سه‌رۆک کۆمار له‌ ڕێوڕه‌سمی به‌رزڕاگرتنی ڕۆژی ئه‌رته‌شی کۆماری ئیسلامی:
دراوسێکان بزانن هێزه‌ چه‌کداره‌کانمان پاسه‌وانی ئاشتی و ئه‌منییه‌تی ناوچه‌که‌ن
به‌شی ئێران- سه‌رۆک کۆماری ئێران، ئه‌ڤین، متمانه‌ و هه‌ست به‌ ئه‌رکی شه‌رعیی هێزه‌ چه‌کداره‌کان له‌ به‌رانبه‌ر فه‌رمانده‌ی گشتیی هێزه‌کان یه‌ک له‌و‌ تایبه‌تمه‌ندییه‌ مومتازانه‌ی هێزه‌ چه‌کداره‌کانی کۆماری ئیسلامی ده‌زانێ و جه‌ختی ده‌کاته‌وه‌: ئێمه‌ پیشانمان داوه‌ له‌ به‌رانبه‌ر ده‌ستدرێژیی ده‌ستدرێژیکه‌ران تا چ ڕاده‌یێک به‌ بڕشته‌وه‌ به‌ره‌ڤانیمان له‌ گه‌ل و وڵاته‌که‌مان کردووه‌.
به‌پێی هه‌واڵی کوردپرێس، به‌گێڕانه‌وه‌ له‌ ماڵپه‌ڕی سه‌رۆکایه‌تی کۆمار، حه‌سه‌ن ڕۆحانی ڕۆژی سێشه‌ممه‌ له‌ ڕێوڕه‌سمی ڕێزنان له‌ ڕۆژی ئه‌رته‌شی کۆماری ئیسلامیی ئێران پیرۆزبایی ئه‌م ڕۆژه‌ پیرۆزه‌ی له‌ سه‌رجه‌م فه‌رمانبه‌رانی ئه‌رته‌ش، ئه‌فسه‌ره‌کان، خاوه‌ن پله‌کانی ئه‌رته‌ش، بنه‌ماڵه‌ی به‌ڕێزیان هه‌روه‌هاش گیانبه‌ختکه‌رانی ئه‌رته‌ش، سوپا و هێزه‌ ئینتیزامییه‌کان و به‌تایبه‌ت فه‌رمانده‌ی باڵای گشتیی هێزه‌کان کرد و ڕایگه‌یاند: ڕۆژی ئه‌رته‌ش وه‌بیرهێنه‌ری فیداکاری و گیانبه‌ختکه‌ری شێره‌پیاوانی ئه‌رته‌شی کۆماری ئیسلامیی ئێرانه‌ له‌ ماوه‌ی 8 ساڵ به‌ره‌ڤانیی پیرۆز و پاسه‌وانیی سنووره‌کانی ئه‌م وڵاته‌.
ڕۆحانی درێژه‌ی پێدا؛ ئه‌رته‌شی کۆماری ئیسلامیی ئێران له‌ ماوه‌ی 8 ساڵ به‌ره‌ڤانیی پیرۆزدا ئه‌زموونی خۆی پێشکه‌ش کرد و ته‌نانه‌ت یه‌ک ئۆپه‌راسیۆنی سه‌رده‌می 8 ساڵ به‌ره‌ڤانیی پیرۆز نییه‌ که‌ فڕینی فڕۆکه‌کانی هێزی ئاسمانیی ئه‌رته‌شی کۆماری ئیسلامیی ئێران بۆ گه‌یاندنی چه‌ک و که‌ره‌سته‌ی سه‌ربازی بۆ ناوچه‌ دووره‌کانی تێیدا نه‌بێت.
دوکتۆر ڕۆحانی له‌ درێژه‌دا ڕێزی له‌ فیداکارییه‌کانی ئه‌رته‌شی کۆماری ئیسلامیی ئێران گرت و وتی: جێگای شانازییه‌ بۆ ئێمه‌ که‌ یه‌کێک له‌ ئامانجه‌ درێژخایه‌نه‌کانی ده‌وڵه‌تی یازده‌هه‌م تۆکمه‌کردنی توانای به‌ره‌ڤانیی کۆماری ئیسلامیی ئێران بووه‌. له‌و پێناوه‌شدا بودجه‌ی به‌ره‌ڤانی له‌چاو سه‌ره‌تای ده‌ستپێکی ده‌وڵه‌تی یازده‌هه‌مه‌وه‌ 145له‌سه‌دا گه‌شه‌ی به‌خۆ‌وه‌ دیوه‌.
سه‌رۆک کۆماری ئێران ئه‌وه‌شی ئاشکرا کرد: له‌ باری ئامێر و که‌ره‌سته‌ی ستراتێژیکی سه‌ربازییه‌وه‌ ده‌وڵه‌تی یازده‌هه‌م پێشکه‌وتنی به‌رچاوی بووه‌ و دراوسێکانی ئێران دڵنیا بن هێزه‌ چه‌کداره‌کانی کۆماری ئیسلامیی ئێران ده‌سه‌ڵاتێکی سه‌ره‌کیی ناوچه‌ی ڕۆژهه‌ڵاتی ناوه‌ڕاسته‌ و ئه‌وه‌ش بزانن ده‌سه‌ڵاتی ئێران ده‌سه‌ڵاتێکه‌ به‌ ڕه‌وتێکی به‌ره‌ڤانییه‌وه‌ نه‌ک هێرشبه‌ری.
ڕۆحانی زیادی کرد: هه‌ر کاتێک گه‌لی ئێران تووشی ڕه‌نج و چه‌رمه‌سه‌ری و کێشه‌ی سروشتی بووبن هێزه‌ چه‌کداره‌کانی پاڵپشتی خه‌ڵک بوونه‌ و پێوه‌ندی نێوان گه‌ل و هێزه‌ چه‌کداره‌کان تایبه‌تمه‌ندیێکی بێ وێنه‌ی هێزه‌ چه‌کداره‌کانی ئێرانه‌.
ناوبراو ته‌رکیزیش له‌سه‌ر فه‌رمانده‌یی ڕێبه‌ری باڵای شۆڕش به‌سه‌ر هێزه‌ چه‌کداره‌کاندا ده‌کات و ده‌ڵێت: دیارده‌ی فه‌رمانده‌یی فه‌رمانده‌ی گشتیی هێزه‌کان تایبه‌تمه‌ندیێکی بێ وێنه‌ی هێزه‌ چه‌کداره‌کانی ئێرانه‌ له‌چاو ئه‌رته‌شه‌کانی هه‌موو جیهان.  
سه‌رۆک کۆمار ئاماژه‌ی به‌وه‌ش دا که‌ هێزه‌ چه‌کداره‌کانی ئێمه‌ ڕاسپارده‌ و وه‌سێتی ئیمامی خوالێخۆشبوو و مکووڕیی ڕێبه‌ری باڵای شۆڕش له‌سه‌ر ئه‌وه‌ی که‌ پێویسته‌ هێزه‌ چه‌کداره‌کان خۆی له‌ کایه‌ی سیاسی بپارێزن، جێبه‌جێ ده‌کات.
دوکتۆر ڕۆحانی زیادی کرد: ئه‌ڵبه‌ت به‌ گوێره‌ی یاسا ئه‌رته‌ش و هێزه‌ چه‌کداره‌کان ده‌بێت له‌ سه‌رده‌می ئاشتیدا له‌ بواره‌ جۆربه‌جۆره‌کانی زانست و ڕاهێنان و ئاوه‌دانکارییدا چالاکییان هه‌بێت به‌ڵام له‌ هه‌مان کاتدا به‌ بۆنه‌ی ئه‌نجامی چالاکیی ئابوورییه‌وه‌ نابێ ئه‌رکی سه‌ره‌کیی خۆیان له‌بیر بکه‌ن.
سه‌رۆک کۆمار له‌ کۆتاییدا هیوای ئه‌وه‌ی خواست یه‌کێتیی نێوان هێزه‌ چه‌کداره‌کان بپارێزرێت و فه‌رمانه‌کانی ڕێبه‌ری باڵای شۆڕش له‌وباره‌وه‌ جێبه‌جێ بکرێت تاکوو له‌ هه‌موو شوێنێکی وڵاتدا هاووڵاتیان هه‌ست به‌ ئاسایش و ئه‌منییه‌ت بکه‌ن.
 
کۆدی هه‌واڵنێر: 60104

کۆدی بابه‌ت: 71827  |  به‌روار: ۱۳۹۶/۱/۲۹  |  کاتژمێر: 11 : 34

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
کاردانه‌وه‌ی تاران هه‌مبه‌ر‌ ڕاپۆرته‌که‌ی ئه‌مریکا دژ به‌ ئێران سه‌باره‌ت به‌ قاچاخی مرۆڤ
گرینگترین هەواڵەکانی رۆژی چوارشەممە 7/4/96 لە تورکیا
خه‌ڵکی سه‌رده‌شت پێویستیان به‌ خزمه‌تگوزاری هه‌یه‌ تاوه‌کوو هاوخه‌می ده‌ربڕین
ئیتاڵیا به‌نیازه‌ پێوه‌ندییه‌کانی له‌گه‌ڵ ئێران په‌ره‌پێبدات
زه‌ریف سه‌ردانی پاریس ده‌کات
پەیکەری ئەحمەدی خانی ڕووخێندرا
هەسەدە بە یەکجاری داعشی لە ناوەندی ڕەقە گەمارۆ دا
بۆ دەستپێکی ئۆپەراسیۆنی سەربازیی نوێ لە باکووری سووریا و کۆنتڕۆڵی مەنبەج و ڕەقە ئامادەین
کۆبوونەوەی نهێنیی نوێنەری تایبەتی سەرۆک کۆماری ئەمریکا لەگەڵ ئەندامانی ئەنجومەنی مەدەنیی رەقە
بەمزووانە بە کردەوە پاڵپشتیی خۆمان لە ڕێپێوانی داد نیشان دەدەین
هۆشداری ئێران هەمبەر بە هەڵوێستە نویێەکانی ئەمریکا هەمبەر بە سووریا
Di qezaya tirafîkê de 7 endamên malbatekê jiyana xwe ji dest da
QSD li Reqayê bi pêş ve diçe
مێژووی لێکۆڵینه‌وه‌کانی ئێدوارد براون له‌سه‌ر ئێران له‌ چاپ درا
په‌لاماری PKK بۆ سه‌ر نوێنه‌ری پارتی داد و گه‌شه‌ ناکام مایه‌وه‌
ئیمکانات