ڕوونکردنه‌وه‌کانی ساڵح موسلیم له‌باره‌ی داهاتووی ناوچه‌ کوردنشینه‌کانی سووریا، هێزه‌کانی YPG و چاره‌نووسی به‌شار ئه‌سه‌د
به‌شی جیهان- ڕێبه‌ری پارتی یه‌کێتی دیموکراتیکی کوردستانی سووریا له‌سه‌ر دامه‌زراندنی سیسته‌می فیدڕاڵ دیموکراتیک له‌ سه‌رانسه‌ری سووریا و په‌یوه‌ست بوونی یه‌کینه‌کانی پاراستنی گه‌ل به‌ سیسته‌می به‌رگری فیدڕاڵی دیموکراتیکی سووریا جه‌خت ده‌کات. ناوبراو پێیوایه‌ خه‌ڵک و نوێنه‌رانی ڕاسته‌قینه‌ی ئه‌وان ده‌بێ پاش شه‌ڕ له‌باره‌ی چاره‌نووسی به‌شار ئه‌سه‌د سه‌رۆک کۆماری ئێستای سووریا بڕیار بده‌ن.
کوردپرێس: له‌ ئێستادا ساڵح موسلیم هاوسه‌رۆکی پارتی یه‌کێتی دیموکراتیک یان هه‌مان‌ په‌یه‌ده‌یه‌. په‌یه‌ده‌ یه‌کێک له‌ ئه‌کته‌رانی گرینگ له‌ سووریایه‌ که‌ هۆکاره‌ سه‌ره‌کییه‌که‌ی ده‌کرێ به‌ کۆنتڕۆڵی ئه‌م پارته‌ له‌سه‌ر کاریگه‌رترین گرووپی میلیشیایی کوردی سووریا واتا یه‌په‌گه‌/ یه‌په‌ژه‌، پشتیوانی به‌رفراوانی خه‌ڵک له‌م ڕێکخراوه‌یه‌ و ڕێکخستنی کاریگه‌ری ئه‌و پارته‌ بزانرێت. ساڵح موسلیم له‌ گفتوگۆ له‌گه‌ڵ مانش ڕای، سه‌رنووسه‌ری ویوزارواند ((VA)ViewsAround ) له‌ ڕۆڵی پارته‌که‌ی له‌ سووریای پاش شه‌ڕ قسه‌ی کردووه‌.
مانش ڕای: پاش کۆتایی هاتنی شه‌ڕ په‌یوه‌ندی کورده‌کان له‌گه‌ڵ ده‌وڵه‌تی دیمه‌شق چۆن ده‌بێت؟
ساڵح موسلیم: به‌ بۆچوونی ئێمه‌ سووریا پاش ته‌واوبوونی ئه‌م کاولی و کوشتوبڕانه‌ بۆ سه‌رده‌می دیکتاتۆرییه‌ت ناگه‌ڕێته‌وه‌. که‌واته‌ ده‌بێ سووریایه‌کی نوێ له‌گه‌ڵ په‌یوه‌ندییه‌کی نوێ له‌ نێوان گرووپه‌ کۆمه‌ڵایه‌تی و ئیتنیکییه‌کان دروست بکرێت. له‌ ناوه‌ڕاستی ساڵی 2012 ئێمه‌ له‌ ڕۆژئاوادا (ناوچه‌ کوردنشینه‌کانی سووریا) توانیمان که‌ خۆمان له‌ ده‌ستی حکوومه‌ت ڕزگار بکه‌ین و خۆبه‌ڕێوه‌به‌ری دیموکراتیکی خۆمان پێکبێنین. ئێمه‌ به‌ په‌ره‌پێدانی ناوچه‌ ئازادکراوه‌کان پڕۆژه‌ی فیدڕاڵیزمی دیموکراتیکمان بۆ داهاتووی سووریا پێشنیار کرد. ئه‌م پڕۆژه‌ له‌سه‌ر بنه‌مای جوگرافیا و نه‌ک که‌مینه‌ دانراوه‌. له‌ تێکڕای ناوچه‌ ئازادکراوه‌کانی سووریا سه‌رجه‌م گرووپه‌ کۆمه‌ڵایه‌تی و ئیتنیکییه‌کان کۆنگره‌یه‌کی به‌ڕێوه‌برد و "ناوچه‌ی فیدڕاڵی دیموکراتیکی باکووری سووریا"یان ڕاگه‌یاند. "ناوچه‌ی فیدڕاڵی دیموکراتیکی باکووری سووریا" تا ئه‌و کاته‌ی که‌ ڕێگه‌چاره‌یه‌کی سیاسی بۆ سووریا بدۆزرێته‌وه‌، به‌ڕێوه‌بردنی کاروباره‌که‌ی له‌ ئه‌ستۆی خۆیدا ده‌بێت. په‌یوه‌ندی له‌گه‌ڵ دیمه‌شق و دیکه‌ی سووریا به‌پێی ئه‌م ڕاستییه‌ نوێیه‌ ئاشکرا ده‌کرێت.
مانش ڕای: ڕۆڵی په‌یه‌ده‌ له‌ سووریای پاش شه‌ڕ چۆن ده‌بێت؟
ساڵح موسلیم: په‌یه‌ده‌ تا پێش له‌ سه‌ربه‌زێوی له‌ سووریادا پارتێکی سیاسی قه‌ده‌غه‌کراو بوو. په‌یه‌ده‌ پاش شۆڕش له‌ ڕۆژئاوا و باکووری سووریا ڕۆڵێکی زۆر گرینگی وه‌ئه‌ستۆدا بوو. خۆبه‌ڕێوه‌به‌ری دیموکراتیک یاسایه‌کی ده‌رکرد (یاسای پارته‌ سیاسییه‌کان) که‌ چۆنیه‌تی کار و چالاکی پارته‌ سیاسییه‌کان ئاشکرا ده‌کات و پارتی ئێمه‌ له‌و کاته‌ به‌ره‌ودوا له‌ پاڵ دیکه‌ی پارته‌ سیاسییه‌کان مۆڵه‌تی چالاکی له‌ ڕۆژئاوا و باکووری سووریای وه‌ده‌ست هێنا. په‌یه‌ده‌ پاش شه‌ڕ هاوشێوه‌ی هه‌ر پارتێکی سیاسی دیکه‌ له‌ وڵاتێکی دیموکراتیک به‌پێی بارودۆخی گرێبه‌ستی کۆمه‌ڵایه‌تی و ئه‌و یاسا و ڕێسایانه‌ که‌ مومکینه‌ په‌سه‌ند بکرێت، به‌ چالاکییه‌ سیاسییه‌کانی خۆی له‌ چوارچێوه‌ی سووریایه‌کی فیدڕاڵی دیموکراتیک درێژه‌ ده‌دات.
مانش ڕای: به‌ بۆچوونی ئێوه‌ بارودۆخی یاسایی ڕۆژئاوا (ناوچه‌ی کوردنشینی سووریا) له‌ داهاتوودا چۆن ده‌بێت؟ بۆ وێنه‌ ناوچه‌یه‌کی خۆبه‌ڕێوه‌به‌ر، فیدراسیۆن یان وڵاتێکی سه‌ربه‌خۆ ده‌بێت؟
ساڵح موسلیم: چه‌ند ڕۆژ پێش ئێستا ناوچه‌ی فیدڕاڵی دیموکراتیکی باکووری سووریا له‌ چوارچێوه‌ی پڕۆژه‌ی سووریای فیدڕاڵی دیموکراتیک ڕاگه‌یێندرا. ڕۆژئاوا به‌شێک له‌م پڕۆژه‌ فیدڕاڵه‌ و به‌ واتایه‌کی دیکه‌ له‌ پاڵ ناوچه‌ ئازادکراوه‌کانی دیکه‌ به‌شێک له‌ ناوچه‌ی فیدڕاڵی دیموکراتیکی باکووری سووریایه‌. به‌ واتایه‌کی دیکه‌ سێ کانتۆنی ڕۆژئاوا به‌شێک له‌ ناوچه‌ی فیدڕاڵ ده‌بێت.
مانش ڕای: به‌ بۆچوونی ئێوه‌ دوکتۆر به‌شار ئه‌سه‌د ده‌توانێت وه‌کوو سه‌رۆک کۆمار بمێنێته‌وه‌ یان هه‌ر ڕێککه‌وتنێکی ئاشتی ده‌بێ ده‌سته‌به‌رکه‌ری کشانه‌وه‌ی ناوبراو له‌ ده‌سه‌ڵات بێت؟
ساڵح موسلیم: پێگه‌ی ئه‌سه‌د سه‌رۆک کۆماری سووریا له‌ داهاتوودا به‌ ڕێگه‌چاره‌ی سیاسی و ده‌ره‌نجامه‌کانی به‌ستراوه‌. هه‌ندێ له‌ گرووپه‌ به‌رهه‌ڵستکاره‌کان وازهێنانی ناوبراو له‌ ده‌سه‌ڵات به‌ پێش مه‌رج داده‌نن به‌ڵام ژماره‌یه‌کی دیکه‌ له‌ گرووپه‌ به‌رهه‌ڵستکاره‌کان ده‌یانه‌وێت که‌ ناوبراو له‌ ماوه‌ی ده‌ستپێکردنی سه‌رده‌می تێپه‌ڕین واز له‌ ده‌سه‌ڵات بێنێت و دیترانیش خوازیاری مانه‌وه‌ی ناوبراو له‌ ده‌سه‌ڵاتن به‌ڵام بۆ ئێمه‌ گرینگه‌ که‌ خه‌ڵکی سووریا و نوێنه‌رانی ڕاسته‌قینه‌ی ئه‌وان ده‌بێ له‌مباره‌وه‌ بڕیار بده‌ن. ئه‌گه‌ر وازهێنان له‌ ده‌سه‌ڵات یارمه‌تی به‌ ڕێگه‌چاره‌ی سیاسی بدات و ئاشتی و پاوه‌جێی گونجاو وه‌دی بێنێت، له‌م ئه‌گه‌ره‌ ئاشکرایه‌ که‌ ناوبراو ده‌بێ واز له‌ ده‌سه‌ڵات بهێنێت.
مانش ڕای: به‌ بۆچوونی ئێوه‌ پاش ته‌واوبوونی شه‌ڕ دوو زلهێزی جیهان واتا ئه‌مه‌ریکا و ڕووسیا هێشتاکه‌ له‌ ئارمانجه‌کانی کورد پشتیوانی ده‌که‌ن یان نا؟
ساڵح موسلیم: کورده‌کان له‌ ڕۆژئاوادا پێش له‌ سه‌ربزێوییه‌کانی سووریاش پڕۆژه‌ی خۆیانیان بوو به‌ڵام حکوومه‌تی سووریا بۆ ڕێگری له‌ گه‌یشتنی کورده‌کان به‌ ئامانجه‌کانیان، شێوازی دیکتاتۆرانه‌ و سه‌رکوتکارانه‌ی به‌ چه‌ندین جۆره‌وه‌ به‌کار هێنا. سه‌ربزێوییه‌کانی سووریا بۆ کورده‌کان ده‌رفه‌تێک بۆ ڕیزبه‌ندی دووباره‌ و ڕێکخستن و به‌ره‌وپێشبردنی پڕۆژه‌کانیان بوو. لایه‌نی به‌رگریش له‌م پڕۆژه‌یه‌دا بوو که‌ له‌ چوارچێوه‌ی یه‌کینه‌کانی پاراستنی گه‌ل (یه‌په‌گه‌) و یه‌کینه‌کانی پاراستنی ژنان (یه‌په‌ژه‌) خۆی نیشان دا. دیکه‌ی لایه‌نه‌ پێوه‌ندیداره‌کان له‌گه‌ڵ پرسی سووریا پاش ئه‌وه‌ی که‌ یه‌کینه‌ ئاماژه‌پێکراوه‌کان له‌ ناوچه‌کانی خۆیان به‌رگرییان کرد، ئه‌وانیان ناسی. ئه‌م یه‌کینانه‌ پاسه‌وانی له‌ هه‌ندێ بایه‌خ ده‌که‌ن که‌ کورده‌کان نوێنه‌رایه‌تی ده‌که‌ن هه‌ندێ بایه‌خ وه‌کوو دیموکراسی، مافی مرۆڤ و یاسا و ڕێسا و ڕێککه‌وتننامه‌ نێوده‌وڵه‌تییه‌کان. ئه‌وان له‌ به‌رانبه‌ر دڕندانه‌ترین شێوه‌ی تیرۆریزم واتا جیهادییه‌ سه‌له‌فییه‌کان به‌رگرییان له‌م بایه‌خانه‌ کرد. له‌ ده‌ره‌نجامدا لایه‌نه‌ جۆراوجۆره‌کان هه‌وڵیان دا له‌گه‌ڵ کورده‌کان وه‌کوو هاوپه‌یمانێکی متمانه‌پێکراو په‌یوه‌ندی بگرن که‌ به‌رگری له‌ بایه‌خه‌ مرۆڤییه‌ هاوبه‌شه‌کان ده‌کات. ئه‌مه‌ به‌م مانایه‌یه‌ که‌ کورده‌کان خۆیانیان وه‌کوو هاوپه‌یمانێکی به‌هێز سه‌لماندووه‌ و ئاماده‌ن له‌گه‌ڵ هه‌ر گرووپێک هاوکاری بکه‌ن که‌ پێبه‌ندی بایه‌خ و به‌رژه‌وه‌ندی هاوبه‌ش بن. هه‌ڵوێستی زلهێزه‌ گه‌وره‌کان له‌ به‌رانبه‌ر کورده‌کان به‌مه‌ به‌ستراوه‌ که‌ ئه‌وان چۆن له‌ نێوان به‌رژه‌وه‌ندی خۆیان و کورده‌کان په‌یوه‌ندی ده‌گرن و هه‌روه‌ها به‌ ڕێژه‌ی پایبه‌ندی ئه‌وان به‌ بایه‌خه‌ مرۆڤی و ڕێککه‌وتننامه‌ و گرێبه‌سته‌ نێوده‌وڵه‌تییه‌کانی مافی مرۆڤ به‌ستراوه‌ که‌ خۆیان واژۆیان کردووه‌ و جێبه‌جێ کردنی له‌ ئه‌ستۆی ئه‌واندایه‌.
مانش ڕای: ئایا سه‌رجه‌م پارت و گرووپه‌ کوردییه‌کانی چالاک له‌ سووریا ده‌توانن به‌ مه‌به‌ستی به‌ره‌وپێشبردنی ئارمانجی کورده‌کان یه‌کده‌نگ بن؟
ساڵح موسلیم: ڕوانگه‌ و بڕوای سیاسی جۆراوجۆر له‌ هه‌ر کۆمه‌ڵگایه‌کدا هه‌یه‌. ئه‌م جیاوازییانه‌ دیارده‌یه‌کی سروشتی و سه‌رچاوه‌یه‌ک بۆ ده‌وڵه‌مه‌ندیی فیکرییه‌. ئه‌مه‌ له‌باره‌ی کۆمه‌ڵگای کوردیش دروست ده‌بێت. سه‌ربه‌زێوی سووریا به‌ ترس و کاره‌ساته‌کانی ئه‌زموونێک بۆ ئه‌م پارتانه‌ بوو. هه‌رچی وێنه‌که‌ ڕوونتر ده‌بێته‌وه‌، یه‌کده‌نگی و هه‌ڤگرییه‌کی زیاتر له‌ نێوان پارته‌کان ئه‌نجام ده‌درێت. پانزده‌ پارتی جۆراوجۆر (که‌ خۆبه‌ڕێوه‌به‌ری دیموکراتیک به‌ شێوه‌ی یاسایی مۆڵه‌تی چالاکی به‌وان داوه‌) له‌ ڕۆژئاوادا چالاکی ده‌که‌ن، ژماره‌یه‌کیان پاڵپشتیی خۆبه‌ڕێوه‌به‌ری و ژماره‌کیشیان دژ به‌و بابه‌ته‌ن. به‌ بۆچوونی ئێمه‌ نزیکبوونه‌وه‌ به‌ ڕێگه‌چاره‌ی سیاسی له‌ سووریا یه‌کده‌نگییه‌کی زیاتر له‌ نێوان هه‌موو پارته‌کان دروست ده‌کات.
مانش ڕای: یه‌په‌گه‌ له‌ سووریای پاش شه‌ڕ چ ڕۆڵێکی ده‌بێت؟ له‌ هێزه‌ چه‌کداره‌کانی وڵات تێکه‌ڵ یان هه‌ڵده‌وه‌شێندرێته‌وه‌؟
ساڵح موسلیم: دانووستان و بارودۆخی ڕێگه‌چاره‌ی سیاسی له‌ سووریا ڕۆڵ و پێگه‌ی داهاتووی یه‌په‌گه‌ و یه‌په‌ژه‌ له‌ سووریای پاش شه‌ڕ دیاری ده‌کات. له‌مه‌ گومانێکدا نییه‌ که‌ ئه‌وان به‌شێک له‌ سیسته‌می به‌رگری سووریای فیدڕاڵی دیموکراتیک ده‌بن به‌ڵام هه‌ڵوێست و شوێنی جێگیربوونی ئه‌وان به‌ ڕێککه‌وتنه‌کان به‌ستراوه‌. به‌م حاڵه‌شه‌وه‌ به‌هێزبوونه‌وه‌ و پشتیوانی له‌و هێزانه‌ که‌ توانیویانه‌ دڕندانه‌ترین دوژمنانی مرۆڤایه‌تی شکست بده‌ن، به‌ سوودی خه‌ڵکی سووریا و به‌شه‌ سازێنه‌ره‌کانی ناوچه‌ی فیدڕاڵی دیموکراتیکی باکووری سووریایه‌.
 
سه‌رچاوه‌: ماڵپه‌ڕی هه‌واڵیی ویوزارواند ((VA)ViewsAround )
وه‌رگێڕان له‌ فارسییه‌وه‌: سروور خدری

کۆدی بابه‌ت: 67542  |  به‌روار: ۱۳۹۵/۱۰/۲۵  |  کاتژمێر: 13 : 50

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
پاسی یۆرۆ 4 دێتە ڕیزی پاسەکانی کرماشان/ عابر بانکی تایبەت بە کەمئەندام لە کرماشان جێگر دەکرێت
سنە دەبێتە میوانداری ڕکابەرییەکانی باکووری رۆژئاوای وڵات لە ٦ بەشی وەرزشی
ئەگەری هێرشی هاوبەشی ئێران و تورکیا لە دژی پەکەکە
دووهەمین فرۆکەى بێ فرۆکەوانی ئەمریکایی لە تورکیا کەوتە خوارەوە
ڕۆژئاوا دەبێ ڕوانگەی خۆ هەمبەر بە پەکەکە بگۆڕێت
کۆڕبەندی بەرزڕاگرتنی یادی مەحزوون کوردستانی لە دیواندەرە بەڕیوەچوو
زیاتر لە ٢٠٠٠ کەیسی پشکنین لە یەکە سینفییەکانی کوردستان لە ماوەی یەک حەفتەدا ئەنجام دراوە
حەوتەی فەرهەنگیی تەونی هەوشار لە تەلاری پارکی هونەرمەندانی تاران بەڕێوە دەچێت
کاردانەوەی نوێنەری مەهاباد بە گواستنەوەی ئاوی زەڕینە بۆ تەورێز
لە هەڵەبجە بوومەلەرزەیێک ڕووی دا
به‌رپرسی زیندانی بوونی هاوسه‌رۆکان و نوێنه‌رانی هه‌ده‌په‌ پارتی کۆماریخوازی گه‌له‌/ گرینگترین پرس یه‌کده‌نگی له‌ دژی دیکتاتۆریی ئه‌ردۆغانه‌
دیالۆگ کێشەی نێوان هەولێر و بەغدا چارەسەر ناکات
ئه‌مریکا پاش شکستی داعش له‌ سووریا نامێنێته‌وه‌
تەقینەوە لە میتینگی کوردەکانی ئەڵمانیا
57 گوندی ساین قه‌ڵا له‌ گازی سروشتی به‌هره‌مه‌ند ده‌بن
ئیمکانات