بۆچی کورده‌کان و تورکه‌کان ده‌نگیان به‌ گۆڕینی یاسای بنه‌ڕه‌تیی تورکیا دا؟/ حسێن مه‌عرووف پوور
به‌شی وتار- حسێن مه‌عرووف پوور ڕۆژنامه‌وان و کارناسی باڵای زانسته‌ سیاسییه‌کان له‌ یادداشتێکدا ده‌نگی ئه‌رێنی کورد و تورکه‌کانی دانیشتووی تورکیا بۆ گۆڕینی یاسا که‌ به‌ حه‌زی ئه‌ردۆغان بوو تاوتوێ ده‌کات.
کوردپرێس: ئه‌گه‌رچی گشتپرسییه‌که‌ی تورکیا به‌ ده‌نگێکی لاواز به‌ قازانجی ئه‌ردۆغان ته‌واو بوو به‌ڵام ئه‌و گشتپرسییه‌ له‌ ڕوانگه‌ی زانستییه‌وه‌ باسی پرسێکی قووڵی زانستی سیاسه‌ت ده‌کات که‌ ساڵگارێکه‌ زانایانی سیاسه‌تی به‌خۆوه‌ سه‌رقاڵ کردووه‌.
ئه‌مڕۆکه‌ چیدی سه‌رده‌می پرسیاری کلاسیکی ئه‌فلاتوون به‌ سه‌ر چووه‌ که‌ ده‌ڵێت چاکترین حکوومه‌ت کامه‌؟ ئێستاکه‌ پرسیارێکی ساده‌ و به‌ڵام له‌ خۆیدا دژوار مێشکی زانایانی زانسته‌ سیاسییه‌کانی ئاڵۆز کردووه‌:
چۆن ده‌کرێت له‌ نێوان ئازادی و ئه‌منییه‌تدا پێوه‌ندی دروست بکرێت به‌ شێوازێک که‌ هه‌م ئاسایشی هاووڵاتیان ده‌سته‌به‌ر بکرێت و هه‌م ئازادیش به‌رته‌سک نه‌کرێته‌وه‌؟
پێشه‌کی:
دیارده‌یێکی سه‌ده‌ی بیسته‌م سه‌رهه‌ڵدانی ده‌سه‌ڵاتی دیکتاتۆری له‌ ناو دڵی دیموکراسییه‌وه‌یه‌.
جیهان ئه‌مه‌ی زۆر به‌خۆوه‌ دیوه‌ که‌ خه‌ڵک له‌ سه‌ر سندۆقه‌کانی ده‌نگداندا ده‌نگ به‌ به‌رته‌سک کردنه‌وه‌ی دیموکراسی و ئازادیی خۆیان بده‌ن.
یه‌ک له‌و سه‌رسووڕهێنه‌رترین نموونانه‌ به‌ ده‌سه‌ڵات گه‌یشتنی ئادۆلڤ هیتله‌ر بوو. ئه‌و سیاسه‌تمه‌داره‌ی له‌ ناو جه‌رگه‌ی ڕه‌وتێکی به‌ ته‌واوه‌تی دیموکراتیکه‌وه‌ گه‌یشته‌ ده‌سه‌ڵات و پاشان هه‌موو توانای خۆی بۆ هه‌ڵپێچانی دیموکراسی به‌کار هێنا.
کۆمۆنیزمی ڕووس و فاشیزمی ئیتالیاش هه‌ردووک به‌پێی ئیراده‌ی میلله‌ت گه‌یشتنه‌ ده‌سه‌ڵات و نموونه‌ی له‌و چه‌شنه‌ زۆرن.
به‌ڵام ئه‌وه‌ی بۆته‌هۆی سه‌رسووڕمانی نوخبه‌ سیاسییه‌کانی جیهان سه‌باره‌ت به‌ ڕیفراندۆمی تورکیا گه‌ڕانه‌وه‌ی تورکه‌کانه‌ بۆ ئه‌زموونی فه‌شه‌لی سه‌ده‌ی ڕابردوو. لای هه‌موو جیهان وێنا نه‌ده‌کرا که‌ خه‌ڵک له‌ سه‌رده‌می پێوه‌ندیدا ده‌نگ به‌ به‌رته‌سک کردنه‌وه‌ی ئازادیی خۆیان بده‌ن.
ڕاستییه‌که‌ ئه‌وه‌یه‌ که‌ جگه‌ له‌ ئه‌مریکا که‌ سیسته‌می سه‌رۆکایه‌تییه‌که‌ی دیموکراتیکه‌ دیکه‌ی وڵاتان که‌ ڕواڵه‌تی حکوومه‌تی سه‌رۆکایه‌تیان هه‌یه‌ وڵاتانی دیکتاتۆر و ده‌سه‌ڵاتخوازن.
له‌و گۆڕانه‌دا که‌ به‌ حه‌زی ئه‌ردۆغان بوو ده‌سه‌ڵات له‌ هاووڵاتیان و په‌رله‌مان ده‌سه‌ندرێته‌وه‌ به‌ شێوازێکی کۆنتڕۆڵ نه‌کراو ڕاده‌ستی سه‌رۆک کۆمار ده‌کرێت. به‌م گۆڕانه‌ هه‌موو ده‌ره‌تانه‌کان ده‌که‌وێته‌ ده‌ست یه‌ک که‌س و چیدی جێگای ده‌سه‌ڵاتی چاودێری نابێته‌وه‌ به‌و شێوازه‌ی له‌ ئه‌مریکا هه‌یه‌ و ئه‌ردۆغان به‌ کرداری تا ساڵی 2029 له‌ ده‌سه‌ڵاتدا ده‌مێنێته‌وه‌.
خه‌ڵکی تورکیا بۆ گه‌یشتن به‌ ئه‌منییه‌ت له‌ مافی ئازادی خۆیان چاوپۆشی ده‌که‌ن
تورکیا له‌و چه‌ند ساڵه‌ی دواییدا که‌شێکی نائه‌منی و تیرۆری ئه‌زموون کردووه‌. یه‌ک له‌و دڵه‌ڕاوکێیانه‌ی هاووڵاتییانی تورکیا هه‌ڵمه‌تی تیرۆریستیی خۆکوژییه‌ که‌ ناو به‌ ناو ده‌یان کوژراوی لێده‌که‌وێته‌وه‌ و تورکیای کردۆته‌ وڵاتێکی نائه‌من. ئۆپه‌راسیۆنی سوپای تورکیا له‌ خاکی سووریادا ئه‌وه‌ ده‌سه‌لمێنێت که‌ تورکه‌کان له‌ په‌ره‌سه‌ندنی توندئاژۆیی له‌ سووریاوه‌ به‌ره‌و سنووره‌کانی تورکیا ده‌ترسن. باشوور و باشووری ڕۆژهه‌ڵاتی تورکیا ناوچه‌یێکی شه‌ڕ دێته‌ ئه‌ژمار و شه‌ڕێکی ڕانه‌گه‌یێندراو له‌ نێوان سوپای تورکیا و په‌که‌که‌دا حاکمه‌ که‌ وێرانی و خه‌ساری زۆری لێکه‌وتۆته‌وه‌.
پاش کووده‌تای بێ ئاکامی 9 مانگ له‌مه‌وپێش، ئه‌ردۆغان حاڵه‌تی نائاسایی له‌ سه‌رانسه‌ری تورکیادا ڕاگه‌یاند و دۆخی ئابووریی ئه‌و وڵاته‌ به‌ زۆری ته‌نه‌زۆلی کرد و به‌و حاڵه‌ته‌ نائاساییه‌ ده‌ره‌تانی هه‌ره‌زۆر که‌وته‌ به‌رده‌ست ده‌وڵه‌ته‌وه‌.
له‌لایێکی دیکه‌وه‌ تورکه‌کان دۆخی نائه‌من و توندئاژۆییه‌کانی پاش به‌هاری عه‌ره‌بی له‌ وڵاتانی میسر و یه‌مه‌ن و سووریا و...یان ده‌دی.
ئه‌ردۆغان 14 ساڵه‌ له‌ تورکیادا حکوومه‌ت ده‌کات و مه‌ترسی و هه‌ڕه‌شه‌ی ئه‌رته‌شی له‌سه‌ر حکوومه‌ته‌که‌ی لابرد و به‌م شێوازه‌ بووه‌ حاکم و ده‌سه‌ڵاتداری بێ به‌رهه‌ڵستی تورکیا.
ده‌نگی خه‌ڵکی تورکیا به‌ ڕیفراندۆمه‌که‌ی ئه‌مدواییه‌ ئه‌گه‌رچی ده‌نگێکی لاوازیش بووبێت به‌ مانای درێژه‌ی ده‌سه‌ڵات ئه‌ردۆغان نه‌بوو چوونکه‌ خه‌ڵکی تورکیا ڕاستییه‌که‌ی ئه‌ردۆغانیان قبووڵ کردووه‌. ڕاستییه‌که‌ش ئه‌وه‌یه‌ که‌ خه‌ڵکی تورکیا ده‌نگیان به‌ ئاسایش و ئه‌منییه‌ت داوه‌.
ده‌وڵه‌ت باخچه‌لی سه‌رۆکی پارتی ڕادیکاڵی بزووتنه‌وه‌ی نه‌ته‌وه‌یی تورکیا که‌ له‌ ڕیفراندۆمه‌که‌دا هاوپه‌یمانی ئه‌ردۆغان بوو له‌ ڕاگه‌یێندراوێکدا پاش سه‌رکه‌وتنی لاوازی ڕیفراندۆم به‌ ئاشکرا ڕایگه‌یاند: "خه‌ڵکی به‌ ڕێژه‌ی به‌شداریی زۆره‌وه‌ ده‌نگی خۆیان دایه‌ ئاسایش و ئه‌منییه‌تی ئه‌م وڵاته‌ و ئه‌مه‌ش سه‌رکه‌وتنێکی هه‌ره‌گه‌وره‌یه‌."
ڕه‌جه‌ب ته‌ییب ئه‌ردۆغان سه‌رۆک کۆماری تورکیاش پاساو بۆ پێویستیی ئه‌م گۆڕانه‌ ده‌هێنێته‌وه‌ و ده‌ڵێت: له‌پێناو چاره‌سه‌ریی کێشه‌ ئه‌منییه‌کانی تورکیا و به‌ مه‌به‌ستی پێشگرتن له‌ سه‌رهه‌ڵدانی ده‌وڵه‌تی ئیئتیلافی 9 مانگ پاش کووده‌تا ئه‌و گۆڕانه‌ زۆر پێویسته‌.
پێوه‌ندیی ئه‌منییه‌ت و ئازادی چییه‌؟
پێوه‌ندی نێوان مافی ئاسایش له‌لایێکه‌وه‌ و مافی ئازادی له‌لایێکی دیکه‌وه‌ زۆر دژوارتره‌ له‌وه‌ی له‌ یه‌ک ڕوانیندا ده‌بیندرێت.
پێوه‌ندیی ئازادی و ئه‌منییه‌ت به‌ سێ شێواز ده‌بیندرێت:
- ئه‌منییه‌ت له‌ سه‌رووی ئازادییه‌وه‌یه‌
له‌م شێوازه‌دا هه‌موو یاسا و ڕه‌فتاره‌کانی ده‌سه‌ڵات به‌ گوێره‌ی ئه‌وله‌وییه‌تی ئاسایش پێکدێن. له‌ سه‌رده‌می شه‌ڕ و قه‌یراندا ده‌سه‌ڵاتداران حکوومه‌تی نائاسایی ڕاده‌گه‌یێنن و به‌م چه‌شنه‌ له‌پێناو دابین‌کردنی ئه‌منییه‌تی کۆمه‌ڵگا، ئازادییه‌کانی به‌رته‌سک ده‌که‌نه‌وه‌ و پاش تێپه‌ڕاندنی شه‌ڕ و قه‌یران دۆخه‌که‌ ئاسایی ده‌که‌نه‌وه‌. له‌ ماده‌ی 79ی یاسای بنه‌ڕه‌تیی ئێراندا ئه‌و شته‌ پێشبینی کراوه‌ و ئاوا نووسراوه‌: "ڕاگه‌یاندنی دۆخی نائاسایی قه‌ده‌غه‌یه‌. له‌ حاڵه‌تی شه‌ڕ و دۆخی نائاسایی له‌و چه‌شنه‌دا ده‌وڵه‌ت مافی ئه‌وه‌ی هه‌یه‌ ئه‌گه‌ر مه‌جلیسی شۆرای ئیسلامی په‌سه‌ندی بکات به‌ شێوازی کاتی به‌رته‌سکیگه‌لێک که‌ پێویستن جێگیر بکات به‌ڵام به‌ هیچ شێوازێک ناکرێت بۆ زیاتر له‌ 30 ڕۆژ درێژه‌ی هه‌بێت."
- ئازادی له‌ سه‌رووی ئه‌منییه‌ته‌وه‌
ئه‌م ڕوانگه‌یه‌ پێیوایه‌ ئه‌گه‌ر کۆمه‌ڵگا ئازاد بێت پێش به‌ دیکتاتۆرێتی و نائاسایی بوونه‌وه‌ی کۆمه‌ڵگا ده‌گیردرێت و کۆمه‌ڵگای ئازاد ئاسایش و ئه‌منییه‌تی خۆی ته‌زمین ده‌کات. هه‌ندێک له‌ ڕۆشنبیرانی حه‌وزه‌ی کۆمه‌ڵایه‌تی و سیاسی ئازادیی له‌ سه‌رووی ئه‌منییه‌ته‌وه‌ ده‌زانن به‌و مانایه‌ که‌ ده‌کرێت بۆ سه‌رده‌مێک ئه‌منییه‌تێکی پایا و چالاک هه‌بێت که‌ شوناس و چییه‌تیی ئازادیش به‌ باشی بپارێزێت.
- پێوه‌ندیی ئازادی و ئه‌منییه‌ت
به‌پێی ئه‌م ڕوانگه‌یه‌ش ئازادی و ئه‌منییه‌ت پێوه‌ندیی دوو لایه‌نه‌یان هه‌یه‌ و لازم و مه‌لزوومی یه‌کن و هیچ کام له‌و دوو دیارده‌یه‌ ئه‌وله‌وییه‌تێکی به‌ سه‌ر ئه‌وی دیکه‌دا نییه‌ چوونکه‌ نه‌بوونی یه‌ک له‌و دوو دیارده‌یه‌ ده‌بێته‌هۆی بێ‌بایه‌خ بوونی ئه‌وی دیکه‌. پۆست پۆزه‌تیڤیسته‌کان ڕێژه‌ی هه‌بوونی ئازادی وه‌کوو پێوه‌رێک هه‌ڵده‌سه‌نگێنن بۆ ئه‌منییه‌ت و ده‌سته‌واژه‌ی ئه‌منییه‌تی مانابه‌خش به‌کار ده‌هێنن. به‌ ڕای ئه‌م بیرمه‌ندانه‌ ئه‌منییه‌ت کاتێک ده‌سته‌به‌ر ده‌بێت که‌ هه‌موو ئینسانێک به‌ ئازادی یاسا و ڕێساکانی ژیانی خۆی هه‌ڵبژێرێت و هه‌موو ئه‌و شته‌ی به‌ ته‌دبیر و بیر و ئه‌ندێشه‌ی خۆی بۆی ده‌گه‌ڕێت به‌ ده‌ستی بهێنێت. (نه‌ویدنیا:1389)
له‌ جیهانی سێهه‌مدا ئه‌منییه‌ت له‌ سه‌رووی ئازادییه‌وه‌ پێشنیار ده‌کرێت
هه‌ندێک له‌ بیرمه‌ندان و زانایانی سیاسی له‌ جیهانی سێهه‌مدا ئه‌منییه‌ت له‌ سه‌رووی ئازادییه‌وه‌ داده‌نێن. ئه‌و تیئۆریانه‌ی که‌ بوونه‌ته‌ پاساوێک بۆ ده‌سه‌ڵاتی دیکتاتۆرانه‌ تاکوو "ئه‌منییه‌ت و بژێوی ژیان له‌ سه‌رووی ئازادییه‌وه‌" وه‌کوو نوسخه‌یێکی ده‌رمان بۆ کۆمه‌ڵگا پێشنیار بکه‌ن.
ئاره‌ش نه‌راقی ڕۆشنبیری ئێرانی سه‌باره‌ت به‌ بیرمه‌ندانی ئه‌و ڕوانگه‌یه‌ ده‌ڵێت: به‌رجسته‌ترین نوێنه‌ری ئه‌و ڕوانگه‌یه‌ له‌ نێو بیرمه‌ندانی زانستی سیاسه‌تدا سامووئێل هانتینگتۆنه‌. ناوبراو سه‌باره‌ت به‌ وڵاتانی هه‌ژار یان ئه‌و وڵاتانه‌ی له‌ حاڵی گه‌شه‌دان له‌ بیرۆکه‌ی "ڕاوه‌دوونانی ئازادی" ناو ده‌بات. به‌ گوێره‌ی ئه‌و تیئۆرییه‌ له‌ وڵاتانی هه‌ژاردا به‌هره‌مه‌ندی له‌ که‌مینه‌کانی بژێوی ژیان تێچوویێکی ده‌بێت به‌ نرخی چاوپۆشی کردن له‌ ئازادی خۆیان. ته‌نانه‌ت تیئۆریی دادی جان ڕواڵزیش له‌سه‌ر ئه‌و بینایه‌یه‌ که‌ لانیکه‌م له‌ هه‌ندێک کاتدا به‌ مه‌به‌ستی گه‌شه‌ی ئابووری پێویسته‌ ئازادی قوربانی بکرێت. ئه‌و تیئۆرییه‌ش گرینگترین بنه‌مای پاساوی "دیکتاتۆره‌ موسلیحه‌کان" بووه‌. بۆ نموونه‌ جه‌هانگیر ئامووزگار نوێنه‌ری ئه‌و کاته‌ی ئێران له‌ بانکی جیهانی و ڕێکخراوی نێونه‌ته‌وه‌یی پاره‌دا به‌ نوێنه‌رایه‌تی له‌ پاشای ئێرانه‌وه‌ بانگه‌شه‌ی بۆ تیئۆری ئه‌وله‌وییه‌تی مافی ژیان به‌ سه‌ر ئازادی له‌ وڵاتانی جیهانی سێهه‌مدا ده‌کرد.
ده‌ره‌نجام:
خه‌ڵکی تورکیا له‌ ڕیفراندۆمه‌که‌ی تورکیا ده‌نگیان به‌ ئاسایش و ئه‌منییه‌ت و سه‌قامگیریی ئابووری دا. به‌ڵام ئه‌منییه‌ت ته‌نها پێش‌مه‌رجێکه‌ بۆ گه‌یشتن به‌ دیکه‌ی مافه‌کان. هه‌موو مافه‌کانی شارۆمه‌ندی له‌ به‌ستێنی ئه‌منییه‌تدا مانا ده‌گرێته‌خۆ به‌ڵام ئه‌وه‌ش به‌و مانایه‌ نییه‌ که‌ به‌ قازانجی ئه‌منییه‌ت چاوپۆشی له‌ مافه‌ ئه‌ساسییه‌کان بکرێت.
له‌ سه‌رده‌می شه‌ڕ و قه‌یراندا ده‌سه‌ڵاتداران دۆخی نائاسایی ڕاده‌گه‌یێنن و به‌و شێوازه‌ له‌پێناو دابین‌کردنی ئه‌منییه‌تی کۆمه‌ڵگادا ئازادییه‌کان به‌رته‌سک ده‌که‌نه‌و و پاش تێپه‌ڕاندنی شه‌ڕ و قه‌یران دۆخه‌که‌ ئاسایی ده‌که‌نه‌وه‌ و خه‌ڵکی تورکیا له‌ ڕیفراندۆمه‌که‌ی ئه‌و وڵاته‌دا ته‌نها ده‌نگیان به‌ درێژه‌ی دۆخی نائاسایی دا که‌ ده‌وڵه‌تی پاش کووده‌تا ڕایگه‌یاندبوو ئه‌و پڕۆسه‌یه‌ هێمای یاسایی به‌خۆوه‌ گرت.
له‌وانه‌یه‌ به‌ به‌رته‌سک‌کردنه‌وه‌ی ئازادی بکرێت ئه‌منییه‌تی گیانی و بژێوی ژیانی خه‌ڵک ته‌زمین بێت به‌ڵام ئه‌منییه‌ت ده‌سته‌واژه‌یێکی به‌ربڵاوه‌ که‌ ئازادی، به‌شداری له‌ سیاسه‌ت، لێپێچینه‌وه‌ له‌ به‌رپرسان و...ش ده‌گرێته‌وه‌.
 
وه‌رگێڕان له‌ فارسییه‌وه‌: سروور خدری
 
کۆدی هه‌واڵنێر: 60103

کۆدی بابه‌ت: 71821  |  به‌روار: ۱۳۹۶/۱/۲۹  |  کاتژمێر: 9 : 22

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دەنگی ئەرێنی بە جیاوازیی ١ ملیۆن و 250 هەزار دەنگ سەرکەوت/ ئەنجامی یەکلاکراوە تا ١١ رۆژی داهاتوو ڕادەگەیێندرێت
زۆرترین دەنگی "نا" و دەنگی "ئەرێ" لە کامە پارێزگاکانی تورکیا وەدەست هاتوون؟
زەریف پیرۆزبایی لە خەڵکی تورکیا کرد
هاوپەیمانیی ئەردۆغان و MHP شکستی هێنا/ دیسان کوردەکان ئەردۆغانیان سەرخست/ ئەردۆغان لە بری باخچەلی لە گەڵ کوردەکان ڕێک‌کەوێت
سەری ڕێز بۆ ئیرادەی گەلی تورکیا دادەنەوێنین/ حکوومەتی تورکیا بە کردەوە شکستی هێناوە
هەموو دەبێ ڕیز لە ئەنجامی گشتپرسی بگرن/ ئەدەبی نەتەوەپەرەستیی تورک لە تورکیادا شکستی هێناوە
یاسای بنەڕەتیی کوودەتای 1982 کۆتایی پێهات/ ڕیشەی تیرۆر لە تورکیا دەبێ وشک بکرێت
پارتی کۆماری گەلی تورکیا خوازیاری هەڵوەشاندنەوەی هەڵبژاردنەکان بوو
ڕای کارناسان سه‌باره‌ت به‌ ئاکامی ڕێفراندۆمه‌که‌ی تورکیا
ده‌نگه‌کانی ڕۆژهه‌ڵات و باشووری ڕۆژهه‌ڵاتی تورکیا زۆر گرینگ بوو/ له‌ باشووری ڕۆژهه‌ڵاتی تورکیا 10 بۆ 15 له‌سه‌د ده‌نگی زیاده‌مان بوو
گەل دەنگیان بە ئاسایش و ئەمنییەت دا/ دەوڵەتی تورکیا قۆناغێکی نوێ دەست پێ‌دەکات
CHP ناڕەزایەتی خۆی بە ئەنجامی ٦٠ لەسەدی سندووقەکان دەربڕی/ پارتی لایەنگری کوردەکان: دەستێوەردان لە دەنگەکاندا کراوە
ئەردۆغان پیرۆزبایی سەرکەوتنی گشتپرسییەکەی له پارته هاوپەیمانەکانی کرد
له 3 بۆ 4 له سەدی ئەنجامی دەنگەکانی ڕێفڕاندۆم تەزویری تێدا کراوه
هیوامان بە دەوڵەتی تورکیا نییە/ ئەردۆغان و گولەن جیاوازیان لای کوردەکان نییە
مەودای دەنگی "ئا" و "نا"ی گشتپرسیی تورکیا گەیشتە کەمتر لە یەک ملیۆن و 300 هەزار دەنگ
گشتپرسیی یاسای بنەڕەتی تورکیا کۆتایی پێ‌هات
لە کۆی 99.5 لە سەدی دەنگەکان: ئەرێ 51.33 و نا 48.68 لە سەد
بژاردنی دەنگەکان لە پارێزگا کوردنشینەکانی تورکیا
ئامادەبوونی رێبەرانی CHP و MHP و نوێنەرانی HDP لە پای سندووقەکانی دەنگدانی گشتپرسیی تورکیا
دەنگی نگەتیڤ بە ڕیفراندوم، دەتوانێت پرسی کورد لە تورکیا چارەسەر بکات
ئه‌ندامێکی پارتی دیموکراتیکی گه‌لان چاودێری به‌ڕێوه‌چوونی گشتپرسی له‌ زیندانی ئه‌دیرنه‌ ده‌بێت
گشتپرسیی یاسای بنه‌ڕه‌تیی تورکیا ده‌ستی‌پێکرد
تورکیا پاش ڕێفراندۆم چیدی وه‌کوو پێشوو نامێنێته‌وه‌/ هێنری جه‌ی.بارکی*
مۆدێلی ئەردۆغان بۆ یاسای بنەڕەتیی تورکیا مۆدێلی سەدام حسێن و حوسنی موبارەکە
که‌سانێک که‌ ئه‌ردۆغانیان خۆش ده‌وێت ده‌بێ به‌ گشتپرسی نا بڵێن/ ده‌سه‌ڵاتی تا ئه‌م ڕاده‌یه،‌ هه‌ر ئینسانێک سه‌رمه‌ست ده‌کات
هاووڵاتییانی ته‌با و ناته‌با هه‌ردووک بۆ ئێمه‌ جێگای ڕێزن
سەرکەوتنی گشتپرسیی تورکیا، پێشێل‌کردنی مافی مرۆڤ له‌م وڵاته‌ زیاد ده‌کاته‌وه‌
لە ئەگەری پەسەندکرانی گشتپرسیی تورکیا، کۆمپانیای ڕاپرسیی ئوورئاسیا هەڵدەوەشێنینەوه
هیواکان بۆ سەرکەوتنی گشتپرسیی یاسای بنەڕەتیی تورکیا کەمڕەنگ‌تر دەبێتەوە
دوایین هه‌واڵه‌کان
پێداگری لە زەرورەتی پەلەکردن لە دۆزینەوەی رێگەچارەی سیاسیی ئیدارەی ناوچە ئازادکراوەکانی عێراق
سەلاحەدین دەمیرتاش قسەی زۆرە بۆ وتن/ ئەو لە دادگەی داهاتووشیدا باس لە شتی گرینگ دەکات
ئەردۆغان پشتیوانی لە داعش و پێڕەوی لە سیاسەتی تیرۆری کوردەکانی هەرێم و سووریا دەکات
60 لە سەدی شاری تەبقا کەوتۆتە ژێر کۆنتڕۆڵی سوپای دیموکراتیکی سووریا
پەکەکە هۆکاری تەواو کێشەکانی شەنگالە
بڵاوبوونەوەی وێنەی سەربازانی ئەمریکایی لە پەنای هێزەکانی یەپەگە
یەکێک لە گرینگترین رێگاکان بۆ تۆکمەکردنی ئاسایش و پاراستنی وڵات، بەشداریی بەربڵاو لە هەڵبژاردنەکانە
بەربژێران بەڵێن بدەن کە پشتیوانی لە چینی کەمداهات و لاواز لە یەکەمایەتی دابنێن
3 هەزار و 974 کەسی دیکە له کارمەندانی دەوڵەتیی تورکیا لە سەر کار لابران
قاڵیباف هیچ بەرنامەیێکی بۆ کشانەوە بەقازانجی پاڵێواروەکانی دیکە نییە
رەئیسی، میرسەلم و ڕۆحانی لە کۆمیتەی چاودێری هەڵبژاردن سکاڵایان بەرز کردەوە
ئەگەری بەشداریی پاڵێوراوی کورد لە لیستی ڕیفۆرمخوازانی شۆرای شاری تاران
ڕەوتی بەرەنگاربوونەوەی جەماعەتی گولەن بە لاڕێدا چووە
گردبوونەوەی ناڕەزایەتیی دانیشتوانی "حەسەناوا"ی سنه له بەردەم شارەوانی
یاری کۆتایی کێبەرکێی گۆڵباڵی نابینایان بە میواندارێتیی بانە بەڕێوەچوو
ئیمکانات