کانی ئه‌نجومه‌نی "عتف"، په‌سه‌ندکردنی ناوچه‌ی تایبه‌تی زانست و ته‌کنۆلۆژیا، نێوبژیڤانیی له‌ نێوان پڕۆژه‌ که‌لانه‌ نیشتمانییه‌کان و... له‌ گرینگترین په‌سه‌ندکراوه‌کانی ئه‌نجومه‌نی باڵای "عتف" بوون.
ڕێکخراوی وزه‌ی ناڤۆکی:
ڕێکخراوی وزه‌ی ناڤۆکی له‌ ڕێگای ڕاگه‌یێندراوێکه‌وه‌ وه‌ڵامی لێدوانی پاڵێوراوێکی سه‌رۆک کۆماری له‌ دیبه‌تی دووهه‌مدا ده‌داته‌وه‌ و ده‌ڵێت: هه‌زاران سانتریفیۆژ ئێستاکه‌ خه‌ریکی پیتاندنن. ئه‌و ڕێکخراوه‌یه‌ له‌ وه‌ڵامی جه‌نابی میرسه‌لیمدا ده‌بێ بڵێین به‌ له‌به‌رچاوگرتنی پێشینه‌ی جه‌نابی میرسه‌لیم وه‌کوو که‌سایه‌تییه‌کی به‌ ئه‌خلاق و دیندار جێگای سه‌رسووڕمانه‌ ناوبراو سه‌باره‌ت به‌ پرسی ناڤۆکی به‌و شێوازه‌ی که‌ له‌ دیبه‌یته‌کاندا هاته‌ئاراوه‌ ڕاده‌رده‌بڕێت. ناوبراو ئاماژه‌ی به‌ وه‌ستانی پیشه‌ی ناڤۆکی کردووه‌ له‌ حاڵێکدا هیچ ئامار یان به‌ڵگه‌یێکی نه‌هێناوه‌ته‌وه‌ بۆ ئه‌و بابه‌ته‌.
ئه‌و ڕێکخراوه‌یه‌ش ئه‌وه‌شی زیاد کردووه‌: بێگومان هه‌موومان له‌ بیرمانه‌ ئۆباما ڕایگه‌یاند ئه‌گه‌ر توانام هه‌بووبایه‌ به‌ ته‌واوه‌تی پیشه‌ی ناڤۆکیی ئێرانم ده‌وه‌ستاند. له‌گه‌ڵ پیتاندن، به‌رهه‌مهێنانی ئاوی قورس به‌ ڕێژه‌ی زۆرتر له‌ ڕابردوودا درێژه‌ی هه‌یه‌؛ له‌ حاڵێکدا که‌ ده‌یان تۆن به‌رهه‌می ئاوی قورسی خۆمانمان بۆ هه‌مان وڵات هه‌نارده‌ کرد که‌ به‌ دوای داخستنی کارخانه‌ی ئاوی قورسه‌وه‌ بوو.
"سه‌ره‌نجی ئێوه‌ به‌ره‌و‌ وته‌کانی ده‌یڤید ئالبرایت ڕاده‌کێشین که‌ چۆن به‌ بۆنه‌ی کڕینی ئاوی قورس و ته‌سلیم بوونی ده‌وڵه‌تی ئه‌مریکا به‌ ئێران ڕه‌خنه‌ له‌ ئه‌مریکا‌ ده‌گرێت و ده‌ڵێت به‌م کڕینه‌وه‌، هه‌م ترسی وڵاتانی جیهانتان له‌ کڕینی ئاوی قورس له‌ ئێران لابرد و هه‌م بانگه‌شه‌ی بازرگانیتان بۆ ئاوی قورسیی ئێران ئه‌نجام دا."
ڕێکخراوی وزه‌ی ناڤۆکی درێژه‌ی پێدا: جه‌نابی میرسه‌لیم به‌ دڵنیاییه‌وه‌ بیستووتانه‌ که‌ گازی UF6 به‌ ده‌زگای پێشکه‌وتووی IR-8 به‌ لانیکه‌م 20 ئه‌وه‌نده‌ی هێزی IR-1 درا؛ ده‌زگایێک که‌ ده‌وڵه‌تی ئه‌مریکا به‌ دوای له‌ناوبردنی بوو.
ئه‌م به‌یاننامه‌یه‌ جه‌ختی کرد که‌ له‌ ئێوه‌ وه‌کوو که‌سێکی دیندار چاوه‌ڕوان ده‌که‌ین که‌ به‌ لێکدانه‌وه‌ی وردی بیستراوه‌کانی خۆتان له‌ ئاراسته‌کردنی ئه‌و بابه‌تانه دووری بگرن که‌ ده‌توانێت شک و گومان له‌ نێوان خه‌ڵکدا دروست بکات. وێڕای ئه‌وه‌ی که‌ ڕێکخراوی وزه‌ی ناڤۆکی ئاماده‌یی هه‌یه‌ ئه‌گه‌ر به‌ڵگه‌یێک ئاراسته‌ بکه‌ن لێکیبداته‌وه‌ و ده‌ره‌نجامه‌که‌ی به‌ گه‌لی ئێران ڕابگه‌یێنێت.
ئاخووندی:
ئاخووندی ڕوو له‌ پاڵێوراوێکی سه‌رۆکایه‌تیی کۆمار وتی: ئایا به‌م شێوه‌یه‌ ده‌تانه‌وێت به‌ره‌ڤانی له‌ ئازادی بکه‌ن؟
عه‌باس ئاخووندی ئێواره‌ی ڕۆژی ڕابردوو (هه‌ینی/ 15ی گوڵان) له‌ هه‌ژماری تایبه‌تی خۆی له‌ تێلێگرام له‌ کاردانه‌وه‌ به‌ لێدوانی پاڵێوراوێکی سه‌رۆکایه‌تیی کۆمار له‌ دووهه‌مین دیبه‌یتی ته‌له‌فزیۆنی ڕوو له‌ ناوبراو نووسیی: ئێوه‌ نووسراوه‌یێک که‌ له‌باره‌ی منتان ڕاگه‌یاند به‌ زاری دیکه‌ی هه‌واڵنێرانی ئاماده‌بوو بڵاوی ده‌که‌مه‌وه‌. هه‌رچه‌ند، له‌ نووسراوه‌یێک که‌ به‌م بۆنه‌وه‌ بڵاوم کردۆته‌وه‌ ئه‌و هۆشدارییه‌م به‌ خۆم دا که‌ ده‌بێ سه‌بوورتر بم به‌ڵام پرسیارێکم له‌ ئێوه‌ هه‌یه‌. ئایا به‌م شێوه‌یه‌ ده‌تانه‌وێت به‌ره‌ڤانی له‌ ئازادی هاووڵاتییان بکه‌ن؟ و به‌م شێوه‌یه‌ ده‌تانه‌وێت مافی شارۆمه‌ندی خه‌ڵک ده‌سته‌به‌ر بکه‌ن؟
ناوبراو وتیشی: جه‌نابی میرسه‌لیم له‌ هه‌مان کۆبوونه‌وه‌یێک که‌ دانیشتوونه‌، له‌ به‌رچاوی ئێوه‌ و ملیۆنان که‌سه‌وه‌ سووکایه‌تی به‌ ئابڕووی خانمێکی ئێرانی له‌لایه‌ن یه‌کێک له‌ پاڵێوراوانه‌وه کرا. چاوه‌ڕوانییه‌ک‌ له‌ ئێوه‌ و جه‌نابی ڕه‌ئیسییه‌وه‌ نییه‌، پڕۆسه‌ی ئه‌وان به‌م شێوازه‌یه‌. به‌ڵام ئێوه‌ چیتان کرد؟ جگه‌ له‌وه‌ی که‌ به‌ شێوه‌ی ناڕاسته‌وخۆ له‌گه‌ڵ ناوبراو هاوڕا بوون؟ مه‌گه‌ر یاسا مافی شارۆمه‌ندی پێناسه‌ و ده‌سته‌به‌ر ناکات؟ ئه‌م کاندیدایه‌ به‌ چ حه‌قێکه‌وه‌ تۆمه‌ت له‌ هاووڵاتییه‌ک ده‌دات که‌ به‌شه‌ره‌ف و به‌پێی یاساوه‌ کار ده‌کات و هه‌موو مافه‌ یاساییه‌کانی ڕچاو کردووه‌؟
ئاخووندی جه‌ختیشی کرد: "ئێوه‌ که‌ خۆتانتان ئاماده‌ی قبووڵ‌کردنی پۆستی سه‌رۆکایه‌تیی کۆمار کردووه‌ و ده‌تانه‌وێت سوێند بخۆن، ئایا به‌م شێوه‌یه‌ ده‌تانه‌وێت مافی شارۆمه‌ندی ده‌سته‌به‌ر بکه‌ن؟ له‌و کۆبوونه‌وه‌دا وێنه‌یێک ئاراسته‌ کرا که‌ هه‌موو بازرگانان خه‌یانه‌تکارن؟ ئایا ئێوه‌ به‌م شێوه‌یه‌ ده‌تانه‌وێت له‌ بازرگانیی یاسایی به‌ره‌ڤانی بکه‌ن؟ له‌ شاره‌وانێک که‌ بازرگانی به‌ مافی هاووڵاتییانه‌وه‌ ده‌کات، چاوه‌ڕوانییه‌ک نییه‌، به‌ڵام بۆچی ئێوه‌ بێده‌نگیتان نواند و به‌ره‌ڤانیتان له‌ مافی شارۆمه‌ندی و ئازادی هاووڵاتییانتان نه‌کرد؟"
وه‌زیری ڕێگا و شارسازی زیادی کرد: ئێوه‌ بینیتان که‌ چۆن ئه‌وان به‌ شێوه‌یێکی ناجوامێرانه‌ هه‌وڵ ده‌دات بابه‌تێکی به‌ ته‌واوه‌تی ناپێوه‌ندیدار به‌ باوکمه‌وه‌ بلکێنن؟ ئایا وه‌کوو سیاسه‌توانێک نه‌تانده‌زانی بێ هیچ به‌ڵگه‌یێک باوکمیان تاوانبار کردووه‌؟ له‌ حاڵێکدا ته‌عزیراتیش گه‌واهی ده‌ده‌ن کچیشم هیچ سه‌رپێچییێکی ئه‌نجام نه‌داوه‌. ئایا ئه‌مه‌ ئه‌خلاقه‌؟ مه‌گه‌ر یاسا و ڕێسای ئایینه‌که‌مان پێمان ناڵێت هه‌ر کاتێک بینیتان مافی که‌سێک یان لایه‌نێک پێشێل ده‌کرێت ده‌نگی ناڕه‌زاییتان به‌رز بکه‌نه‌وه‌؟
ئاخووندی له‌ کۆتاییدا جه‌ختیشی کردۆته‌وه‌: "نه‌ک هه‌ر ئه‌و کاره‌تان نه‌کرد به‌ڵکوو هاوته‌ریب له‌گه‌ڵ پێشێل‌کردنی مافی هاووڵاتییاندا کارتان کرد. هه‌ڵبه‌ت هیوادارم لیژنه‌ی چاودێری و سیتادی جێبه‌جێکاریی هه‌ڵبژاردن به‌و پێشێلکردنی مافانه‌ پێڕابگه‌یێت."
وه‌زاره‌تی فه‌رهه‌نگ و ئیرشادی ئیسلامی:
وه‌زاره‌تی فه‌رهه‌نگ و ئیرشادی ئیسلامی سه‌باره‌ت به‌ ئیدعای ناڕاستی یه‌ک له‌و پاڵێوراوانه‌ که‌ وتبووی ده‌ستکه‌وته‌کانی ده‌وڵه‌ت له‌ بواری کردنه‌وه‌ی که‌شی فه‌رهه‌نگی و په‌ره‌پێدانی شوێنه‌ فه‌رهه‌نگی و هونه‌رییه‌کان به‌رته‌سک بۆته‌وه‌ به‌ ئیداره‌ی شاره‌وانیی تاران له‌ ڕاگه‌یێندراوێکدا ده‌ڵێت: یانه‌ی سینه‌ما پاش چه‌ندین ساڵ داخران به‌هۆی به‌دواداچوونی ده‌وڵه‌تی یازده‌هه‌مه‌وه‌ و هه‌روه‌هاش داکۆکیی چالاکانی سینه‌ما و فه‌رمانی ڕاسته‌وخۆی سه‌رۆک کۆمار دیسان کرایه‌وه‌.
ڕێژه‌ی داهاتی سینه‌ما له‌ ڕێگای فرۆشی بلیته‌وه‌ له‌ 26 ملیارده‌وه‌ گه‌یشته‌ 170 ملیارد تمه‌ن و سینه‌مای نیشتمانی گه‌شه‌یێکی بێ وێنه‌ی ئه‌زموون کرد. ئه‌وه‌ش پیشانده‌ری ئاشتبوونه‌وه‌ی هاووڵاتییانه‌ له‌گه‌ڵ سینه‌ما.
ڕێژه‌ی بڵاوبوونه‌وه‌ی نمایشته‌کان له‌ 67 هه‌زاره‌وه‌ بۆ زیاتر له‌ 102 هه‌زار زیادی کرد. هه‌روه‌هاش پێشکه‌ش‌کردنی شانۆ له‌ هۆڵه‌ جۆربه‌جۆره‌کانی وڵاتدا له‌سه‌دا 200 زیادی کردووه‌.
ڕاوێژکاری فه‌رهه‌نگیی ده‌وڵه‌ت:
ڕۆحانی نیگه‌رانی ئه‌وه‌یه‌ دیبه‌یته‌کان شۆک له‌ هاووڵاتییان بدات.
حسامه‌ددین ئاشنا ڕاوێژکاری فه‌رهه‌نگیی ڕۆحانی سه‌باره‌ت به‌ دیبه‌یته‌که‌ی ڕۆژی هه‌ینی گوتی: واده‌رده‌که‌وێت ڕۆحانی له‌ دیبه‌یته‌که‌ی ڕۆژی هه‌ینیدا نیگه‌رانی ورووژانی ئاسایش و هێمنایه‌تیی کۆمه‌ڵگا بووه‌ و نه‌یده‌ویست مۆڵه‌تی ئه‌وه‌ بدات کۆمه‌ڵگا به‌هۆی ئه‌و دیبه‌یتانه‌وه‌ نیگه‌ران ببن.
ڕاوێژکاری فه‌رهه‌نگیی ڕۆحانی ئه‌وه‌شی زیاد کرد: نیگه‌رانییه‌که‌ ئه‌وه‌ بوو پاڵێوراوان بتوانن له‌ ڕێگای ڕه‌خنه‌گرتنه‌وه‌ پێشکه‌شکردنی به‌رنامه‌کانی خۆیان پشت گوێ بخه‌ن به‌ڵام به‌ گوێره‌ی ئه‌و به‌رنامانه‌ی پێشبینی کراون دیبه‌یتی حه‌فته‌ی داهاتوو دیبه‌یتی پێشکه‌شکردنی به‌رنامه‌کان ده‌بێت.
 
وه‌رگێڕان له‌ فارسییه‌وه‌: سروور خدری
 
کۆدی هه‌واڵنێر: 60103
 

کۆدی بابه‌ت: 72653  |  به‌روار: ۱۳۹۶/۲/۱۶  |  کاتژمێر: 12 : 36

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
سەربەخۆیی کوردەکانی عێراق بێگومانە و تەنیا کاتەکەی نادیارە
وه‌ڵامی وه‌زیری ناوخۆ به‌ ناڕه‌زایه‌تی و ده‌نگۆکانی هه‌ڵبژاردن
18 ئه‌ندامی پارتی دیموکراتیکی گه‌لان ده‌ستگیر کران
باگژە و خۆڵبارین پارێزگای ئیلامی گرتەبەر
له‌ ڕه‌مه‌زاندا چاودێرییه‌ ته‌ندروستییه‌کان له‌سه‌ر ناوه‌نده‌کانی خوارده‌مه‌نی زیاتر ده‌کرێته‌وه‌
ئه‌مریکا 100 لۆری جیهازاتی سه‌ربازی له‌ نێوان هێزه‌کانی YPGی دابه‌ش کردووه‌
40 میلیارد ڕیاڵ گوژمه‌ بۆ که‌مه‌ربه‌ندیی مه‌ریوان ته‌رخان درا
حکوومەتی تورکیا دەستی کرد بە ڕووخاندنی شاری سوور / پۆلیس هێرش دەکاتە سەر ناڕازیان
گرینگترین ته‌وه‌ری پشکنینی پاڵاوگه‌ی کرماشان نایاسایی بوونی ڕاده‌ست کردنیه‌تی
کاتی کار کردن لە ئیدارەکانی 5 شاری ئیلام دەگۆردرێت
30 هه‌زار خوێندکاری پولی یه‌که‌م له‌ کرماشان ناونووسی ده‌که‌ن
"منداڵانی به‌ڕوو" خەڵاتی‌ فێستیڤاڵی "مێدیا ڤیو"ی مه‌جارستانی مسۆگەر کرد
کوردەکانی سووریا لە ڕەقە ناچنە دەرێ
ڕۆڵی ئیمام شافیعی لە بەرەنگاربوونەوەی تەکفیری موسڵمانان ڕۆڵێکی کلیدییە
هەڕەشەی گرووپە تیرۆریستییەکان پووچەڵ‌کرایەوە/ هیچ جۆرە دەستدرێژییەک نەکرایە سەر بازگەکانی دەنگدان
ئیمکانات