به‌ دوای به‌رزبوونه‌وه‌ی نرخی نه‌وت؛
هه‌رێمی کوردستان 207 میلیۆن دۆلار قه‌رزی به‌ کۆمپانیای نه‌وتی به‌ریتانی- تورکی دایه‌وه‌
به‌شی جیهان- حکوومه‌تی هه‌رێمی کورستان 207 میلیۆن دۆلاری به‌ بۆنه‌ی مووچه‌ی کۆمپانیای نه‌وتی بیانیی جه‌نێل ئێنێرژی به‌و کۆمپانیایه‌یه‌ داوه‌ته‌وه‌.
به‌پێی هه‌واڵی کوردپرێس به‌ گێڕانه‌وه‌ له‌ ئینتێرنه‌شناڵ بیزنس تایمز، حکوومه‌تی هه‌رێمی کوردستان که‌ به‌ دوای قه‌یرانی ئابوورییه‌وه‌ نه‌یتوانیبوو قه‌رزی وه‌دواکه‌وتووی کۆمپانیا نه‌وتییه‌ بیانییه‌کان بداته‌وه‌ به‌ به‌رزبوونه‌وه‌ی نرخی نه‌وت بڕیاری داوه‌ که‌ قه‌رزی ئه‌م کۆمپانییانه‌ بداته‌وه‌ که‌ مه‌ترسیی چوونه‌ده‌ره‌وه‌یان له‌ هه‌رێمی کوردستاندا هه‌یه‌.
کۆمپانیای به‌ریتانی- تورکیی جه‌نێل ئێنێرژی ڕایگه‌یاند: حکوومه‌تی هه‌رێمی کوردستان به‌ بۆنه‌ی قه‌رزی وه‌دواکه‌وتووی خۆیه‌وه‌ به‌ کۆمپانیای جه‌نێل ئێنێرژی 207 میلیۆن دۆلاری به‌و کۆمپانیایه‌ داوه‌ته‌وه‌. له‌ ئێستادا ئه‌م کۆمپانیایه‌ ڕۆژانه‌ 53 هه‌زار به‌رمیل نه‌وتی خاو له‌ هه‌رێمی کوردستاندا ده‌ر‌ده‌هێنێت که‌ به‌شێکی زۆر له‌و نه‌وته‌ له‌ ڕێگای تورکیاوه‌ بۆ بازاڕه‌ جیهانییه‌کان هه‌نارده‌ ده‌کرێت.
مورات ئۆزگۆل، به‌ڕێوه‌به‌ری گشتیی کۆمپانیای جه‌نێل ئێنێرژی به‌ ئینته‌رنه‌شناڵ بیزنس تایمزی ڕاگه‌یاندووه‌: له‌ ساڵی 2016دا هه‌نگاوێکی ئیجابی بۆ فرۆشتنی نه‌وتی هه‌رێمی کوردستان هه‌ڵگیراوه‌. ئێمه‌ له‌ هه‌رێمی کوردستان 207 میلیۆن دۆلارمان وه‌رگرتووه‌ که‌ ئه‌و به‌ستێنه‌ بۆ ئێمه‌ ده‌ڕه‌خسێنێت که‌ به‌رنامه‌کانی وه‌به‌رهێنانی نه‌وت له‌ کێڵگه‌کانی ته‌ق ته‌ق و تاوکه‌ درێژه‌ پێبده‌ین.
ناوبراو زیادی کرد: حکوومه‌تی هه‌رێمی کوردستان ئه‌و دڵنیاییه‌ی به‌ ئێمه‌ داوه‌ که‌ پێدانی مووچه‌کان درێژه‌ی ده‌بێت و ئه‌م کاره‌ به‌ستێنی به‌دواداچوونی به‌رنامه‌کانی ئه‌م کۆمپانیا له‌ ساڵی 2017دا ده‌ڕه‌خسێنێت.
ئه‌م کۆمپانیایه‌ پێشبینی کردووه‌ که‌ له‌ ساڵی 2017دا ڕۆژانه‌ له‌ نێوان 35 تا 43 هه‌زار به‌رمیل نه‌وت له‌ هه‌رێمی کوردستان به‌رهه‌م ده‌هێندرێت.
ڕۆژی ڕابردوو حکوومه‌تی هه‌رێمی کوردستان 15 میلیۆن دۆلار له‌ قه‌رزی خۆی به‌ کۆمپانیای گۆلف کی ستۆن و 54 میلیۆن دۆلار به‌ کۆمپانیای دی ئێن ئۆ به‌ بۆنه‌ی مووچه‌یانه‌وه‌ داوه‌ته‌وه‌.

کۆدی بابه‌ت: 68050  |  به‌روار: ۱۳۹۵/۱۱/۵  |  کاتژمێر: 14 : 4

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
بڵاوبوونەوەی وێنەی سەربازانی ڕووسیا لە گەڵ هێزەکانی یەپەگە
ژێنێڤی ٥ چالاکییەکانی دەست پێ‌کرد/ دیمستۆرا ئەوڕۆ لە ئەنقەرەوە دەگاتەوە ژێنێڤ
هیوای سەربەخۆیی کورد و کێشه له سەر ناوچه نەوتییەکان
سیاسەتەکانی تورکیا لە ڕۆژهەڵاتی ناڤین شکستی هێناوە
ڕکابەریی شاراوەی پارتی و یەکێتی بۆ زاڵبوون بەسەر ناوچە کێشە لەسەرەکان
هەڵکردنی ئاڵای کوردستان لە کەرکووک مافی ڕەوای کوردە
سەربازانی ئەمریکایی رێگای ویشکایی ڕەقە – حەلەب‌یان کۆنتڕۆڵ کرد
بۆردومانکرانی ناوچەی عەفرین لە لایەن تۆپخانەی سوپای تورکیاوە
ئەنجومەنی ناوەندی یەکێتی نیشتمانی کۆدەبێتەوە
تورکیا گەمارۆ دراوه / پەیەده به پشتیوانیی وڵاتانی ڕۆژئاوا به هیوای دەوڵەتی کوردستانه
پێداگریی پنتاگۆن بۆ‌ مانه‌وه‌ی‌ هه‌میشه‌یی هێزه‌کانیان له‌ عێراق
تورکیا و UN بۆیان نییە دەست لە کاروباری ناوخۆیی کەرکووک وەردەن
هۆشداری نوێنەری بۆکان بە کەناڵی دووی ئێران بە ئاکام گەیشت/ پەخشی بەرنامەکە ڕاگیرا
هەڵکردنی ئاڵای کوردستان لە کەرکووک پێوەندی بە تورکیاوە نییە
عەبادی ستایشی ڕۆڵی پێشمەرگەی کرد
ئیمکانات