سه‌رۆکی ئیداره‌ی پاراستنی ژینگه‌ی مه‌هاباد:
هیچ حاڵه‌تێکی گوماناوی له‌ مردنی په‌له‌وه‌ران له‌ ژینگه‌ ئاوییه‌کانی مه‌هاباد نه‌بینراوه‌
به‌شی ئێران/ ئازه‌ربایجانی ڕۆژئاوا- سه‌رۆکی ئیداره‌ی پاراستنی ژینگه‌ی شارستانی مه‌هاباد وتی: هیچ حاڵه‌تێکی گوماناوی له‌ مردنی په‌له‌وه‌ران له‌ ژینگه‌ ئاوییه‌کانی مه‌هاباد نه‌بینراوه‌.
به‌پێی هه‌واڵی کوردپرێس، ئه‌مڕۆ دووشه‌ممه‌ (20ی به‌فرانبار) کامران حسێنی له‌ گفتوگۆ له‌گه‌ڵ هه‌واڵنێراندا باسی له‌ به‌رده‌وامیی چاودێری ژینگه‌ ئاوییه‌کانی ئه‌م شارستانه‌ به‌ ئامانجی ئه‌گه‌ری ناسینی نه‌خۆشی ئانفۆلانزای زۆر حاد له‌ په‌له‌وه‌ران کرد و ڕایگه‌یاند: هیچ حاڵه‌تێکی گوماناوی له‌ ڕه‌فتاری نائاسایی و مردنی په‌له‌وه‌ران نه‌بینراوه‌.
ناوبراو جه‌ختی کرد: وێڕای ئاوڕدانه‌وه‌ له‌ بڵاوه‌بوونی ئانفۆلانزای زۆر حادی په‌له‌وه‌ران له‌ هه‌ندێ پارێزگاکانی وڵات له‌ ئه‌مساڵدا، به‌ مه‌به‌ستی ڕێگری له‌ په‌ره‌سه‌ندنی ئه‌م نه‌خۆشییه‌ وێڕای ڕاگه‌یاندنی قه‌ده‌غه‌بوونی ڕاوکردنی په‌له‌وه‌ران، هێشتا چاودێری و لێکدانه‌وه‌ی تاڵاوه‌کانی شارستان له‌ ده‌ستووری کاری ئه‌م ئیداره‌یه‌ دانراوه‌.
حسێنی وتیشی: کاری چاوه‌دێری له‌سه‌ر ده‌ڤه‌ری ژێر چاودێری مه‌هاباد به‌ شێوه‌ی به‌رده‌وام له‌لایه‌ن ئیداره‌ی پاراستنی ژینگه‌ و ئاژه‌ڵپزیشکییه‌وه‌ ئه‌نجام ده‌درێت.

کۆدی بابه‌ت: 67338  |  به‌روار: ۱۳۹۵/۱۰/۲۰  |  کاتژمێر: 12 : 41

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات