ئه‌ندامی کۆنسه‌ی ڕێبه‌رایه‌تیی په‌که‌که‌:
ده‌وڵه‌تی تورکیا دوژمنی کورد و نه‌ورۆزه‌/ نه‌ورۆز هی هه‌موو شیعه‌، ئێزدی، سوننه‌ و کورده‌کانه‌
به‌شی تورکیا- ئه‌ندامێکی کۆنسه‌ی ڕێبه‌رایه‌تیی په‌که‌که‌ ده‌ریبڕی: ده‌وڵه‌تی تورکیا هه‌میشه‌ دوژمنی کورد و جێژنی نه‌ورۆز بووه‌ و ویستوویه‌تی ئه‌م جێژنه‌ی کورده‌کانی تورکیا به‌ ئێجگاری بسڕێته‌وه‌.
به‌پێی هه‌واڵی کوردپرێس به‌ گێڕانه‌وه‌ له‌ هاوار نیوز، مسته‌فا کاراسۆ، ئه‌ندامی کۆنسه‌ی ڕێبه‌رایه‌تیی په‌که‌که‌ له‌ لێدوانێکدا ڕایگه‌یاند: ئه‌گه‌ر ئه‌وڕۆکه‌ ده‌توانین باس له‌ هه‌بوونی خۆمان و ڕاستییێک به‌ناوی کورد بکه‌ین، ده‌ره‌نجامی هه‌وڵ و تێکۆشان و خه‌باتی که‌سانێک وه‌کوو مه‌زڵووم دۆغانه‌.
ناوبراو له‌ درێژه‌دا ئاماژه‌ی کرده‌ سه‌ر جێژنی نه‌ورۆز و وتیشی: هه‌بوونی کورده‌کان له‌گه‌ڵ نه‌ورۆز لێک­ته‌نراوه‌ و ئه‌م ئاهه‌نگه‌ به‌ ڕاشکاوی باس له‌ ڕاستییه‌کانی کورد ده‌کات. کورده‌کان نه‌ورۆزیان گه‌یاندۆته‌ ئه‌م دۆخه‌ی ئێستای و به‌م شێوازه‌ تاکوو ئه‌وڕۆ خۆیان پاراستووه‌. دوژمنانی کوردستان هه‌رکات ویستوویانه‌ ئێمه‌ لاناو به‌رن له‌پێناو سه‌رکوتکردنی ڕێوڕه‌سمی نه‌ورۆزدا هه‌وڵیان داوه‌.
کاراسۆ ئاماژه‌ به‌ فشاره‌کانی ده‌وڵه‌تی تورکیا سه‌باره‌ت به‌ ڕێوڕه‌سمی نه‌ورۆز ده‌کات و ده‌ڵێت: ده‌وڵه‌تی تورکیا هه‌م دوژمنی کورده‌کانه‌ و هه‌م دوژمنی نه‌ورۆزه‌. له‌ ڕاستیدا له‌و ڕووه‌وه‌ که‌ دوژمنی کورده‌کانه‌ دژایه‌تی له‌گه‌ڵ نه‌ورۆزیشدا ده‌کات. ده‌وڵه‌تی تورکیا له‌ ڕێگای سیاسه‌تی سه‌ربازیی خۆیه‌وه‌ له‌ کوردستانی تورکیا و ئه‌و به‌ربه‌ستانه‌ی له‌ به‌رامبه‌ر ڕێوڕه‌سمی نه‌ورۆزدا درووستی ده‌کات ده‌یه‌وێت نه‌ورۆز وه‌کوو بایه‌خێک له‌ بایه‌خه‌کانی کورده‌کان بسڕێته‌وه‌. ناڤۆکی سه‌ره‌کیی بزووتنه‌وه‌ی عه‌بدوڵڵا ئۆجه‌لانیش له‌و ڕاستییه‌ تێگه‌یشتووه‌ و خه‌باتی خۆی به‌ مه‌به‌ستی پاراستن و زیندوو هێشتنه‌وه‌ی ئه‌و که‌لتووره‌ ده‌ست پێکرد. پاش 1976 ئاگری نه‌ورۆز له‌سه‌رجه‌م ناوچه‌کانی کوردستانی تورکیا هه‌ڵکرا و له‌ ئاکامدا کوردبوون، نیشتمان­په‌روه‌ری و گه‌ڕانه‌وه‌ بۆ بنه‌مای ڕه‌سه‌نایه‌تی سه‌رله‌نوێ بووژایه‌وه‌. هه‌ر به‌و بۆنه‌شه‌وه‌ ده‌بێت حه‌قیقه‌تی نه‌ورۆز له‌ خه‌باتی کورده‌کاندا ببینین و گرینگیی ئه‌و دیارده‌یه‌ له‌بیر نه‌که‌ین.
ئه‌ندامی کۆنسه‌ی به‌ڕێوه‌به‌رایه‌تیی په‌که‌که‌ زیادی ده‌کات: نه‌ورۆز ئیراده‌ی ژیانی ئازادی ئێزدییه‌کان، سوننه‌کان، عه‌له‌وییه‌کان، شیعه‌کان و سه‌رجه‌م جمگه‌ ئیتنیکی و ئایینییه‌کانی کورده‌. هاوکات ڕۆحی یه‌کگرتنی سه‌رجه‌م ئێزدییه‌کان، سوننه‌کان، شیعه‌کان، عه‌له‌وییه‌کان، مه‌سیحییه‌کان، موسوڵمانه‌کان و هه‌موو که‌سێکی دیکه‌یه‌.
 
کۆدی هه‌واڵنێر: 60103

کۆدی بابه‌ت: 70606  |  به‌روار: ۱۳۹۵/۱۲/۲۸  |  کاتژمێر: 13 : 31

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
له‌ ته‌قاندنه‌وه‌ی دوو بۆمبی ده‌ستکرد له‌لایه‌ن PKKه‌وه‌ دوو هێزی سوپای تورکیا بریندار بوون
کوردەکان بەرندەی گەمەی ئاڵوگۆڕی عێراق و سووریان
گۆڕان دوای نه‌وشیروان مسته‌فا/ هادی محه‌مه‌د‌ی‌فه‌ر
تیمی پینگ پۆنگی ئێران به‌ سه‌رڕاهێنه‌ری کوردستانی سه‌رکه‌وتنی گه‌وره‌ی وه‌ده‌ستهێنا
مردنی شوفێری موتورێک بە هۆی بەلارێدا چوون
ئەزموونەکانی هەڵبژادرن/ عەلی موتەهەری
وه‌ڵامی ئێران بۆ هه‌نارده‌کردنی نه‌وتی هه‌رێم به‌ بۆری له‌و وڵاته‌وه‌ ئیجابی بوو
تا ئێستا کۆمیته‌ى ئاماده‌کارى بۆ ئه‌نجامدانى ڕیفراندۆم پێکنه‌هێنراوه‌
شوێنی ئه‌و چه‌کانه‌ی ئه‌مریکا که‌ بۆ به‌غدا و کورده‌کان نێردراون دیار نییه‌
ڕووسیا و تورکیا گه‌مارۆوه‌ ئابووری و بازرگانییه‌کانی نێوانیان هه‌ڵده‌وه‌شێننه‌وه‌
لایه‌نه‌کان نوێنه‌ریان بۆ کۆمیته‌ی ڕیفراندۆم دیاری نه‌کردووه‌
ئەسید پژاندن بە دەموچاوی پاڵێوراوی شاری ورمێ رەت کرایەوە
دەوڵەتی رۆحانی پابەندی بەڵێنەکانی خۆی سەبارەت بە کوردستان ببێت/ رۆحانی باشترین بژادرە لە دوو هەڵبژاردنی رابرددوودا بووە
تانسۆ چیلله‌ر، سه‌رۆک‌وه‌زیرانی پێشووی تورکیا بانگهێشتی دادگا کرا
وشۆکارانی ئیلامی له‌ ڕکابه‌رییه‌کانی یه‌کده‌نگیی وڵاتانی ئیسلامی 2 میداڵیای زێڕیان وه‌ده‌ستهێنا
ئیمکانات