پارتی کۆماری گەلی تورکیا خوازیاری هەڵوەشاندنەوەی هەڵبژاردنەکان بوو
بەشی تورکیا- پارتی کۆماری گەلی تورکیا بە شێوەی فەرمی خوازیاری هەڵوەشاندنەوەی هەڵبژاردنەکان بوو.
بە پێی هەواڵی کوردپرێس بە گێرانەوە لە هەواڵدەریی دۆغان ، بۆڵنت تزجان جێگری پارتی کۆماری گەلی تورکیا لە لێدوانێکدا بە داکۆکی لەوەی کە ئەنجومەنی باڵای هەڵبژاردنەکان دەبێ گشتپرسیی یاسای بنەڕیتیی تورکیا هەڵوەشێنێتەوە، ڕایگەیاند: تەنیا یەک رێگا بۆ کۆتایی هێنان بە پرس و گومان لە شەرعییەت و هێورکردنەوەی جەماوەری لە ئارادایە و ئەویش هەڵوەشاندنەوەی گشتپرسی لە لایەن ئەنجومەنی باڵای هەڵبژاردنە؛ باشترین کار هەڵوەشاندنەوەی هەڵبژاردنەکانە.
ناوبراو لە درێژەی لێدوانەکانیدا جەختی لەوە کردەوە کە لە کاتێکدا ئەنجومەنی باڵای هەڵبژاردنەکان دەبوو بەرگە مۆرنەکراوەکانی وەک دەنگی پووچ و رێگەپێ‌نەدراو دانابایە، ئەو بەرگانەشی قبووڵ کردووە. تزجان وێرای تۆمەتبارکردنی ئەنجومەنی باڵای هەڵبژاردنەکان بە دەستبردنی نایاسایی لە یاساکان، وتیشی: لە تەواو 165 هەزار سندووقی دەنگدان ئەو پێشێل‌کارییە ئەنجام دراوە. لەم هەڵبژاردنەدا "نا" سەرکەوت. هەر بۆیە لە ڕەوتی سیاسیی بەردەم لە ئیرادەی گەل لە سند‌ووقەکانی دەنگدان کە "نا"یە، پشتگری دەکەین.

کۆدی هه‌واڵنێر: 60106

کۆدی بابه‌ت: 71807  |  به‌روار: ۱۳۹۶/۱/۲۸  |  کاتژمێر: 22 : 58

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات