چاوخشانێک به‌ سه‌ر‌ ژیانی ڕه‌سووڵ ڕه‌ش ئه‌حمه‌دی شاعیری به‌ناوبانگی مه‌هابادی
به‌شی ئازه‌ربایجانی ڕۆژئاوا- مامۆستا ڕه‌سووڵ ڕه‌ش ئه‌حمه‌دی نازناوی شیعریی "هه‌ڵوه‌دا" ڕۆژی دووشه‌ممه‌ 25ی ڕێبه‌ندان پاش ماوه‌یه‌ک زۆر نه‌خۆشین له‌ مه‌هاباد کۆچی دوایی کرد.
به‌پێی هه‌واڵی کوردپرێس؛ مامۆستا ڕه‌سووڵ ڕه‌ش ئه‌حمه‌دی ناسرا به‌ "هه‌ڵوه‌دا" هاوینی ساڵی 1332 له‌ گه‌ڕه‌کی ئه‌رمه‌نییه‌کانی شاری مه‌هاباد له‌دایکبووه‌. خوێندنی سه‌ره‌تایی خۆی له‌ قوتابخانه‌ی ڕه‌زا په‌هله‌وی له‌ مه‌هاباد تێپه‌ڕاندووه‌ و بڕوانامه‌ی دیپلۆمی له‌ قوتابخانه‌ی ناوه‌ندیی په‌هله‌ویی مه‌هاباد وه‌رگرتووه‌، پاشان وه‌کوو مامۆستای قوتابخانه‌ دوو ساڵ له‌ شاری خۆی و هه‌روه‌ها دوو ساڵیش له‌ قه‌ڵا هه‌زارانی مه‌ریوان وانه‌ی وتووه‌ته‌وه‌.
مامۆستا ڕه‌ش ئه‌حمه‌دی له‌ ئه‌نجامدا گه‌ڕاوه‌ته‌وه‌‌ مه‌هاباد و له‌ گونده‌کان و قوتابخانه‌کانی ئه‌و شاره‌ تا کاتی خانه‌نشینی وانه‌ی وتووه‌ته‌وه‌.
"هه‌ڵوه‌دا"ی مه‌هابادی به‌ شوێنکه‌وتوویی باوکییه‌وه‌ له‌ به‌یت و لاوک و حه‌یراندا ده‌ستێکی هه‌بووه‌ و له‌ سێزده‌ ساڵییه‌وه‌ ڕووی کردووه‌ته‌ هۆنینه‌وه‌ شیعر و ته‌نانه‌ت هه‌وڵیشی داوه‌ له‌ قاڵبی جۆربه‌جۆردا له‌وان شانۆنامه‌ و فیلمنامه‌ و چیرۆک خۆی تاقیبکاته‌وه‌.
ناوبراو له‌ خزمه‌ت مامۆستایانی ئه‌ده‌ب و وێژه‌ی کوردیدا خوێندوویه‌تی بۆ نموونه‌ مامۆستا هه‌ژار موکریانی، مامۆستا حه‌قیقی، مه‌لاغه‌فوور ده‌باغی و ...
مامۆستا ڕه‌ش ئه‌حمه‌دی له‌ شیعر و چیرۆکه‌کانیدا فه‌رهه‌نگ و ئه‌ده‌بی کوردی، پرس و کێشه‌کانی کۆمه‌ڵگای پیشان داوه‌ و هه‌ندێ جار هه‌وڵی داوه‌ به‌ زمانی گاڵته‌ و نوکته‌وه‌ ئه‌و پرسانه‌ی باس بکات.
ناوبراو ده‌ستێکی توانای له‌ گاڵته‌ و نوکته‌نووسیدا هه‌بووه‌ و هه‌ر به‌و بۆنه‌شه‌وه‌ له‌ ناوندی ده‌نگ و ڕه‌نگی مه‌هاباد له‌ بواری نووسینی شانۆ و چیرۆکدا چالاکی کردووه‌ و زۆرینه‌ی چیرۆکه‌کانیشی له‌ لایه‌ن هونه‌رمه‌ندانی مه‌هابادییه‌وه‌ نمایش دراون.
تا ئێستا هه‌شت کتێب، 100 شانۆ و چیرۆک و لێکۆڵینه‌وه‌ سه‌باره‌ت به‌ ئه‌ده‌ب و وێژه‌ی کوردی له‌م شاعیر و مامۆستا خانه‌نشین کراوه‌ مه‌هابادییه‌ که‌ پێنج ده‌یه‌ له‌ ته‌مه‌نی پڕبایه‌خی خۆی به‌ فه‌رهه‌نگ و ئه‌ده‌بی کوردییه‌وه‌ ته‌رخان کردووه‌ به‌جێماوه‌.
چوار کتێبی ناوبراو به‌ ناوه‌کانی "شارۆچکه‌ی شادی"، "خه‌زێنه‌ی بزه‌"، "شکۆی ئه‌وین" و "به‌رخۆله‌" تا ئێستا له‌چاپ دراون و 70 کتێبی دیکه‌ی له‌ نۆبه‌ی چاپ دایه‌.
کتێبی "شکۆی ئه‌وین" کۆمه‌ڵه‌ شیعری دوو به‌یتی "هه‌ڵوه‌دا"ی مه‌هابادییه‌ له‌ قه‌باره‌ی 186 لاپه‌ڕه‌دا که‌ مانگی خاکه‌لێوه‌ی ساڵی 94 له‌ لایه‌ن بڵاڤگه‌ی زانستی "کالج"ه‌وه‌ بڵاوکراوه‌ته‌وه‌ و ئه‌م کتێبه‌ بریتییه‌ له‌ دوو به‌ش که‌ به‌شی دووهه‌می کتێبه‌که‌ کۆمه‌ڵه‌ شیعرێکه‌ به‌ دوو زمانی کوردی و فارسی.
ڕه‌سووڵ ڕه‌ش ئه‌حمه‌دی پاش ماوه‌یه‌کی درێژ شه‌ڕ له‌گه‌ڵ نه‌خۆشین و شێرپه‌نجه‌ دووشه‌ممه‌ 25ی ڕێبه‌ندان کۆچی دوایی کرد و سه‌رله‌به‌یانی ڕۆژی سێشه‌ممه‌ 26ی ڕێبه‌ندان له‌ "مقبرة‌الشعرا"ی مه‌هاباد ئه‌سپه‌رده‌ کرا.
 
کۆدی هه‌واڵنێر: 60104

کۆدی بابه‌ت: 69090  |  به‌روار: ۱۳۹۵/۱۱/۲۶  |  کاتژمێر: 12 : 4

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ئامانج لە هەڵکردنی ئاڵای هەرێم لە کەرکووک ڕکابەریی نێوان حزبە کوردییەکانە
مەسعوود بارزانی لە سەر داوای تورکیا هەوڵی وەدەرنانی پەکەکە لە شەنگال دەدات
لە ئەگەری سەرهەڵدانی شەڕی ناوخۆیی لە هەرێمی کوردستان نیگەرانین
ئەمریکا لە مووسڵ لە دووی ئاژاوەگێڕییە/ داعش ئاکامی سێگۆشەی عێبری، عەرەبی و ڕۆژئاواییە
پێویستە پرسی ناوچە کێشە لەسەرەکان لە ڕێگای مادەی ١٤٠وە چارەسەر بکرێت
رێبەرانی کورد پێشوازی دەکەن لە دامەزرانی بنکەی سەربازیی ئەمریکی لە هەرێمی کوردستان
سەرۆکی پەرلەمانی کوردستان لە کۆوە زانیارییەکانی هاوپەیوەند بە شەڕی ناخۆیی بەدەست هێناوە؟
بەکارهێنانی هێمای یەپەگە لە لایەن ژینڕاڵەکانی ڕووسیا قبووڵ ناکەین/ ئاڵمانیا چەک دەداتە تیرۆریستان
پاش ئازادکردنی ڕەقە لێێ دەکشێینەوە/ لە پێناو بەرژەوەندییەکانمان هاوکاریی ئەمریکا و ڕووسیا دەکەین
بڵاوکردنەوەی رۆزنامەی دەیلی سەباحی تورکیا لە پەرلەمانی ئەورووپا قەدەغە کرا
ئەمریکا ڕاهێنانی بە زیاتر لە ١٨٠٠٠کەس لە هێزەکانی پێشمەرگە کردووە
ڕووداوەکانی ١٩٣٨ی درسیم دڕندانە بوو/ پارتەکەی قڵیچدار ئۆغلۆ ئەو کارەساتەی خولقاند
وردەکارییەکانی سەفەری دووهەمی ڕۆحانی بۆ کوردستان
کوردەکانی سووریا پێوەندی سیاسی و سەربازییان لەگەڵ ڕووسیا هەیە
بڵاوبوونەوەی وێنەی سەربازانی ڕووسیا لە گەڵ هێزەکانی یەپەگە
ئیمکانات