نوێنەری ئیئتیلافی دەوڵەتی یاسا لە پەرلەمانی عێراق:
سیاسەتی تورکیا هەمبەر بە عێراق ناڕوونە
بەشی عێراق و هەرێمی کوردستان- نوێنەری ئیئتیلافی دەوڵەتی یاسا لە پەرلەمانی عێراق وتی: لە کۆتا بەیاننامەی هاوبەشی دیدارەکەی سەرۆک وەزیرانی تورکیا لە بەغدا هیچ ئاماژەیەک بە کاتی کشانەوەی هێزەکانی تورکیا لە ئۆردووگای باشیک لە پارێزگای نەینەوا نەکراوە و ئەمەش پیشاندەری لێڵ بوونی سیاسەتی تورکیا هەمبەر بە عێراقە.
بە پێی هەواڵی کوردپرێس، سەلاح عەبدوڕڕەزاق لە لێدوانێک بۆ هەواڵدەریی "الاتجاه" وێڕای ئاماژە بەوەی لەو بەیاننامە هاوبەشەی سەبارەت بە ئەنجامی دیداری سەرۆک وەزیرانی تورکیا لە عێراق دەرکرا، هیچ ئاماژەیەک نەکراوە کە هێزەکانی ئەو وڵاتە چ کاتێک ئۆردووگای باشیک لە پارێزگای نەینەا چۆڵ دەکەن و وتی: ئەم بابەتە پیشاندەری ئەوەیە سەرەڕای جەخت کردنەوەکانی بیاڵی ییڵدرم سەرۆک وەزیرانی تورکیا لەسەر ڕێز بۆ سەروەریی خاکی عێراق، سیاسەتەکانی تورکیا هەمبەر بەم وڵاتە لێڵ و ناشەفافن.
عەبدوڕڕەزاق جەختی کردە سەر ئەوەیکە ئەنقەرە بە ڕوونی دژ بە بردنەدەرەوەی هێزەکانی لە باشیک و یاریدەی عێراق لە شەڕی داعشە و زیادی کرد: دیداری سەرۆک وەزیرانی تورکیا لە عێراق بۆ ئەوە بوو ڕێژەی لاوازیی هەڵوێستە دەرەکییەکانی دەرکەوێت و هەر بۆیەش بۆ باشتر کردنەوەی پێوەندییەکانی خۆی لەگەڵ وڵاتانی دراوسێ و لەوان عێراق هەوڵی داوە.

کۆدی بابه‌ت: 67470  |  به‌روار: ۱۳۹۵/۱۰/۲۳  |  کاتژمێر: 12 : 19

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات