سه‌رۆک وه‌زیرانی تورکیا:
ئاماده‌بوونی PKK له‌ شه‌نگالدا بۆ تورکیا پرسێکی ئەمنییە
به‌شی تورکیا- سه‌رۆک وه‌زیرانی تورکیا وتی: ئاماده‌بوونی هێزه‌کانی PKK له‌ شه‌نگال پرسێکی ئه‌منی بۆ تورکیایه‌ و ئه‌گه‌ر عێراق و حکوومه‌تی هه‌رێمی کوردستان ئه‌وان ده‌رنه‌که‌ن تورکیا به‌ شێوه‌ی ڕاسته‌وخۆ کاره‌کانی له‌مباره‌وه‌ ده‌ستپێبکات.
به‌پێی هه‌واڵی کوردپرێس به‌ گێڕانه‌وه‌ له‌ هه‌واڵده‌ریی ئانادۆڵو، شه‌وی ڕابردوو بینالی ییڵدیریم سه‌رۆک وه‌زیرانی تورکیا پاش گه‌ڕانه‌وه‌ له‌ سه‌فه‌ری فه‌رمی خۆی بۆ عێراق، ڕایگه‌یاند: ئاماده‌بوونی هێزه‌کانی پارتی کرێکارانی کوردستان (PKK) له‌ شه‌نگال (باکووری کوردستانی عێراق) به‌شێک له‌ پرسه‌ ئه‌منییه‌کانی تورکیایه‌ و له‌سه‌ر پێویستی چوونه‌ده‌ره‌وه‌ی ئه‌م هێزانه‌ له‌ شه‌نگالدا جه‌ختی کرد.
ناوبراو له‌ کۆنفڕانسێکی ڕۆژنامه‌وانی له‌ فڕۆکه‌خانه‌ی نێوده‌وڵه‌تی ئیسه‌ن بۆغای ئه‌نقه‌ره‌دا زیادی کرد: "جێگیربوونی PKK له‌ شه‌نگالدا پرسی ئاسایشی نه‌ته‌وه‌یی تورکیایه‌. ورده‌کارییه‌کانی ئه‌م بابه‌ته‌مان هه‌ڵسه‌نگاند. یان هێزه‌کانی پێشمه‌رگه‌ و سوپای عێراق هێزه‌کانی PKK له‌م ناوچه‌یه‌ ده‌رده‌که‌ن، یان تورکیا داپه‌ڕه‌ پێویسته‌کان ئه‌نجام ده‌دات. هه‌ڵوێستی ئێمه‌ له‌مباره‌وه‌ ڕوون و ئاشکرایه‌. له‌ ماوه‌ی سه‌ردانکردنی ئه‌مدواییه‌مان بۆ عێراق چه‌ندین جار جه‌ختمان له‌سه‌ر ئه‌م بابه‌ته‌ کردووه‌."
سه‌رۆک وه‌زیرانی تورکیا جه‌ختی کرد: "نابێت ئاسایشی عێراق و تورکیا به‌ جیا له‌ یه‌کتر ببینرێت. به‌م بۆنه‌وه‌ به‌ ڕوانگه‌یه‌کی هاوبه‌ش له‌گه‌ڵ عێراق ڕێککه‌وتین له‌سه‌ر به‌ره‌نگاری له‌گه‌ڵ هه‌ندێ گرووپی تیرۆریستی وه‌کوو PKK، FETO و داعش."
ناوبراو وێڕای ئاماژه‌ به‌وه‌ی که‌ ئامانج له‌م سه‌فه‌ره‌، پته‌وکردنی به‌رژه‌وه‌ندییه‌ هاوبه‌شه‌کان و دابه‌زینی کێشه‌کانی نێوانمان به‌ که‌مترین ئاستی مومکین بوو، جه‌ختیشی کرد: "له‌مدواییانه‌دا گفتوگۆی نێوان به‌رپرسانی دوو وڵات له‌باره‌ی بنکه‌ی باشیک، په‌یوه‌ندییه‌کانی دوو وڵاتی تا ئاستێکی زۆر له‌گه‌ڵ کێشه‌ به‌ره‌وڕوو کردبووه‌وه‌. کۆبوونه‌وه‌ی ئێمه‌ له‌ عێراق به‌ ئامانجی دروستکردنی ڕوانگه‌یه‌کی نوێ له‌ په‌یوه‌ندییه‌کانی دوو وڵات و چاره‌سه‌رکردنی ئه‌م کێشه‌یه‌، به‌هێزتربوونه‌وه‌ی سه‌رمایه‌دانه‌ری ئابووری و هاوکاری ئه‌منیی به‌قازانج بوو."
بینالی ییڵدیریم له‌م سه‌فه‌ره‌دا له‌گه‌ڵ به‌رپرسانی عێراق و حکوومه‌تی هه‌رێمی کوردستان دیدار و گفتوگۆی کرد.

کۆدی بابه‌ت: 67340  |  به‌روار: ۱۳۹۵/۱۰/۲۰  |  کاتژمێر: 12 : 56

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
پاسی یۆرۆ 4 دێتە ڕیزی پاسەکانی کرماشان/ عابر بانکی تایبەت بە کەمئەندام لە کرماشان جێگر دەکرێت
سنە دەبێتە میوانداری ڕکابەرییەکانی باکووری رۆژئاوای وڵات لە ٦ بەشی وەرزشی
ئەگەری هێرشی هاوبەشی ئێران و تورکیا لە دژی پەکەکە
دووهەمین فرۆکەى بێ فرۆکەوانی ئەمریکایی لە تورکیا کەوتە خوارەوە
ڕۆژئاوا دەبێ ڕوانگەی خۆ هەمبەر بە پەکەکە بگۆڕێت
کۆڕبەندی بەرزڕاگرتنی یادی مەحزوون کوردستانی لە دیواندەرە بەڕیوەچوو
زیاتر لە ٢٠٠٠ کەیسی پشکنین لە یەکە سینفییەکانی کوردستان لە ماوەی یەک حەفتەدا ئەنجام دراوە
حەوتەی فەرهەنگیی تەونی هەوشار لە تەلاری پارکی هونەرمەندانی تاران بەڕێوە دەچێت
کاردانەوەی نوێنەری مەهاباد بە گواستنەوەی ئاوی زەڕینە بۆ تەورێز
لە هەڵەبجە بوومەلەرزەیێک ڕووی دا
به‌رپرسی زیندانی بوونی هاوسه‌رۆکان و نوێنه‌رانی هه‌ده‌په‌ پارتی کۆماریخوازی گه‌له‌/ گرینگترین پرس یه‌کده‌نگی له‌ دژی دیکتاتۆریی ئه‌ردۆغانه‌
دیالۆگ کێشەی نێوان هەولێر و بەغدا چارەسەر ناکات
ئه‌مریکا پاش شکستی داعش له‌ سووریا نامێنێته‌وه‌
تەقینەوە لە میتینگی کوردەکانی ئەڵمانیا
57 گوندی ساین قه‌ڵا له‌ گازی سروشتی به‌هره‌مه‌ند ده‌بن
ئیمکانات