گەیشتنی هێزەکانی ڕووسی بە عەفرین بۆ چێکردنی بنکەی سەربازی
بەشی جیهان- وتەبێژی یەکینەکانی پاراستنی گەل (YPG) لە بریاری سوپای ڕووسیا بۆ چێکردنی بنکەیەکی سەربازی لە کانتۆنی کوردنشینی عەفرینی سووریا هەواڵی دا و ڕایگەیاند کە بۆ ئەو مەبەستە سوپای ڕووسیا هێز و جیهازاتی قورسی ڕەوانەی ناوچەکە کردووە.
بە پێی هەواڵی کوردپرێس، ریدۆر خەلیل، لە بەرپرسانی کوردی سووریا و وتەبێژی یەپەگە بە رۆیتێرزی ڕاگەیاند: ڕووسیا پاش ڕێککەوتن لە گەڵ یەکینەکانی پاراستنی گەل کە کۆنتڕۆڵی عەفرینی سووریای بە دەستەوەیە، خەریکی چێکردنی بنکەیەکی سەربازی لە باکووری رۆژهەڵاتی ئەو کانتۆنە کوردنشینە لە باکووری سووریایە. ئەو هەنگاوە بە مەبەستی بەرەنگاربوونەوەی تیرۆریزم دەکرێت.
ناوبراو وتیشی: ڕێککەوتن لە گەڵ ڕووسیا رۆژی ڕابردوو ئەنجام درا و هێزەکانی ڕووسیا بە ئۆتۆمبیلی زرێ‌پۆش و جیهازاتی قورس لە شوێنی دیاری‌کراو جێگرکراون.
بە وتەی ریدۆر خەلیل، هاوکاریی هێزەکانی کورد و سوپای ڕووسیا بە مەبەستی بەرەنگاربوونەوەی تیرۆریزم، ڕاهێنان و مەشقی سەربازیی هیزەکانی کورد و ئاشناکردنی ئەو هێزانە لە گەڵ چەکی مۆدێرن دەکرێت و ئەم ڕێککەوتنە بۆ جاری یەکەمە ئەنجام دەدرێت.
ئەو بنکە سەربازییە لە ناوچەی جەندریسی عەفرین چێدەکرێت؛ شوێنێک کە گەلێ‌جار بۆتە ئامانجی تۆپخانەکانی تورکیا.

کۆدی هه‌واڵنێر: 60106

کۆدی بابه‌ت: 70670  |  به‌روار: ۱۳۹۶/۱/۱  |  کاتژمێر: 4 : 48

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات