سێبه‌ری وه‌یشوومه‌ی شه‌ڕێکی‌تر به‌ سه‌ر شه‌نگاله‌وه‌/ تۆماس کاوالک
به‌شی وتار/ جیهان- 3ی مارچ نزیک به‌ ده‌ڤه‌ری خانه‌سۆر له‌ قه‌زای شه‌نگال پێکدادانێک له‌ نێوان هێزه‌کانی سه‌ر به‌ په‌که‌که‌ و پێشمه‌رگه‌ی ڕۆژئاوای پارتی دیموکراتی کوردستان ڕووی دا. ئه‌و ڕووداوه‌ زیاتر له‌ هه‌ر کاتێکی تر پێویستیی دانووستان و ڕێککه‌وتنی نێوان حکوومه‌تی هه‌رێمی کوردستان و په‌که‌که‌ و هه‌روه‌هاش نێوبژیڤانی داکۆکییانه‌ی کۆمه‌ڵگای جیهانی به‌رجسته‌ ده‌کاته‌وه‌.
کوردپرێس: ده‌مه‌وبه‌یانی ڕۆژی هه‌ینی 3ی مارچی 2017 پێکدادانێک له‌ نێوان هێزه‌کانی به‌رخۆدانی شه‌نگال سه‌ر به‌ په‌که‌که‌ و یه‌کینه‌کانی پێشمه‌رگه‌ی ڕۆژئاوای سه‌ر به‌ پارتی دیموکراتی کوردستان که‌ پێکهاتووه‌ له‌ کورده‌کانی سووریا ڕووی دا. پێشمه‌رگه‌ی ڕۆژئاوا به‌نیاز بوو بچێته‌ ده‌ڤه‌ری خانه‌سۆر هه‌ڵکه‌وتوو له‌ باکووری قه‌زای شه‌نگال. دوو گرووپه‌که‌ بۆ ماوه‌یێکی زۆر ته‌قه‌یان له‌ یه‌ک کرد و ئه‌و ته‌قه‌کردنه‌ش بووه‌هۆی کوژرانی حه‌وت که‌س و برینداربوونی ڕێژه‌یێکی‌تر له‌و هێزانه‌. پێکدادانه‌که‌ ڕۆژێک پاش ئه‌وه‌ ڕووی دا که‌ نزیک به‌ 500 پێشمه‌رگه‌ی ڕۆژئاوا له‌ سنۆنێ که‌ حکوومه‌تی هه‌رێمی کوردستان و په‌که‌که‌ به‌ شێوازی هاوبه‌ش ئیداره‌ی ده‌که‌ن جێگیر بوون. ئه‌وان هه‌وڵیان دا بڕۆنه‌ شاری خانه‌سۆر که‌ کۆنتڕۆڵی شاره‌که‌ به‌ ده‌ست په‌که‌که‌وه‌یه‌. به‌ گوێڕه‌ی ئه‌و فیلم و وێنانه‌ی له‌ پێکدادانه‌کان تۆمار کراوه‌ هه‌ردوو لایه‌ن پێش پێکدادانه‌که‌ سه‌نگه‌ریان گرتبوو. ئێستا که‌ دۆخه‌که‌ ئاشکرا نییه‌ دیاره‌ پارتی دیموکراتی کوردستان به‌ مه‌به‌ستی جێگیرکردنی هێزی سه‌ربازی خۆی له‌ خانه‌سۆر ده‌ستی داوه‌ته‌ ئه‌و چه‌شنه‌ ئاکاره‌. پێکدادانه‌کان هه‌مان ڕۆژ کۆتایی پێهات و دانووستانی نێوان فه‌رمانده‌کانی پێشمه‌رگه‌ی پارتی و په‌که‌که‌ له‌ شه‌نگال به‌ مه‌به‌ستی کۆنتڕۆڵی دۆخه‌که‌ ئه‌نجام بوو. ده‌گوترێت دوو لایه‌ن له‌سه‌ر ئاش به‌تال ڕێککه‌وتوون و چاوه‌ڕوان ده‌کرێت گفتوگۆکان درێژه‌ی پێبدرێت. ده‌ڤه‌ری شه‌نگال له‌ ئه‌گێستی 2014ه‌وه‌ پاش ئه‌وه‌ی پێشمه‌رگه‌ له‌ به‌رانبه‌ر داعشه‌وه‌ هه‌ڵهات و په‌که‌که‌ به‌ بێ ماتڵی به‌ مه‌به‌ستی یارمه‌تی گه‌یاندن به‌ خه‌ڵکی ئێزدی خۆی گه‌یانده‌ ناوچه‌که‌ به‌رده‌وام ناوچه‌ی جێناکۆکی نێوان په‌که‌که‌ و پارتی بووه‌. پاش ئه‌وه‌ی په‌که‌که‌ ده‌ستی دایه‌ دامه‌زراندنی پێکهاته‌ی سیاسی و حوکمی خۆی له‌ ناوچه‌که‌ و حاکمییه‌تی پارتی خسته‌ به‌ر پرسیاره‌وه‌ داکۆکییه‌کان بۆ جێگیرکردنی پێشمه‌رگه‌ی ڕۆژئاوا له‌ خانه‌سۆر که‌ له‌ ساڵی 2014ه‌وه‌ به‌ ته‌واوه‌تی له‌ ژێر کۆنتڕۆڵی په‌که‌که‌دایه‌ زیادی کرد.
پارتی، پێشمه‌رگه‌ی ڕۆژئاوا و پێوه‌ندیی سووریا به‌ بابه‌ته‌که‌وه‌
پێشمه‌رگه‌ی ڕۆژئاوا به‌شێک له‌ پێشمه‌رگه‌ی زێره‌ڤانییه‌ و هه‌ر به‌و بۆنه‌شه‌وه‌ له‌ وه‌زاره‌تی پێشمه‌رگه‌ و هه‌روه‌ها سه‌رۆکی حکوومه‌تی هه‌رێمی کوردستانه‌وه‌ فه‌رمان وه‌رده‌گرێت. ئه‌م هێزانه‌ له‌لایه‌ن پارتی و ئه‌مه‌ریکاوه‌ مه‌شقی سه‌ربازییان پێکراوه‌ و تورکیاش پشتیوانییان ده‌کات. هه‌روه‌ها که‌ گرووپی پاراستنی ئاشتی "پاکس" (pax for peace) نیشانی داوه‌ پێشمه‌رگه‌ی ڕۆژئاوا ساڵی 2016 له‌ ده‌ڤه‌ری باکووری قه‌زای شه‌نگال ئاماده‌ بووبوو و له‌ چه‌ندین جێگادا به‌ درێژایی سنووری سووریا جێگیر بووبوو. بوونی ئه‌و هێزانه‌ له‌و ناوچانه‌ به‌و هۆیه‌وه‌ که‌ زۆرینه‌یان له‌ ده‌ره‌وه‌ی ناوچه‌ی ژێر کۆنتڕۆڵی په‌که‌که‌ بوونه‌ کێشه‌یێکی ئه‌وتۆی دروست نه‌کرد. به‌ له‌به‌رچاوگرتنی ستراتژی فه‌رمانده‌ی پێشمه‌رگه‌ی ڕۆژئاوا ئه‌گه‌ری ئه‌وه‌ی که‌ بڕیاری چوونه‌ژووره‌وه‌ بۆ خانه‌سۆر ڕاسته‌وخۆ له‌لایه‌ن ڕێبه‌ره‌کانه‌وه‌ ده‌رکرابێت زۆر لاوازه‌.
پێشمه‌رگه‌ی ڕۆژئاوای سه‌ر به‌ پارتی دژ به‌ کورده‌کانی سووریا واتا ئه‌نجومه‌نی نیشتمانیی کوردی سووریا به‌ سه‌رکردایه‌تیی ئیبراهیم برۆ پێوه‌ندیی چاکیان له‌گه‌ڵ پارتی هه‌یه‌ و به‌م شێوازه‌ش هه‌ڵوێستی دژ به‌ په‌که‌که‌یان هه‌یه‌ له‌ سووریا. ژماره‌ی هێزه‌کانیان به‌ فه‌رمی له‌ نێوان 3 هه‌زار بۆ 7 هه‌زار ڕاگه‌یێندراوه‌. پارتی بنیاتنه‌ری هه‌وڵ بۆ ڕێککه‌وتنێک له‌سه‌ر دابه‌شکردنی ده‌سه‌ڵات له‌ نێوان ئه‌نجومه‌نی نیشتمانیی و خۆبه‌ڕێوه‌به‌ری ناوچه‌ کوردنشینه‌کانی سووریایه‌ که‌ به‌ ڕۆژئاوا ناوی لێده‌برێت (ڕێکه‌وتی جوونی 2012، دیسێمبێری 2013 و ئه‌کته‌وبری 2014) به‌ڵام هیچ له‌و ئیتیفاقانه‌ به‌ کرداری نه‌کران. له‌مدواییانه‌دا دانووستانێکی نوێ به‌ مه‌به‌ستی جێگیرکردنی پێشمه‌رگه‌ی ڕۆژئاوا له‌ سووریا ئه‌نجام درا. ئیبراهیم برۆ سه‌رۆکی ئه‌نجومه‌نی نیشتمانیی ئێستاکه‌ بۆ گفتوگۆ سه‌باره‌ت به‌و بابه‌ته‌ له‌ ئه‌مه‌ریکایه‌. پێشتر ده‌گوترا ئه‌مه‌ریکاش مه‌ترسی ئه‌وه‌ی هه‌یه‌ پێکدادانی نێوان هێزه‌کانی سه‌ر به‌ په‌که‌که‌ (که‌ خۆی له‌ سووریا پشتیوانیان لێده‌کات) و پێشمه‌رگه‌کانی ڕۆژئاوا ڕوو بدات. هه‌ر به‌و بۆنه‌شه‌وه‌ سه‌باره‌ت به‌ جێگیربوونی پێشمه‌رگه‌ی ڕۆژئاوا له‌ سووریا دڵنیا نییه‌. ڕۆژئاوا بێگومان دژی ئه‌و به‌رنامه‌یه‌یه‌ چوونکه‌ ده‌سه‌ڵاتی پاوانکراوی خۆی تووشی مه‌ترسی ده‌کات. له‌لایێکی دیکه‌وه‌ ئه‌مه‌ریکا مانگی دیسێمبێر ڕایگه‌یاند په‌که‌که‌ "نابێت هیچ ڕۆڵێکی له‌ شه‌نگالدا هه‌بێت" به‌ڵام هیچ ئاماژه‌یێکی به‌ گرووپه‌کانی سه‌ر به‌و پارته‌ نه‌کردبوو. سه‌ره‌ڕای ئه‌مه‌ش جێگیربوونی پێشمه‌رگه‌ی ڕۆژئاوا چه‌ند ڕۆژ پاش سه‌فه‌ری بارزانی سه‌رۆکی هه‌رێمی کوردستان بۆ تورکیا (26 و 27ی فێبریوێری) ڕووی دا. ئه‌نقه‌ره‌ پێشمه‌رگه‌ی ڕۆژئاوا به‌ هێزێکی سه‌ربازیی دۆستی خۆی ده‌زانێت و ده‌یکاته‌ ئامێرێکی به‌سوود بۆ که‌مکردنه‌وه‌ی ده‌سه‌ڵاتی په‌که‌که‌ له‌ باکووری سووریا.
ڕکابه‌ریی نێوان پارتی و په‌که‌که‌ تا ئێستا (له‌ ده‌یه‌ی 1990ه‌وه‌) به‌ بێ توندئاژۆیی بووه‌ و پێکدادانه‌کان له‌ خانه‌سۆر یه‌که‌مین ڕوودانی توندئاژۆیی نێوان دوو لایه‌ن دێته‌ ئه‌ژمار. ئه‌م ڕووداوانه‌ جارێکی‌تر زه‌رووره‌تی گه‌یشتن به‌ ڕێگه‌چارێکی سیاسی له‌ ڕێگای گفتوگۆی نێوان حکوومه‌تی هه‌رێمه‌وه‌ له‌گه‌ڵ په‌که‌که‌ له‌سه‌ر قه‌زای شه‌نگال به‌رجسته‌ ده‌کاته‌وه‌ چوونکه‌ سێبه‌ری پێکدادانێکی چه‌کدارانه‌ی دیکه‌ی پاش داعش به‌ سه‌ر خه‌ڵکی ئێزدیدا قورسایی ده‌کات. ئه‌و هاووڵاتییانه‌ی هه‌م پارتی دیموکراتی کوردستان و هه‌م په‌که‌که‌ش به‌ شێوازێک ئیدعا ده‌که‌ن که‌ ده‌یانپارێزن به‌ڵام ئه‌م ڕکابه‌رییه‌ به‌ زۆری په‌یوه‌ندی به‌ تورکیاوه‌ هه‌یه‌. پارتی ده‌یه‌وێت پاوانی ده‌سه‌ڵات له‌لایه‌ن په‌که‌که‌وه‌ له‌وێ تووشی مه‌ترسی بکات له‌ حاڵێکدا که‌ په‌که‌که‌ ده‌یه‌وێت تاکه‌ده‌سه‌ڵات بێت.
ئاماده‌بوونی په‌که‌که‌ له‌ شه‌نگال: ڕاستییێکی نوێ
په‌که‌که‌ سه‌ره‌تای ساڵی 2015 له‌ ناوچه‌ی ژێر کۆنتڕۆڵی خۆی له‌ شه‌نگال مۆدێلێکی حکوومه‌تی هاوشێوه‌ی ئه‌و حکوومه‌ته‌ی له‌ ڕۆژئاوا ده‌یبینین پێکهێنا. به‌و شێوازه‌ی که‌ نووسه‌ری ئه‌م وتاره‌ له‌ گفتوگۆکانی خۆیدا له‌گه‌ڵ خه‌ڵکی ئێزدی بۆی ده‌رکه‌وتووه‌ زۆرینه‌ی ئه‌و خه‌ڵکه‌ هه‌ست ده‌که‌ن حکوومه‌تی هه‌رێمی کوردستان داکۆکی بۆ پاراستنی ئه‌وان له‌ به‌رانبه‌ر وه‌حشیگه‌ری و توندئاژۆیی داعشدا نه‌کرد و خه‌یانه‌تی به‌وان کرد. له‌ ئاکامدا گه‌ڵاڵه‌ی خۆبه‌ڕێوه‌به‌ریی دیموکراتیکی په‌که‌که‌ بۆ ده‌ڤه‌ری شه‌نگال له‌و ناوچه‌یه‌دا ڕیشه‌ی کوتا. به‌ گوێره‌ی ئه‌و گه‌ڵاڵه‌یه‌ ئێزدییه‌کان خۆیان به‌ سه‌ر خۆیاندا حکوومه‌ت ده‌که‌ن و خۆیان ده‌پارێزن. په‌که‌که‌ به‌ تایبه‌تی له‌ به‌شه‌کانی ڕۆژئاوای ناوچه‌که‌دا پێکهاته‌یێکی حکوومه‌تی دامه‌زراندووه‌ که‌ له‌ ئه‌نجومه‌نی ناوچه‌ییه‌وه‌ بۆ "ده‌وڵه‌تی کانتۆنی" -که‌ له‌ ئه‌نجومه‌نی خۆبه‌ڕێوه‌به‌ریدا هێمای پیشان درا- خوار و ژوور ده‌کات. په‌که‌که‌ ته‌نانه‌ت که‌سانێکی بۆ هێزی ئه‌منییه‌تی ناوخۆ (ئاسایش) به‌کار هێناوه‌. بێگومان "شه‌نگال بۆ ئێزدییه‌کان" کاریگه‌رییێکی عاتیفی قووڵی به‌ سه‌ر زۆرینه‌ی هاووڵاتیانی ئێزدیدا بووه‌ و په‌که‌که‌ سه‌رکه‌وتووانه‌ له‌ جێگه‌ی به‌کارهێنانی گوشاری زۆر که‌ڵکی له‌ شێوازی کاریگه‌ریی بیر و عاتیفه‌ وه‌رگرتووه‌. به‌مه‌شه‌وه‌ ئایدیۆلۆژیای چه‌پی ڕادیکاڵی په‌که‌که‌ مومکینه‌ له‌ درێژخایێندا زیاتر له‌ پێش دژ به‌ کۆمه‌ڵگای موحافیزه‌کار و سوننه‌تخوازی ئێزدی بوه‌ستێته‌وه‌.
په‌که‌که‌ وزه‌یێکی زۆری بۆ پێکهێنانی پێکهاته‌ی خۆی له‌ شه‌نگال سه‌رف کردووه‌ و ئه‌گه‌ری ئه‌وه‌ی که‌ ئاماده‌ بێت بکشێته‌وه‌ زۆر زۆر لاوازه‌. سه‌ره‌ڕای ئه‌مه‌ش هه‌روه‌ها که‌ نووسه‌ری ئه‌م وتاره‌ له‌ وتووێژه‌کانیدا ئاگادار کراوه‌ته‌وه‌ په‌که‌که‌ ئاشکرا به‌ دوای دامه‌زراندنی بنکه‌یێکی دائیمییه‌ له‌ چیاکانی شه‌نگال که‌ بتوانێت وه‌کوو مه‌ته‌رێزێکی به‌رگریی باڵا به‌کاری بهێنێت.
پێشگرتن له‌ شه‌ڕ؟
زێکی شه‌نگالی فه‌رمانده‌ی په‌که‌که‌ی خه‌ڵکی شه‌نگال ئه‌و پێکدادانانه‌ به‌ براکوژی نازانێت به‌ڵکوو وه‌کوو شه‌ڕی خه‌یانه‌ت ناوی لێده‌بات. سه‌رکردایه‌تیی په‌که‌که‌ش پاش ئه‌وه‌ی ڕایگه‌یاند که‌ شه‌ڕه‌که‌ پاش سه‌فه‌ری بارزانی بۆ تورکیا ده‌ستی‌پێکردووه‌ و پێشمه‌رگه‌ی ڕۆژئاوا به‌ مووچه‌خۆری تورکیا ده‌ناسێنێت و سوێند ده‌خوات ئێزدییه‌کان له‌ به‌رانبه‌ر ئه‌و هێزانه‌وه‌ بپارێزێت. مومکینه‌ لایه‌نگرانی په‌که‌که‌ ئه‌و خوێندنه‌وه‌ و ته‌فسیره‌ قبووڵ بکه‌ن به‌ڵام زۆرینه‌ی خه‌ڵکی کورد و کۆمه‌ڵگای جیهانی به‌ دژواری قبووڵی ده‌که‌ن. وێده‌چێت پارتی سیاسه‌تی سه‌رۆک وه‌زیران نێچیرڤان بارزانی و داواکارییه‌کانی ناوبراو له‌ په‌که‌که‌ بۆ به‌جێهێشتنی ناوچه‌که‌ به‌ مه‌به‌ستی پێشگرتن له‌ پێکدادانی سه‌ربازی درێژه‌ پێبدات. وه‌زاره‌تی پێشمه‌رگه‌ی که‌ ئێستاکه‌ له‌ژێر کۆنتڕۆڵی پارتیدایه‌ ڕاگه‌یێندراوێکی هانده‌رانه‌ی ده‌رکرد و له‌و ڕاگه‌یێندراوه‌دا ئاماژه‌ به‌ شه‌نگال ده‌کات و ده‌ڵێت: پێشمه‌رگه‌ له‌ ناوخۆی هه‌رێمی کوردستان ده‌توانێت به‌ره‌و هه‌ر لایێک که‌ بیه‌وێت جووڵه‌ بکات یان جێگیر ببێت (هه‌ڵبه‌ت به‌ گوێره‌ی یاسای عێراق شه‌نگال به‌شێک له‌ هه‌رێمی کوردستان نییه‌). تاکوو ئێستا سه‌باره‌ت به‌و ڕووداوانه‌ی له‌ شه‌نگال ڕوویان داوه‌ هه‌ڵوێستێکی تایبه‌ت له‌لایه‌ن ده‌وڵه‌تی به‌غداوه‌ ڕانه‌گه‌یێندراوه‌. چ په‌که‌که‌ و چ پارتیش ئه‌گه‌ر شه‌ڕ هه‌ڵبگرسێنن مه‌ترسی ئه‌وه‌یان له‌به‌ردایه‌ که‌ لایه‌نگرانی خۆیان له‌ نێو خه‌ڵکی کورددا له‌ ده‌ست بده‌ن.
ڕاسپارده‌کان
سه‌ره‌ڕای ئه‌وه‌ی ڕکابه‌رییێکی توند له‌ نێوان پارتی و په‌که‌که‌دا هه‌یه‌ بۆ هه‌ردووک له‌و دوو لایه‌نه‌ دژواره‌ که‌ لای لایه‌نگرانیان پاساو بۆ شه‌ڕێکی ئاشکرا بهێننه‌وه‌. بێگومان داکۆکی کردن له‌سه‌ر ئه‌و هه‌ڵوێسته‌ نائاشتیانه‌ی گرتوویانه‌ته‌به‌ر چاکسازی به‌دواوه‌ نابێت.
پارتی ده‌بێت بوونی قبووڵکراوی په‌که‌که‌ و پشتیوانی خه‌ڵک له‌و پارته‌ و هه‌روه‌هاش ئه‌و ڕاستییه‌ی که‌ بوونی ئه‌و پارته‌ و پشتیوانی خه‌ڵکه‌که‌ له‌ ڕێگای به‌کارهێنانی زۆره‌وه‌ ته‌نها به‌ شه‌وێک له‌ناو ناچێت. هه‌ر به‌و بۆنه‌شه‌وه‌ په‌که‌که‌ش ده‌بێت ئاماده‌ بێت سازش له‌گه‌ڵ پارتی بکات. ده‌بێ ئیتیفاقێکی گشتگیر ڕوو بدات نه‌ک هه‌ر سه‌باره‌ت به‌ شه‌نگال به‌ڵکوو سه‌باره‌ت به‌ ڕۆژئاواش له‌و ئیتیفاقه‌دا ده‌بێت به‌رژه‌وه‌ندییه‌کانی هه‌ردوو لایه‌ن له‌به‌رچاو بگیردرێت. له‌به‌ر ئه‌وه‌ی متمانه‌ی پێویست له‌ نێوان دوو لایه‌ن نییه‌ و به‌رژه‌وه‌ندییه‌کانیشیان دژبه‌یه‌کن وێده‌چێت مه‌ترسیی له‌ده‌ستدانی پشتیوانییه‌کانی هاووڵاتییان ئه‌نگێزه‌ی پێویست ناداته‌ دوو لایه‌ن.
به‌ڵام ئه‌مه‌ریکا به‌ مه‌به‌ستی نێوبژیڤانی و گوشارخستنه‌ سه‌ر دوو لایه‌نه‌که‌ بۆ گه‌یشتن به‌ ئیتیفاقێکی له‌و چه‌شنه‌ پێگه‌یێکی بێ وێنه‌ی هه‌یه‌ چوونکه‌ هه‌م گرووپه‌کانی سه‌ر به‌ په‌که‌که‌ له‌ سووریا و هه‌م حکوومه‌تی هه‌رێمی کوردستانیش هاوپه‌یمانی سه‌ره‌کی ئه‌مه‌ریکان له‌ ناوچه‌که‌ له‌ شه‌ڕی دژ به‌ داعشدا. ئه‌مه‌ریکا ئێستاکه‌ش ده‌ستێوه‌ردان ده‌کات و په‌یامی خۆی ده‌گه‌یێنێته‌ هه‌ردوولا که‌ واشنتۆن خوازیاری پێکدادان نییه‌. ئه‌گه‌ر ئه‌مه‌ریکا بیه‌وێت هاوپه‌یمانانی خۆی له‌ ڕووی جیهاندا بۆ شه‌ڕ دژ به‌ داعش و سه‌قامگیریی کۆبکاته‌وه‌ و نه‌هێڵێت له‌سه‌ر شه‌ڕ له‌گه‌ڵ یه‌کدی ته‌رکیز بکه‌ن ده‌بێت هه‌وڵه‌کانی چڕ بکاته‌وه‌.
 
سه‌رچاوه‌: سه‌نته‌ری توێژینه‌وه‌ی ڕۆژهه‌ڵاتی ناڤین (MERI)
وه‌رگێڕان له‌ فارسییه‌وه‌: سروور خدری
 
کۆدی هه‌واڵنێر: 60103

کۆدی بابه‌ت: 70432  |  به‌روار: ۱۳۹۵/۱۲/۲۴  |  کاتژمێر: 15 : 10

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
جەهەپە و هەدەپە لە هەڵبژاردنەکانی ٢٠١٩ هاوپەیمان دەبن
ئێران بە پێچەوانەی تورکیا خۆدەبوێرێت لە هۆشداری جیدی دان بە هەرێمی کوردستان
دیداری سەردار باقری لە گەڵ سەرۆک کۆمار، وەزیری بەرگری و سەرۆکی میتی تورکیا
9 رۆژنامەنووسی تورک بە تۆمەتی هاوکاریی بزووتنەوەی گولەن زیندانی کران
ڕێوڕەسمی بەرزڕاگرتنی ساڵوەگەڕی ئازاد کردنەوەی شاری پاوه بەڕێوه چوو
پیلانی ئەمریکایی "سەربەخۆیی هەرێمی کوردستان" جێبەجێ نابێت
ئێران تاکه هێزێکه که بۆته هەڕەشه بۆ سەر بەرژەوەندییەکانی ئەمریکا لە رۆژهەڵاتی ناڤین
سەرەڕای گفتوگۆی شاندی کوردی لە بەغدا، ڕیفراندۆم لە کاتی خۆیدا بەڕێوەدەچێت
لە سەدا ٥٠ی زێڕی ئێران لە کوردستان بەرهەم دێت
ڕێککه‌وتننامه‌ی هاوکاریی گومرگی له‌گه‌ڵ تورکیا تازه‌ ناکه‌ینه‌وه‌
هه‌وڵ بۆ پێکهێنانی لیژنه‌یێکی دژ به‌ ڕیفراندۆم و ناردنیان بۆ به‌غدا
هۆشداری کارناسان له‌باره‌ی پاشهاته‌کانی به‌ڕێوه‌چوونی ڕیفراندۆم له‌سه‌ر په‌یوه‌ندییه‌کانی هەرێم و تورکیا
ڕوانگه‌ی هه‌رێمی کوردستان له‌باره‌ی سه‌ربه‌خۆییەوە خه‌سار له‌ سه‌قامگیریی هه‌موو ناوچه‌که‌ ده‌دات
500 هێزی بیانی ته‌ڤلی هێزه‌ کوردییه‌کانی سووریا بوون
بنه‌مای به‌رنامه‌ی من له‌م‌ وه‌زاره‌ته‌دا زانست و توێژینه‌وه ده‌بێت
ئیمکانات