له‌ ئه‌گه‌ری جێبه‌جێ نه‌بوونی به‌ڵێنه‌کان:
نوێنه‌ری مه‌ریوان هه‌ڕه‌شه‌ی له‌ وه‌زاره‌تی وزه‌ کرد
به‌شی ئێران/ کوردستان- مه‌نسوور مورادی وتی: له‌ ماوه‌ی سه‌فه‌ری جێگری وه‌زیری وزه‌ بۆ کوردستان بڕیار درا تاکوو ئاوی به‌نداوه‌کان له‌ کوردستان به‌کاربهێندرێت، هاوپه‌یوه‌ند به‌م بابه‌ته‌ ئه‌گه‌ر تا سێ مانگی دیکه‌ ئه‌م به‌ڵێنه‌ جێبه‌جێ نه‌کرێت ئێمه‌ نوێنه‌رانی پارێزگا له‌ کۆبوونه‌وه‌کانی هاوپه‌یوه‌ند به‌ ئاو به‌شداریی ناکه‌ین.
نوێنه‌ری خه‌ڵکی مه‌ریوان و سه‌وڵئاوا له‌ مه‌جلیسی شۆرای ئیسلامی له‌ لێدوانێکدا بۆ هه‌واڵنێری په‌رله‌مانی کوردپرێس سه‌باره‌ت به‌ سه‌فه‌ری ئه‌مدواییانه‌ی جێگری وه‌زیری وزه‌ بۆ پارێزگای کوردستان، وتی: له‌ ماوه‌ی چه‌ند ڕۆژی ڕابردوو، کۆبوونه‌وه‌یه‌کی گرینگ هاوپه‌یوه‌ند به‌ حه‌وزه‌ی ئاو له‌ ئاستی پارێزگا به‌ به‌شداری ئه‌نساری جێگری به‌نداوی وه‌زیری وزه‌ به‌ڕێوه‌چوو.
ناوبراو درێژه‌ی دا: له‌م کۆبوونه‌وه‌یه‌دا کێشه‌ گرینگه‌کانی ئاو و ته‌رخاندانی ئاوی پارێزگا خرایه‌ڕوو و ئه‌وه‌ی که‌ بۆچی به‌ڵێنه‌کانی وه‌زیری سه‌باره‌ت به‌ ئاوی به‌نداوه‌کان جێبه‌جێ نه‌کراوه‌.
مورادی ڕوونیشی کرده‌وه‌: به‌ ئاوڕدانه‌وه‌ له‌وه‌ی که‌ جه‌نابی ئه‌نساری جێگری وه‌زیری وزه‌، به‌رپرسی دیاریکراوی پارێزگا له‌پێناو ئابووری خۆڕاگرانه‌یه‌ بۆیه‌ چاوه‌ڕوانی ئه‌وه‌ین ده‌وڵه‌ت ئاوڕدانه‌وه‌ی تایبه‌تی به‌ پارێزگای کوردستانه‌وه‌ بێت و له‌پێناو کرده‌وه‌یی بوونی ئامانجی ئابووری خۆڕاگرانه‌ به‌رنامه‌یه‌کی دروست سه‌باره‌ت به‌ پارێزگای کوردستان جێبه‌جێ بکات.
ناوبراو به‌ جه‌خت کردنه‌سه‌ر بارودۆخی قه‌یراناوی گونده‌کانی پارێزگای کوردستان زیادی کرد: زۆربه‌یه‌ک له‌ گونده‌کانی ئێمه‌ به‌هۆی نه‌بوونی ئاو چۆڵ کراون و ئه‌مه‌ زه‌نگێکی مه‌ترسی بۆ پارێزگایه‌.
نوێنه‌ری مه‌ریوان زیادیشی کرد: ئێمه‌ پێداگری ئه‌وه‌ین که‌ هه‌رچی زووتر سه‌باره‌ت به‌ ته‌رخاندانی ئاوی به‌نداوه‌کان به‌ پارێزگای کوردستان ئاوڕێکی ئایبه‌ت بدرێت، یاکوو دۆخی کشتوکاڵ و ئابووری گونده‌کان باشتر بێت و شاهیدی گه‌ڕانه‌وه‌ی خه‌ڵک بۆ گونده‌کانی خۆیان بین.
ناوبراو جه‌ختیشی کرد: ئێمه‌ تا سێ مانگی دیکه‌ چاوه‌ڕوانی وڵامدانه‌وه‌ین، ئه‌گه‌ر وڵامی ئه‌رێنی نه‌گرینه‌وه‌ چیتر له‌ کۆبوونه‌وه‌کانی هاوپه‌یوه‌ند به‌ ئاو به‌شداریی ناکه‌ین.

کۆدی بابه‌ت: 67401  |  به‌روار: ۱۳۹۵/۱۰/۲۲  |  کاتژمێر: 9 : 45

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
گشت‌پرسی لە کەرکووک دەبێ پێش لە ڕێفراندۆمی هەرێمی کوردستان بەڕێوە بچێت
دۆزینەوە و دەستبەسەرداگرتنی لەوحێکی مێژوویی لە ئیلام
پارتی "زۆرینەی سیاسی" لەعێراق رەتدەکاتەوە
HSD`ê 6 taxên Tebqayê kontrol kirin
Fermandarekî amerîkî li Mûsilê hat kuştin
Amedspor li hember Mereşê bi ser ket
PE: Xelkê Şengalê bûye qûrbaniyê rikberiyên hemî aliyan
Erdoxan: Wêneyê leşkerê amerîkî û YPG`yiyan em xemgîn kirine
گرنگترین بارەگای PKKمان لە شەنگال کردۆتە ئامانج/ زۆرتر لە 200 ئەندامی YPGمان کوشتووە
سێ کاندیدی هه‌ڵبژاردنی سه‌رۆک کۆماری سکاڵایان به‌رز کرده‌وه‌
هێزه‌کانی ئیئتیلافی نێوده‌وڵه‌تی ناوچه‌ی دژه‌فڕین له‌ کوردستانی سووریا ڕابگه‌یێنن
په‌که‌که‌ داره‌ده‌ستی تورکیا بووه‌ بۆ هێرشکردنه‌ سه‌ر شه‌نگال
گه‌وره‌ترین وه‌جبه‌ی تلیاک له‌ ئیلام دۆزرایه‌وه‌
په‌که‌که‌ و YPG جیاوازییان پێکه‌وه‌ هه‌یه‌
52%ی ئەو کەسانەی کە لە ئازەربایجانی رۆژئاوادا تووشی رووداوی هاتووچوو دەبن لە شوێنی پێکدادانەکەدا گیانیان لە دەست دەدەن
ئیمکانات