ئایا شوێنە بازرگانییەکانی کوردستان بێوەین؟ / یووسف نادری
بەشی کوردستان- یووسف نادری پسپۆڕی بێوەیی لە وەزارەتی کار لەم یادداشتەدا نەبوونی خاڵە بێوەییەکان لە شوێنە بازرگانییەکانی کوردستانی شی‌کردۆتەوە.
کوردپرێس- لە پیشەی بیناسازیدا بێوەیی (ئیمەنی) دواهەمین خاڵێکە کە ئاوڕی‌لێدەدرێتەوە. کوردستان یەکێکە لە جەمسەرەکانی بازرگانی لە ئێران کە سنە، بانە، سەقز و مەریوان لە لووتکەی ئەو پارێزگایەدان و هێند و قەبارەی مامەڵەکان لە شوێنە بازرگانییەکانیاندا بەرچاون. بەڵام زۆربەی شوێنە بازرگانییەکان و بازارەکانی کوردستان بێوەییەکی ئەوتۆیان نییە.
بەهۆی بێکەڵک مانەوەی زۆربەی کەرستەکانی بێوەیی و ئاگر کوژاندنەوە، خاوەن شوێن و دووکانەکان هەوڵ دەدەن هەر لایان‌بەرن یان خۆ بە ڕواڵەت دایاننێن و بەچاوی شتێکی پڕخەرجەوە دەیانبینن.
بە دڵنیاییەوە ڕووداەکەی پلاسکۆش وەکوو زۆرێکیتر ڕووداوی دڵتەزێنی جیهان لەبیر دەکرێت، کەواتە پێویستە وانەی لێ فێر ببین و سەبارەت بە خاڵەکانی بێوەیی هەستۆک ببینەوە. چوونکە ئەگەر لە شارەکانی ئێمەدا ڕووداوێک نییە مانای ئەوە نییە ئێمە هەموو شتمان بێوەیە و پێویستمان بە خاڵەکانی بێوەیی نییە!
بازارەکانی کوردستان زۆربەیان بەشێوەی نەگونجاو گەشەیان سەندووە و کەوتوونەتە لێواری پیادەڕۆ یان بوارگە باریکەکانەوە. واتە شارەکانمان زیاتر بەپێی سەلێقە گەشەیان سەندووە نەک لەسەر بنەمای زانستیی شوێنە بازرگانییەکان. کەواتە بەشێوەی ناڕێک‌وپێک و نابێوەی چێکراون.
ئەگەر چاوێک لە پێکهاتەی بازرگانیی شارەکان بخشێنین ئەوا بۆمان دەردەکەوێت زۆربەی دووکانەکان بۆ دەستپێوەگرتن و فەرهەنگێکی هەڵە و نادرووست بە کەرستەی ناستاندارد چێکراون و لە زۆربەی شارەکان دیواری دووکانێک میچ و کۆڵەکەی دووکانی دیکەشە و چوونکە وەک ئاڵقەکانی زنجیر دووکانەکان پێکەوە لکاون ئەگەر دووکانێک تووشی ئاگر بێت ئەوا هەموو دووکانەکان تووش دەکات.
لە دیکەی خاڵە نابێوەیەکانی بازاری کوردستان هەبوونی ئەسنافی موزاحم لەپەنای خانووبەرەی خەڵک و دیکەی دووکانەکان، لە پەراوێزی شارە. ژێر ماڵەکان دەکرێتە دووکان و کرێی دەدەنە پیشەگەلێک کە موزاحمی خەڵکن و ئەمەش بۆخۆی دەتوانێت کاتی ڕووداو دۆخەکە دژوارتر بکات.
لە خاڵە نابێوەی و مەترسیدارەکانی بازار و دووکانەکانی کوردستان نەبوونی ڕێگایێکە کە کاتی ڕووداو ئامێر و کەرستەی ئاگر کووژاندنەوەی پێبگات. لە هەندێک شاردا ساختومانە بازرگانییەکانیان لە شەقامە تەسکەکان چێکراون کە زۆریش درێژن و ئەگەر تووشی ڕووداوێک ببن ئەوا ئۆتۆمبێلی ئاگرکوژاندنەوەیان ناگاتێ.
هەندێک لە شوێنە بازرگانییەکانیش جۆرێک درووست کراون کە تێچووی زۆریان نەبێت و زۆربەیان پلیکانی هەڵاتنیان بۆ دانەنراوە و بە سیستەمی تەڕ و وشکی ئاگرکوژاندنەوە تەیار نەکراون.
ئەگەر بکرێت تەمەنی بەکەڵکی بینا و پێکهاتەکان بەراورد بکرێت و پاش ئەو ماوە دیاریکراوە خراپ بکرێن ڕەنگە باشتر بێت. دیارە شاری بێوەی تەنیا بە شارۆمەندی بەبیر و فەرهەنگی بێوەی چێ‌دەکرێت.

کۆدی بابه‌ت: 68846  |  به‌روار: ۱۳۹۵/۱۱/۲۱  |  کاتژمێر: 10 : 11

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
فێستیڤاڵی ناوچەیی کورتە فیلم لە کرماشان بەڕێوە دەچێت
ناوەندی فێرکاریی زمانی فارسی لە زانکۆی کوردستان کرایەوە
به‌ بیری‌ ئازادی تاقەتی کۆسپه‌ مادییەکان دەهێنم
کارادنەوەی وەزارەتی دەرەوەی ئێران بە گەمارۆ نوێیەکانی کۆنگریسی ئەمریکا
مۆگرینی ڕەخنەی لە دۆخی مافی مرۆڤی تورکیا گرت
کۆریدۆرە شیمانەییەکانی هەناردەی نەوتی سووریا لە لایەن کوردەکانەوە
داخوازیی کوردەکان لە ئەمریکا بۆ مانەوەی زیاتر لە سووریا
ئەمریکا لە شکستە بەردەوامەکانی بەرامبەر گەلی ئێران پەند وەربگرێت
ریفرادۆمی هەرێمی کوردستان دوا ناکەوێت
ئه‌گه‌ر کشتوکاڵی کرماشان بکرێته‌ ته‌کنیکی، ئابووری ڕۆژئاوای وڵات گه‌شه‌ ده‌سێنێت
هه‌نارده‌کردنی کاڵا له‌ پارێزگای کرماشان‌ به‌ره‌و عێراق 5 له‌سه‌د گه‌شه‌ی سه‌ندووه‌
PKK ئاماری هاوپێوه‌ند به‌ دوو ساڵ شه‌ڕ له‌گه‌ڵ حکوومه‌تی تورکیای بڵاو کرده‌وه‌
کوردپرێس چه‌ند هه‌ڵه‌ی ڕێنووسی کوردی ساغ ده‌کاته‌وه‌(2)/ مه‌نسوور ڕه‌حیمی
Berdevkê Dewleta Îranê: Em dev ji mafê xwe yê navneteweyî bernadin
فازی دووهه‌می کارخانه‌ی ئێران خۆردرۆی سه‌حنه‌ ده‌ست­پێده‌کات
ئیمکانات